港女指婚禮過後奶奶竟要求收返人情！表示：啲朋友係因為我先會嚟

結婚最難嘅係人情問題，唔止賓客煩惱要畀幾多人情，其實新人分配人情都唔係咁簡單。近日喺討論區有網友發文指奶奶要求攞返啲人情，原因係男家賓客係因為佢先會出席，令網友大感不滿。

Photo from TVB

新人婚禮後被奶奶要求攞返人情

結婚要處理嘅事有好多，新人點樣分配收到嘅人情絕對係大學問。喺香港討論區有網民開post「奶奶問我哋拎返結婚人情啲錢...」，訴說佢同丈夫嘅煩惱。

Photo from TVB

原來樓主同老公搞完婚禮後，奶奶竟然要求攞返啲人情，樓主十分無奈：「話啲朋友係因為佢先會嚟」，樓主奶奶認為新人收到嘅人情應該屬於佢。

Photo from TVB

Photo from TVB

奶奶無為新人結婚出過錢

雖然樓主都覺得奶奶嘅要求無理，但同老公商量完後都決定畀返啲人情奶奶，樓主坦言：「不過之後對佢個印象都好差」

Photo from TVB

樓主又表示結婚擺酒、買樓呢啲都係靠佢同老公兩公婆自己儲錢，言談間透露奶奶並未為佢哋嘅婚宴出錢。

Photo from TVB

Photo from TVB

女家收人情係一貫做法，男家卻罕見

有網友就表示女家都會收返晒啲人情，係一貫做法，但樓主指女家嘅人情全部交返晒畀佢，因為家人表示佢同老公要建立家庭花費大。亦有網友補充指按慣例，女家（即新娘父母）邀請嘅賓客人情係由女家父母收返，但男家就好少咁做，多數都會留返畀新郎。

Photo from TVB

Photo from 香港討論區

網友建議港女淨係畀幾圍親友嘅人情

網民提議唔需要將男方全部人情交畀奶奶，而係「計到足」，淨係將奶奶邀請嘅親戚朋友嘅人情畀佢。不過樓主就話當時無諗到呢個辦法。

Photo from TVB

樓主又表示自己諗通咗：「最緊要同老公過得好」，日後老爺奶奶嗰邊得閒先會過去，又話如果唔係呢件事，佢會儘量抽時間上奶奶屋企。

Photo from TVB

相關文章：姐姐與公屋男有樓先結婚 求媽媽畀首期 男家只畀3萬禮金包酒席 弟弟寧親姊拜金

相關文章：極品新娘瘋狂搲人情！逐個WhatsApp提醒畀禮金/公開同事夾份送禮價格

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男結婚女方開價要150萬禮金！ 網民：「咁離婚係咪可以回水？！」

14 Apr 2021

有人曾經講過結婚其實並非只係兩個人嘅事，而係兩個家庭嘅事！近日就有網民喺討論區訴苦，表示接近30歲嘅細佬即將同拍拖10年女友結婚，但女方家人竟然要求高達150萬嘅禮金，令呢位網民大呻「不如唔好結！」

Photo from TVB

日前，有網民就喺連登討論區發文表示自己就嚟30歲嘅細佬即將同拍拖10年嘅女友結婚，但就煩惱緊禮金嘅問題！由於佢哋屋企係第一次有男丁娶妻，唔係好知道點樣計算禮金，所以呢位網民嘅爸爸就打算好意頭，提出$38.8萬做禮金。

Photo from 連登討論區

Photo from TVB

點知女方家人竟然開價話禮金要150萬，令到該網民嚇一大跳！佢亦補充自己屋企同準弟婦嘅家庭經濟環境都係屬於中產以上，而自己屋企嘅環境就再稍微好少少，所以女方家人先會利用呢個機會「獅子開大口」。

Photo from TVB

之後，該網民就話其實父母已經full pay咁買咗層樓比佢哋兩個結婚之後住，但而家女方家人竟然仲要求要落埋準弟婦個名，令佢感到更加憤怒！

Photo from 連登討論區

Photo from TVB

而呢個post一出就引起好多網民嘅關注，事關大家都認為網民家人本身所提出嘅禮金已經比一般多，就算家境富裕都唔需要俾咁多禮金！

Photo from TVB

大部分嘅網民就喺下面留言認為女方家人太過分，話「呢啲親家比$8.8萬都嫌多」、「咁唔好結婚，擺明玩嘢！」

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）