盤點6條網民評選奇怪巴士路線全部都瘋狂兜路：好似巡遊咁！

生活熱話

By Stephanie on 23 Sep 2024

Digital Content Writer

相信唔少人都非常依賴交通工具去唔同嘅地區，其中巴士一定係大家常用嘅交通工具之一喇，路線又多而且十分方便～有網民就投選咗6條路線最奇怪嘅巴士路線，仲形容佢兜路嘅情況「好似花車巡遊咁」！

Photo from TVB

1. 龍運E43 （粉嶺華明↔東涌發展碼頭）

呢條巴士路線係路程最長嘅日間巴士路線，全程係70.1公里，需時約125分鐘，搭車嘅時間足夠飛台灣一轉～當中會橫誇多條公路，包括：北區公路、吐露港公路等，甚至會兜埋青衣區，熱愛遊車河嘅朋友一定要試下搭喇！

Photo from 九巴App

Photo from TVB

2. 九巴 106 （小西灣↔黃大仙）

106號嘅巴士路線全場22公里，需時約100分鐘，係一架由九龍區過海去港島嘅巴士。不過網民就形容過海之後就簡直好似港島區巡遊咁，幾乎港島嘅每個站都會途徑！如果咁啱撞正放工時候，大家就要企足全程，超級辛苦！

Photo from 九巴App

3. 九巴 53 （元朗↔荃灣如心廣場）

九巴53號嘅路線全程長約31.9公里，全程所花費嘅時間大約係104分鐘，總共有74個站咁多！有網民就話如果係想去遊車河消磨時間嘅話，直接搭呢㗎車就啱晒喇～

Photo from 九巴App

Photo from TVB

4. 九巴 64K （元朗西總站↔大埔墟站）

九巴64K嘅路線全程係22.7公里，時間大約係83分鐘，一共有60個站！有網民就表示曾經喺假期嘅時候，用咗足足2個鐘頭先到達目的地，令佢「畢生難忘」！

Photo from 九巴App

Photo from TVB

5. 九巴290A（將軍澳（彩明）↔荃灣西站）

呢條路線全長31.9公里，乘搭時間大約係102分鐘。網民就反映覺得最耗時間嘅就係會兜晒成個將軍澳區之後，先會開始上山去秀茂坪，塞車嘅時候搭車嘅時間足足等於短程飛機嘅時間！

Photo from 九巴App

Photo from TVB

6. 九巴+城巴606 （彩雲豐盛街↔小西灣藍灣半島）

606號巴士線嘅全程約長22.2公里，需時大約係90分鐘。雖然時間睇落好似並非好長，不過就被網民稱為「兜到天荒地老嘅代表線」！再加上，巴士喺過海之前亦會兜一大輪先，過程相當辛苦。有網民就話曾經係巴士瞓咗幾輪，但都未落得車，可想而知各位乘客嘅內心係幾咁崩潰呢！

Photo from 九巴App

Photo from TVB

相關文章：趕唔切落車港女發脾氣大鬧九巴巴士司機網民：公主病～俾幾蚊當自己大帝！

相關文章：24歲美女巴士司機神似高中生脫口罩露超甜美樣狂吸45萬人次朝聖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【港版魷魚遊戲】20個網民投選超經典童年集體遊戲跳飛機/拋手巾/麻鷹捉雞仔

28 Sep, 2021

最近韓劇《魷魚遊戲》嘅熱潮席捲全球，當中劇裡面就要求玩家成功於6個傳統遊戲中勝出，先能夠獲得456億嘅巨額獎金！而唔少網民就開始喺網上討論「港版魷魚遊戲」應該要包含邊啲經典遊戲，而家就等我哋一齊睇下網民們投選嘅20個經典團體小遊戲啦～

Photo from TVB

1. 123紅綠燈

相信大家細個嘅時候，都一定有同朋友玩過「123紅綠燈」～首先要搵一個人擔任「鬼」貼牆企，而其餘嘅人就企喺對面。當「鬼」背住玩家們講「123紅綠燈過馬路要小心」，其他人就可以趁機走向「鬼」嘅方向，直到掂到「鬼」隔離嘅牆壁。期間，當「鬼」轉身嘅時候，玩家們必須停止手上嘅所有動作，一旦被發現就代表輸，並需要由佢擔任「鬼」。

