【灣區升明月】藝人前任/現任世紀大同台！網民：一下子回顧20年娛圈情史

By Stephanie on 23 Sep 2021

Digital Content Writer

每年中秋節，內地唔同電視台都會舉辦大型嘅中秋晚會，而今年「灣區升明月」就邀請咗多位兩岸三地嘅歌手，陣容鼎盛！不過，有網民發現多位藝人喺大合唱時疑似假唱；另外有部份藝人曾經有過一段「情」都被迫同台，其中謝霆鋒同王菲嘅世紀同台就成為大家嘅熱話！

Photo from 《灣區升明月》

#好多香港歌手參加晚會？！

一年一度嘅中秋節又到喇！內地就經常都會喺中秋當日舉辦大型慶祝嘅晚會，邀請唔同嘅歌手獻唱，其中由鳳凰衛視主辦嘅「灣區升明月」就成為咗內地網民最期待嘅節目之一！事關。主辦單位成功邀請到好多重量級嘅歌手，網上曾經傳出出演名單，而香港歌手就足足有26組咁多！

Photo from 微博

#王菲謝霆鋒難得同台！

由於主辦單位邀請嘅歌手接近一百位咁多，所以導致唔少傳出過緋聞嘅歌手們都被迫同台演出「聚首一堂」。其中最受大家觸目嘅就一定係謝霆鋒同王菲呢一對喇！謝霆鋒係晚會嘅主持人之一，而王菲就係表演嘉賓，而呢個消息係網上釋出嘉賓名單時就已經成為大家熱話，所以大家都好期待佢哋嘅「世紀同台」！

Photo from 謝霆鋒微博

Photo from 微博

#謝霆鋒刻意扮淡定？

好可惜嘅係當晚兩人並冇同框出現係電視機前！但有網民就捕捉到主持人喺介紹王菲出場嘅時候，謝霆鋒一臉淡定，面無表情嘅樣貌，令網民都紛紛話「努力咁扮唔識」、「個個都拍手，得佢一個企喺度」等，同其他人形成鮮明嘅對比。

Photo from 《灣區升明月》

Photo from 微博

#尷尬同台合唱？！

其中，楊冪嘅前夫劉愷威就於大合唱嘅時候，同魏大勛（楊冪緋聞男友）企埋一齊，兩人中間只係相隔一人，並冇任何交流，令唔少內地網民表示睇到都好尷尬「想不到中秋是你們兩個團圓」！

Photo from 《灣區升明月》

Photo from 楊冪微博

#網民：中秋秒變前任/現任們嘅聚會！

除咗以上呢2對之外，其實仲有好多關係比較「尷尬」嘅藝人們：陳偉霆同阿Sa、傳過緋聞嘅華晨宇同鄧紫棋、Angelababy前任陳偉霆同老公黃曉明、鄭中基前女友楊千嬅同前妻阿Sa等，令網民都不禁驚嘆製作單位嘅邀請名單，講笑話「簡直就係大型嘅前任現任聚會！」、「一下子就可以回顧20年嘅娛樂圈情史」！

Photo from 微博

Photo from 《灣區升明月》

#網民發現疑似假唱？！

當日嘅大合唱仲有另外一個亮點，有網民發現多位藝人於演唱《東方之珠》嘅時候疑似假唱！由於明星們嘅嘴形同歌曲並唔一致，部份歌手已經幾乎合埋咗口，但依然能夠繼續唱歌，令假唱變得更加明顯！

Photo from 《灣區升明月》

#王嘉爾態度被批！

而王嘉爾嘅演出態度就更加引起網民們嘅不滿，因為佢連喺獨唱部份嘅時候，都只係輕輕咁張開個嘴，似乎唔太想唱咁！到第二部分群星大合唱嘅時候，王嘉爾仲因為心不在焉忘記唱歌，而需要一旁嘅井柏然輕拍提醒佢，畫面奇怪！

Photo from 《灣區升明月》

#只係得一個人真唱？

有網民就指當日好有可能只係得華晨宇一個係真唱，因為音樂喺佢唱歌嘅時候會立刻變細，而且只係得佢一個戴上咗耳麥。而事實上，內地文化旅遊部就曾經發出過「文化旅遊部關於規範演出經紀行為加強演員管理促進演出市場健康有序發展的通知（征求意見稿）」，裡面嘅第11同12條都列明「不得組織演員假唱，不得為假唱提供條件」等。如今卻傳出喺大型晚會假唱嘅消息，引起熱話！