江若琳發千字文感激老公陪伴！ 10年朋友變夫婦 曾被指介入蕭唯展感情？

江若琳（江伊晴）最近晉身YouTube界，開設自己嘅頻道同大家分享佢嘅日常生活。早前，佢就喺IG有感而發，向認識咗10年嘅老公蕭唯展（前名蕭潤邦）表達愛意同感謝之情，非常感人！其實過去江若琳嘅事業以及感情路都似乎唔係咁順遂，仲曾經被人指責介入人哋嘅感情！

Photo from 江若琳IG

#江若琳成為YouTuber？！

即將迎來34歲生日嘅江若琳（江伊晴），最近就開始拍攝YouTube同大家分享佢嘅生活。最近，佢似乎有感而發，經常都喺IG上載照片同文字抒發自己嘅情緒，而佢身邊嘅朋友們都有留言鼓勵同安慰佢！

Photo from 江若琳IG

Photo from 江若琳IG

#打千字文感激老公陪伴！

日前，江若琳就上載同結婚3年嘅老公蕭唯展Oscar（前名蕭潤邦）嘅合照，並有表示感謝佢一直以來嘅陪伴：「他的出現改變了我崩潰的一生，我沒有辦法用言語形容我對他的感激，但我會用我的一生來還給你」，形容自己喺遇到老公之前一直都過得唔幸福！

Photo from 江若琳IG

Photo from 江若琳IG

#蕭唯展係公認嘅愛妻之人！

其實Oscar一直都非常疼愛江若琳，兩人2018年結婚時男方男方仲豪花7位數為打造華麗婚禮，並於特別節日花盡心思慶祝，絕對係一位名副其實嘅「愛妻號」！

Photo from 江若琳IG

#兩人2007年同期出道！

而兩人其實喺結婚前就已經認識咗將近10年，佢哋同一年出道，不過兩人嘅際遇都十分唔同！江若琳於2014年於前經紀人公司鬧合約糾紛，需要支付龐大嘅律師費，所以就開始返內地工作，獨自打拼。

Photo from 江若琳IG

Photo from 江若琳IG

#兩人事業發展大不同！

而江若琳亦先後於多位藝人傳出緋聞，包括有吳卓羲、周柏豪等，感情路似乎都唔太順利；而Oscar就離開娛樂圈，飛往上海拜師學藝學整生煎包，之後再返香港開舖做老闆，轉行後事業更順利！

Photo from 江若琳IG

Photo from 蕭唯展IG

#於上海重遇

據悉，江若琳同Oscar因為同時喺上海而見面聚舊，發現情投意合，兩人十分投契，繼而開始相戀！兩人都認為佢哋經歷咗咁多嘢之後，變得非常成熟，所以更加懂得珍惜對方嘅好！

Photo from 江若琳IG

Photo from 江若琳IG

#江若琳曾被爆介入蕭唯展與前任感情？！

不過兩人交往嘅時候，就曾經傳出過係江若琳介入Oscar同前女友嘅關係，不過男方好快就回應「同前女友分開半年先同Elanne一齊」，真係十分保護老婆㗎！

Photo from 江若琳IG

相關文章：【貓季酒店】江伊晴主理觀塘貓酒店！任揀靚境、歎星級海景spa

相關文章：林峯張馨月夫妻檔上陣放閃 林峯心痛老婆受惡評攻擊「佢所有嘢都好完美」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

江若琳公開西貢複式豪宅內部！打造私人小花園/超遼闊海景

17 Sep 17, 2021

江若琳（江伊晴）入行多年，最令人印象深刻嘅就係佢曾經表示自己月薪只得$1萬，並公開銀行存款！今時唔同往日，最近佢就公開自己位於西貢嘅複式豪宅，內部面積非常大，同老公過住幸福嘅二人世界～

Photo from 江若琳IG

#過去銀行存款曾剩$58！

現年33歲嘅江若琳（江伊晴）喺2008年嘅時候，被傳出同公司老闆林小明關係曖昧，受到特別照顧，而佢媽媽為咗證明女兒嘅清白，就公開江若琳當時月薪僅有$1萬港幣，而銀行存款只得$58港幣！後來，江若琳就於2018年同「生煎包王子」蕭潤邦(Oscar) 結婚，男方仲豪花7位數為佢打造盛大婚禮，並準備價值逾$310萬嘅皇冠以及鑽戒俾佢作為結婚禮物，十分豪華！

Photo from 江若琳IG

Photo from 江若琳IG

#婚後居住於西貢豪宅！

最近，江若琳就進軍YouTube界，並上載咗佢日常Vlog紀錄佢一日嘅生活。喺影片中，佢亦公開咗自己位於西貢嘅複式豪宅內部，豪宅環境清幽恬靜，遠離都市煩囂，仲可以飽覽無敵大海景，非常悠閒～

Photo from 江若琳IG

Photo from 江若琳IG

#設計簡約主人房

睡房面積非常大，以黑白色為主，設計簡約，仲擺放咗唔同嘅玩具收藏品，而作為「貓奴」嘅佢亦將愛貓嘅糧食放喺房內，方便照顧佢哋。而睡房裡面嘅洗手間就主要以實用為主，鋪滿雲石紋嘅地板，簡單又乾淨！

Photo from 江若琳Youtube

Photo from 江若琳Youtube

#開放式廚房

廚房方面，有好多空間可以擺放唔同嘅用品，空間更加似係開放式嘅廚房！而佢亦放置咗一張木桌於廚房內，方便佢哋一煮完飯就可以立刻享用美食，實用性非常強～

Photo from 江若琳Youtube

Photo from 江若琳Youtube

#悉心照料家中嘅「吉祥物」！

豪宅內亦設有樓梯，令屋內嘅空間睇落更加大。下層就放置咗江若琳屋企嘅「鎮家之寶」錦鯉紅龍，佢仲話名字叫做「蕭當紅」，並示範每天餵蝦俾佢食嘅畫面，十分搞笑！

Photo from 江若琳Youtube

Photo from 江若琳Youtube

#露台變小花園！

另外，江若琳就公開老公嘅「秘密基地」露台，景觀優美，可以望到海景，令人心曠神怡！佢仲大爆佢老公好鍾意種植，所以露台擺放咗好多花花草草，而佢亦十分用心咁幫手照顧露台嘅盆栽㗎～

Photo from 江若琳IG

Photo from 江若琳Youtube

Photo from 江若琳Youtube

相關文章：梁朝偉拍《尚氣》片酬曝光！Marvel出道作史上第二高！坐擁9億物業半山豪宅超奢華

相關文章：港姐陳庭欣公開月租十萬九肚山豪宅！由公屋港姐變貴婦 生活越來越富貴

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）