Photo from Netflix

2.狐狸先生幾多點

「狐狸先生幾多點」嘅玩法其實同「123紅綠燈」有啲相似，玩家都必須喺「狐狸先生」面向佢哋嘅時候停止活動。不過，玩家就必須根據「狐狸先生」所講嘅時間，行走相應嘅步數（例如：喊10點時就行10步）。但當狐狸先生話「12點」嘅時候，就代表佢可以跑出去捉玩家，而玩家就要盡快跑回起點線嘅範圍內先可以確保自己唔會被捉！

Photo from TVB

3. 跳飛機

以前有唔少嘅遊樂圓嘅地下都會畫上跳飛機嘅圖案，通常圖形都被分成9格，而每一個格都寫上咗數字（1到9）。玩家通常都會跟住數字嘅順序玩，並手持住小石（或者任何有重量嘅物品）扔到接下來要走嘅格仔入面（例如：拋小石到第2格時，就要單腳跳入第1格，並執起小石），如此類推。如果玩家中途做錯上面嘅程序、失去平衡、將小石拋出界外等，都將被視為輸！

Photo from TVB

4.捉迷藏

捉迷藏應該係世界各地嘅小朋友都識玩嘅遊戲！其中一位玩家要負責做捉人嘅，而其餘嘅人就要喺指定時間內喺範圍內搵到合適嘅地方藏身；最先被捉到嘅玩家就需要於下一輪負責搵人。

Photo from 《Hello Kitty愛漫遊》

5.麻鷹捉雞仔

玩法係其中一位玩家做「麻鷹」負責捉小雞；再選出一位玩家負責做「母雞」，保護其餘嘅玩家「小雞」，而小雞就會躲藏喺母雞身後，雙手搭住前面嘅人。遊戲開始後，母雞就會將嘅雙臂盡量阻撓麻鷹捉人，身後嘅小雞一旦被麻鷹碰到就代表被捉！

Photo from TVB

6.糖黐豆

玩家需要根據遊戲主持人所宣佈嘅「糖黐豆」數目，盡快搵到相應數目嘅人數，並黐埋一齊；未能搵到同伴嘅人就將會被淘汰。

Photo from TVB

7.掂顏色

由主持人發號施令講出顏色，講完後立刻出發捉玩家。另一方面，玩家就需要尋找有相應顏色嘅物品，並用手指指住該物品，咁就可以避過主持人嘅捕捉，但未能夠搵到相應物品嘅玩家就有機會被主持人捉～

Photo from IG@ Holiday Smart

Photo from TVB

8.耍盲雞

玩家中有一人將會做捉，而捉人嘅玩家就需要蒙上眼睛，並需要依靠聲音去尋找其他玩家。而其餘嘅玩家就需要喺限制範圍內避開唔俾人哋捉到，假若被捉到就將會由佢負責擔任捉人角色！

Photo from TVB

9.何仔公（何濟公）

玩家中需要有一人做「兵」，負責捉其他玩家。而正在躲避追捕嘅玩家就可以喺「兵」靠近嘅時候，立即將雙手抱胸前並講「何仔公！」，咁就可以避開追捕，但就只能夠停喺原地！而其他嘅玩家就可以冒著被捉嘅危險，為你「解穴」等你可以自由活動，繼續進行遊戲！當中有唔少人為遊戲增添咗新規矩，包括：自解（叫何仔公後可以自行再活動）、V（暫停）等。

Photo from IG@ Holiday Smart

Photo from ETV

10.老師話......

主持人會負責發號施令，而玩家就需要跟隨主持人所講嘅嘢做出相應動作。不過玩家必須聽清楚只有聽到「老師話.....」嘅時候，先需要聽從命令！（主持人：老師話舉高右手，代表全部玩家都需舉高右手），非常考驗玩家嘅專注力以及反應能力～

Photo from TVB

11.大白鯊

遊戲開始前，遊戲範圍內會有幾個圈圈，而圈內可以容納大約3-4人。其中一名玩家會被選為「大白鯊」，而其他玩家就將會係「海洋生物」，遊戲開始嘅時候，所以玩家都可以於範圍內自由「游泳」。不過當主持人一喊「大白鯊肚餓喇！」，「大白鯊」就可以捉人；而「海洋生物」就只能夠快速進入圈內避開追捕，未能進入圈圈嘅玩家將會被捉！