【大閘蟹2021】食大閘蟹要點揀？一文搞懂大閘蟹季節、分辨公蟹母蟹、蟹黃蟹膏！

By Haitaeng on 06 Oct 2021

Digital Editor

雖然一年四季都可食到蟹，但入秋之後，才是大嘆大閘蟹嘅時令季節！「九月圓臍十月尖」即係農曆九月要食母蟹，十月要食公蟹，因為這個時候嘅蟹肉特別肥美！不過，要如何揀新鮮大閘蟹？點分辨大閘蟹雌雄？仲有蟹黃和蟹膏原來係兩回事？即刻教路大家揀靚大閘蟹、分辨公蟹母蟹及蟹黃蟹膏等螃蟹需知~

Photo from 张曦雯 IG

【大閘蟹2021】大閘蟹放題優惠 | 大閘蟹外賣免運費各位蟹迷切勿錯過！

#大閘蟹當造季節

大閘蟹一般於農曆8月至10月當造，而今年品嘗大閘蟹嘅時令季節為西曆10月至12月中。

Photo from TVB截圖

#優質大閘蟹之選

陽澄湖一向係最著名嘅大閘蟹產地，但由於需求太大，造成不少大閘蟹因以人工飼料餵飼，蟹或會含有激素，加上市場出現很多假貨。因此，近年不少人改買品質和陽澄湖相若嘅太湖蟹，蟹膏同樣甘香濃郁。另外，江蘇太湖大閘蟹、河南大通湖大閘蟹、台灣苗栗大閘蟹同日本北海道大閘蟹嘅質素都有保證。雖然質素未必及得上陽澄湖大閘蟹，但亦係唔錯嘅選擇。其中，野生北海道大閘蟹在水質乾淨嘅石狩川中成長，與陽澄湖蟹嘅濃郁味道不一樣，蟹肉比較清甜，蟹膏清香。

Photo from TVB截圖

#分辨大閘蟹雌雄

螃蟹分雌雄，可從大閘蟹肚子嘅圓與尖來分辨。公蟹肚子呈三角尖形，體型較大隻；母蟹肚子呈圓形，體型較細隻。俗語有話「九月圓臍十月尖」，即係農曆九月食母蟹、農曆十月食公蟹，蟹肉最肥美！

Photo from TVBS新聞台截圖

#揀大閘蟹嘅方法

1.輕輕㩒下大閘蟹蟹眼附近嘅蟹殼位置，睇下佢隻眼郁唔郁。如果會縮會眨眼，眼仔碌碌即代表新鮮。

Photo from TVB截圖

2.反轉隻蟹望下個蟹肚，蟹殼愈深綠色、蟹肚白色、蟹爪啡金色、蟹毛啡紅色及挺拔，簡稱「青背、白肚、金爪、黃毛」，就是新鮮嘅大閘蟹。其中，蟹肚嘅乾淨純白程度會反映出大閘蟹養飼水質。

Photo from TVB截圖

3.輕㩒下蟹肚，結實漲身代表蟹膏同蟹肉都多。

Photo from TVB截圖

4.蟹愈重代表質量愈好。

5.輕拉蟹腳尖端，如果新鮮蟹會有回彈，亦可以睇下蟹腳會唔會脫落。

#蟹黃、蟹膏有分別

螃蟹最好食嘅部分當然係蟹膏和蟹黃，香甜肥美，而且營養價值非常高。有人會以為蟹膏和蟹黃係同一樣野，但其實係兩回事！蟹膏其實係公蟹嘅精囊、精液和內臟集成的濃稠物，而蟹黃並非母蟹嘅卵子，而係母蟹體內嘅卵巢和消化腺。而且公蟹係無蟹黃，只有母蟹先有蟹黃。大閘蟹煮熟後，將公蟹嘅殼打開，呈偏黃帶半透明嘅係蟹膏，口感較幼滑、黏口，黃色部分係肝胰臟。而母蟹內橙紅色嘅部分係蟹黃，口感偏硬，口感似鹹蛋黃，黃色物質係肝胰腺。