旺角美食｜馬祖無限時任食台式火鍋店最抵$239起！19款湯底+台灣直送配料

Reporter/ Anchor

台式火鍋店「馬祖」分店愈開愈多，今次更進駐旺角，新店主題是無限時火鍋，近20款養生湯底任你選擇，前菜、配料及飲品都任食任拎，套餐最抵食由$239起，各位大胃王記得Bookmark！

馬祖台灣養生湯麵館本為藥膳湯麵店，近年開始增設火鍋主題店，每間分店各有特色，比如荃灣店以一人台式火鍋作招徠，今次旺角店又有新搞作，新店以無限時為主打，食客可以馬拉松式食足9小時，配料及湯底選擇多多，價錢折後由$239起，性價比相當高！

Photo from PressLogic

無限時任食台式火鍋店

普遍火鍋放題都設有限時，時間大約2小時內，如果想與朋友們聊天聚舊或者慢慢食，時間上可能會有點勉強，馬祖旺角新分店希望為客人提供一個放鬆空間，同時又可以慢慢歎美食，於是以無限時任食為主題，食客可以食足9小時，加上新店裝潢採用文青風格，大量使用淺色木材，打造舒適的打邊爐空間！

Photo from PressLogic

馬祖火鍋店主打養生藥膳湯底，選擇接近20款，例如藥膳蟲草花桃膠養生鍋，藥膳養生醉雞鍋等等，以十多款藥材如紅棗，當歸，北芪，黨參，杞子，雞殼等，熬製超過五小時，營養價值極高！

Photo from PressLogic

嗜辣者亦不用擔心火鍋湯底太清淡，可以選擇台灣著名的蕃茄麻辣湯底，味道似足牛肉麵湯底，陣陣濃郁蕃茄味，辣勁愈食愈厲害！

Photo from PressLogic

任食火鍋設有4款套餐，按離座及入座時段收費，7:30pm前離座即可以抵食價$239起（為折後價錢）打邊爐，無論是前菜、肉類、配料都是任食！別以為任食火鍋都是「劣食」，馬祖火鍋堅持讓食客嚐高級肉類，嚴選Prime Grade牛肉，即美國牛肉中最頂級2%的級數！

Photo from PressLogic

最便宜的套餐可以食到Prime Grade美國安格斯牛肉，及西班牙無激素豬肉片；想奢華點亦可以叫最貴的套餐，可以食勻6款肉類，當中包括油脂分佈平均的極上Prime Grade霜降牛小排、安格斯牛頸脊以及西班牙伊比利亞黑毛豬！

Photo from PressLogic

另外其他配料亦絕不馬虎，提供每天新鮮製作的手工配料，比如手工魚滑、牛丸、餃子；同時亦食盡食台灣直送的配料，例如近年流行的鴨血、甜不辣及台灣腸等等。

Photo from PressLogic

飲品方面亦新推出愛文芒果茉梨花茶及冷泡日月潭蜜香紅茶，生津解渴又養生！

Photo from PressLogic

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel