港女為男友捨棄與家人移民機會！不捨6年感情網民斥：唔好傻啦！

生活熱話

By Stephanie on 07 Oct 2021

Digital Content Writer

而家唔少人都有移民嘅打算，希望開始全新嘅生活～最近，有位港女就表示家人最近正在為移民做準備，不過佢就下定決心要留喺香港陪男友，等遲啲先再考慮移民嘅問題。不過唔少網民就似乎唔太認同佢嘅諗法，勸喻佢應該三思而後行！

Photo from TVB

#港女決定唔移民！

唔少人都會想去其他國家闖下，甚至有人希望直接移民到其他國家生活。日前，有位港女就表示為咗男友決定捨棄同家人一齊移民嘅機會，並同男友留喺香港完成學業後再計畫移民，引起網民關注！

Photo from Dcard討論區

#家人最近有意移民

港女就話妹妹今年就剛剛去咗加拿大讀中四，而父母就陪妹妹遠赴加拿大整頓好一切。返到香港之後，父母都有移民嘅打算，由於父母都係專業人士，所以基本上係一定可以成功移民。而港女就因為未滿22歲，所以可以跟隨家人一齊移民。

Photo from TVB

#同男友交往接近6年！

不過，港女就話自己決定要留喺香港！佢現時就讀Year 2 同男友交往接近6年時間，而佢同男友之前就有共識會喺Year 3 嘅時候訂立確實嘅移民計畫。佢解釋自己選擇留低嘅主要原因就係因為男友同佢都好「痴」對方，一旦跟家人移民，佢同男友嘅感情好難維繫落去；而且佢亦唔捨得放低呢6年嘅感情！

Photo from TVB

#港女感到迷惘

由於港女身邊嘅朋友都好似唔太支持佢嘅決定，認為咁嘅選擇好有風險，驚佢男友會突然變卦，所以港女就打算詢問一下網民們嘅意見！

Photo from TVB

#網民認為感情穩定就冇問題！

睇完呢個post後，網民嘅反應兩極。有網民就認為如果港女同男友本身就已經感情穩定，對未來嘅規劃都有初步嘅共識，選擇留喺香港都係正常嘅。不過，網民們亦有提醒港女要跟隨自己嘅內心選擇，一旦決定好將來就唔好後悔。

Photo from Dcard討論區

Photo from TVB

#網民：搞移民先對自己有保障！

另一方面，有網民就認為港女為愛而放棄同家人移民嘅機會係非常不智！辦理好移民手續至少對自己有保障，而且同感情嘅事好難有百分百嘅肯定，所以唔少網民都認為港女呢刻應該自私啲先諗自己。但有網民亦嘗試提出兩全其美嘅方法，認為港女可以同男友結婚後先跟隨家人移民，咁將來男友辦理移民手續就更加容易！

Photo from Dcard討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

宅男同學古怪行為獲港女青睞！超獨特打扮動漫遮眼瀏海/鮮豔粗框眼鏡

30 Sep, 2021

每個人嘅擇偶條件都唔同，能夠搵到滿足自己心目中理想條件嘅對象都並唔係一件容易嘅事。最近，有位港女就喺討論區表示上堂嘅時候遇到一個性格奇怪嘅男仔，不過男仔獨特嘅行為就引起佢嘅注意，令佢萌生興趣！

Photo from TVB

#港女返學遇心儀對象？！

相信大家喺選擇另一半嘅時候，都可能會有唔同嘅條件，希望伴侶可以係自己心目中嘅「理想型」！日前，有位港女就表示上堂嘅時候，遇見一位性格奇怪嘅男仔，仲因此而對佢產生興趣～

Photo from Dcard討論區

#因為對方行為奇怪而被吸引？

港女就話呢位男仔係同佢一齊上同一個lecture嘅，由於男仔喺堂上嘅特別行為，而開始引起佢嘅注意！佢表示其他同學多數都係「聽故不駁故」嘅類型，唯獨呢位男仔會問professor奇怪嘅問題，甚至會反駁返轉頭。（例子：男仔：佢唔食飯關我咩事； prof：emmm, that's why you don't have a girlfriend...）