宅男同學古怪行為獲港女青睞！ 超獨特打扮 動漫遮眼瀏海/鮮豔粗框眼鏡

每個人嘅擇偶條件都唔同，能夠搵到滿足自己心目中理想條件嘅對象都並唔係一件容易嘅事。最近，有位港女就喺討論區表示上堂嘅時候遇到一個性格奇怪嘅男仔，不過男仔獨特嘅行為就引起佢嘅注意，令佢萌生興趣！

Photo from TVB

#港女返學遇心儀對象？！

相信大家喺選擇另一半嘅時候，都可能會有唔同嘅條件，希望伴侶可以係自己心目中嘅「理想型」！日前，有位港女就表示上堂嘅時候，遇見一位性格奇怪嘅男仔，仲因此而對佢產生興趣～

Photo from Dcard討論區

#因為對方行為奇怪而被吸引？

港女就話呢位男仔係同佢一齊上同一個lecture嘅，由於男仔喺堂上嘅特別行為，而開始引起佢嘅注意！佢表示其他同學多數都係「聽故不駁故」嘅類型，唯獨呢位男仔會問professor奇怪嘅問題，甚至會反駁返轉頭。（例子：男仔：佢唔食飯關我咩事； prof：emmm, that's why you don't have a girlfriend...）

Photo from TVB

#就連造型都比較特別！

雖然男仔嘅行為的確好Kam，但就反而令港女開始期待每日上堂可以見到佢，甚至會希望可以喺圖書館偶遇到佢！佢仲話根據觀察，呢位男仔應該係一位宅男，不過就唯獨覺得佢嘅行為十分可愛。外型上男仔嘅打扮都比較非主流：動漫式遮眼斜陰、鮮豔顏色嘅厚框眼鏡、普通tee+運動褲等，仲附上模擬畫作等大家可以參考～

Photo from Dcard討論區

#猶豫應否主動認識對方？！

港女好坦白咁話，其實同一時間亦有另一位男子追求緊佢，而咁啱呢2位男仔嘅性格都十分相似，奈何暫時只係得該名男子成功「勾起佢條癮」，詢問網民佢係咪應該主動去認識下人哋？！

Photo from TVB

#網民反映不同！

網民睇完post之後，就各持唔同嘅睇法！有網民認為港女而家只係一時貪新鮮，而並非真係鍾意對方；有網民作為過來人分享自身嘅經驗，話中學嘅時候曾經暗戀一個宅男，不過而家回望過去就只係覺得「往事不堪回首」，認為港女將來一定會後悔！

Photo from Dcard討論區

Photo from TVB

#部份網民支持港女追求愛情！

但亦有網民覺得港女應主動認識對方，既然對人哋有好感就應該好好把握，並提議佢借助問上堂嘅嘢去接近該男仔！不過網民們就勸喻港女一定要想清楚，唔好傷害到一位宅男嘅心！

Photo from Dcard討論區

Photo from TVB

相關文章：港女素顏出門被男友嫌棄！指佢衣著求其「可唔可以似返個女人」！港女感受傷

相關文章：港女不滿男友依然與前任保持朋友關係！ 揭發兩人經常傳訊息 掀起怒火

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男友迷戀BLACKPINK港女大為不滿！買偶像攬枕/間房貼晒相/花費逾2萬元追星

24 Sep , 2021

好多少女都有偶像，更會願意為偶像不惜花金錢、時間、精力，不過追星從來唔係女生專屬，男生都會有偶像。近日網上有女網友訴苦稱男友最近追星追到十分狂熱，更花費超過2萬元，令佢相當「勞氣」。

Photo from TVB

因為男友追星而大為苦惱

MIRROR之前就掀起全港一陣「追星」熱潮，好多女士為咗見偶像買好多周邊商品、睇演唱會等，更衍生出「前夫群組」。近日有網友就因為男友追星而大為苦惱！

Photo from TVB

一位女網民喺香港討論區開post指男友平時都有追開韓星，之前中意女子組合Gfriend，最近又迷戀上另一隊女團BLACKPINK。

Photo from GFRIEND YouTube

男友迷戀韓國女團BLACKPINK

BLACKPINK有4位成員：Jennie、Jisoo、Rosé、Lisa，佢哋出道5年已經喺亞洲、歐美等多地擁有超高人氣，樓主男友都被佢哋魅力節吸引而成為BLINK（BLACKPINK fans）。

Photo from BLACKPINK YouTube

樓主指男友近排中意BLACKPINK嘅泰國籍成員Lisa：「係咁講話Lisa長腿好正、人間芭比」，樓主表示男友間房已經轉哂做Lisa嘅相，喺床邊放咗勁大張Poster，同時亦買咗一堆Lisa周邊產品。

Photo from BLACKPINK YouTube

Photo from BLACKPINK YouTube

男友為買偶像周邊商品，豪花逾$2萬

男友仲話佢為咗買以上嘅「追星必備周邊」，已花費超過港幣$2萬，又指有部分係佢用低價買入，能夠慳住錢追星，男友問樓主：「我係唔係好叻？」，但點知樓主就非常不滿，仲直言想打佢！

Photo from TVB

Photo from TVB

樓主表示佢男友之前中意Gfriend嗰陣有買到佢哋嘅攬枕，有一次男友病咗樓主買粥上去照顧佢，但見男友一面幸福咁攬住另一個女人嘅攬枕，樓主不禁自問自己：「係唔係妒忌心太重」

Photo from GFRIEND Facebook

Photo from TVB

網友稱男生追星好正常

有網友就認為男友有個人愛好好正常，樓主應該尊重、包容男友。又指香港唔少女生都有中意MIRROR，唔通佢哋嘅男友又要嬲？有網民稱好多女生唔中意男友打機、又唔中意佢追星，但無娛樂又嫌男友悶，認為樓主既然當初選擇男友，相信佢一定有佢嘅優點。

Photo from 香港討論區

Photo from 香港討論區

亦有人認為樓主咁介意男友追星，但男友一直都有唔同嘅偶像，可見兩人性格不合，建議樓主同人分手。有網友則表示：「Lisa好過高達啦」

Photo from 香港討論區

Photo from 香港討論區

相關文章：周柏豪經歷多次被結婚/MIRROR成員垃圾袋被翻查 盤點8個瘋狂粉絲行為！

相關文章：MIRROR粉絲老公開設「控訴」大聯盟！12大鏡粉追星惹伴侶呷醋趣事

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）