港男呻同事搞曖昧拉佢做「電燈膽」！食飯三人行感尷尬！網民揭或另有驚人真相
Photo from TVB
港男發現公司同事曖昧中
有網民喺連登討論區開post，佢表示本身公司嘅同事大家年紀差唔多，平時都會一齊食飯、一齊玩，而佢同其中一男一女特別好傾，所以變熟咗，由同事變朋友。
Photo from ViuTV
Photo from ViuTV
本來喺公司與同事相處得好係一件好事，但樓主近日發現嗰一男一女同事好似正在曖昧中，但仍然成日叫埋樓主一齊去食飯，令佢感到尷尬。
Photo from TVB
樓主表示佢觀察到男同事分明係對嗰位女同事有意思，有心想追求佢，成日都讚嗰位女同事好cute。
Photo from TVB
同事約3人行一齊食飯，港男自覺做「電燈膽」感尷尬
樓主都好識做，諗住畀啲空間兩位同事，由得佢哋發展，開始唔join佢哋食lunch，但點知佢哋仲係周不時會叫埋樓主一齊食飯，樓主非常無奈：「就算我遲放飯都特登等埋」
Photo from TVB
Photo from TVB
對於同曖昧中嘅同事一齊食飯，樓主覺得好不便：「大佬講真比晒位你入就去馬啦，成日預埋我做電燈膽做乜，究竟我喺呢個組合入面有咩作用」
Photo from TVB
網民指男同事其實想追求港男！現實版《大叔的愛》？！
唔少留言都叫樓主嫌煩嘅不如主動出擊，追求嗰位女同事，但樓主就指「唔想湊女，不了」，佢其後終於忍唔住問咗男同事究竟係咪鍾意個女仔，點知男同事竟然話唔係，樓主疑惑：「咁啲曖昧係做乜」
Photo from lihkg
Photo from lihkg
Photo from TVB
有網友就指可能男同事追求對象其實根本唔係女同事，而係樓主！女同事先係「電燈膽」！樓主曾提及自己「以前比人話似女人樣，近年少左」，好多留言都認同男同事係「扮溝女」，令樓主大為震驚。
Photo from ViuTV
Photo from lihkg
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男自覺有機似《大叔的愛》黃德斌 中途轉基！女友驚失去男友 網民：多數有「基」心！
5 Jul 2021
熱播中的ViuTV劇集《大叔的愛》近日成為全城熱話，早前有港男發文指介意媽媽迷上此劇，但近日，卻有港女擔心男友變成劇中嘅黃德斌，嚟個中途轉基！更嚇到劇都唔敢再睇~
Photo from 大叔的愛 ViuTV
《大叔的愛》不論劇情、演員及帶來嘅影響都充滿話題性。由於題材有關同性戀，唔係個個都受落，有部分男士因此抗拒觀看。不過，有男觀眾則投入到認為自己有可能似劇中嘅黃德斌，愛上男人，嚇壞女友！
Photo from 大叔的愛 ViuTV
最近，一名女網民到香港討論區發文表示，佢同男友觀看完《大叔的愛》後，男方向佢提問：「如果有一日我都好似黃德斌咁，你會點呀？」
Photo from 大叔的愛 ViuTV
Photo from 香港討論區 評論
此問一出，女事主即被嚇窒，更稱「呢幾日都唔敢同佢睇呢套劇」。佢遂指，男友數天後到了朋友屋企打機至深夜，並聯絡女方指因害怕晚歸會嘈醒佢，所以當晚決定留喺朋友家過夜。
Photo from 大叔的愛 ViuTV
此事進一步加深事主對男友可能「中途轉基」嘅擔憂，遂向網民問道：「死喇…佢個問題係假設問題定係嚟真架？」
Photo from 大叔的愛 ViuTV
有網民認為事主男友有機會只係隨口講下，事主無需要太緊張。另有網民稱，喜愛觀賞此類有關男男戀劇集嘅男性，多少也有一點點「搞基」的心；雄心重嘅男人會連睇到劇集標題都立即反感。亦有人認為事主男友係隱性基，「因為男人對男人，是冇幻想力，除左基」，事主亦回應：「死啦…係咪我唔好？係我叫佢陪我睇」。
Photo from 大叔的愛 ViuTV
Photo from 香港討論區 評論
Photo from 香港討論區 評論
有網友建議，既然男友嘅問題係假設性，就索性回答一些佢喜歡聽嘅答案，打個完場就得。
Photo from 香港討論區 評論
另有網民建議，假設性問題就唔好回答，免得節外生枝，而女事主都將此建議置頂，以示同意。
Photo from 香港討論區 評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
