麥明詩無悔曾與林作拍拖 曬大學舊照 反對網民話舊愛係污點

林作近日因「林鍾一戰」成為熱話，同女友裕美又經常孖住上報好風騷。而其舊愛麥明詩（Louisa）曝光率則變得比以前低，由藝人轉做商業顧問。Louisa日前上載一張十年前嘅大學照片 ，指自己珍惜每一個遇過嘅人，但有網民襯機留言重提林作，引嚟Louisa親自回應。

Photo from 麥明詩 FB

麥明詩曬大學照

「10A前港姐」麥明詩兩年前淡出娛樂圈，重投律師行業，喺一間國際公司擔任商業顧問。佢日前喺社交平台發佈一張大學時期照片，相中嘅佢非常清秀，有網民指佢當時仲有baby fat，但同呢家一樣咁靚女。

Photo from 麥明詩 FB

麥明詩珍惜過去經歷

帖文中，麥明詩寫道：「Photo of me starting off at uni, 10 years ago.（呢張相係我十年前開始讀大學嘅樣。）」、「Looking back, I treasure every experience and every person I met along the way. They made me who I am today.（回望過去，我珍惜每段經歷及每個遇過嘅人。佢哋造就今日嘅我。）同時，佢喺標籤寫道「#noregrets（無悔）」、「#人生有幾多個十年」。

Photo from 麥明詩 IG

網民重提林作，戥麥明詩唔抵

不少網民都留言大讚佢當年已好有氣質，甚至有人表示更喜歡佢有肉地嘅模樣。不過，亦有部分網民重提麥明詩感情往事，直指：「林作係你人生嘅污點」、「我估！呢十年來~ 妳最disgusting的事，一定係遇到林作！」、「Don't go back to Work Lam（別回林作懷抱）」。

Photo from 麥明詩 IG

Photo from 麥明詩 IG

Photo from 麥明詩 IG

麥明詩無悔曾與林作交往

有網民更坦言：「同林作個傻仔扯上關係，係你（麥明詩）一生嘅遺憾！」可能見到太多有關於舊愛嘅負評，令Louisa感到有必要澄清，並親自留言回應：「still something I don't regret！（仍然係我唔後悔嘅事！）」

Photo from 麥明詩 IG

Photo from 麥明詩 IG

對此，不少網民都大讚麥明詩誠實又大方得體，係美貌與智慧並重嘅代表，非常有家教修養。亦有網民指：「作仔唔係蠢仔，係衰格啲但幾叻計數，依家幾各有所得。」亦有人認為，一生人總會遇到不同類型嘅人，咁樣係人生學習過程，不是污點。

Photo from 麥明詩 IG

Photo from 麥明詩 IG

麥明詩疑似刪除「不悔」留言

不過，到現時為止已無法找回麥明詩回應網民指自己「不後悔林作情史」留言，有網民懷疑留言已被刪除，原因不明。

相關文章：麥明詩大晒唯美海底寫真　Fit爆身材、長腿若隱若現！網友大派心心眼：真美人魚

相關文章：《七救星》七仙羽幫裕美林作媽破冰 終炒大鑊收場 飛踢林作除孽 林媽想七師傅做新抱？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）