蔡思貝搬入西貢獨立屋/蔚雨芯做老闆有幾千呎辦公室！圈中10位突然富貴女星
Photo from 陸詩韻IG
蔡思貝被指左右逢緣入住西貢獨立屋
港姐亞軍蔡思貝曾公開表示佢住過200呎單位、瞓碌架床。不過升呢做視后嘅佢近年被指「突然富貴」，唔止喺IG大晒各種名牌手袋，仲出入西貢獨立屋，疑「食兩家茶禮」，一邊揸胡鴻鈞家姐名下跑車、一邊多次出入西貢獨立屋。
Photo from 蔡思貝 IG
佢喺IG Story回應傳聞，直言：「我的確很富貴」，表示身邊有好多愛錫、信任佢嘅朋友、親人同工作伙伴：「我會繼續照顧好自己，做好我的工作，謝謝你們的關心。#小時候上學不明白為何要學看圖作文 #長大後才發覺原來真的能夠學以致用 #enoughisenough」」
Photo from 蔡思貝 IG
Photo from 蔡思貝 IG
馮盈盈進駐住海景豪宅、孭$20萬Hermès
港姐冠軍馮盈盈向來愛喺IG晒精心打扮嘅造型，有網友發現其中一張生活照佢孭嘅Hermès Kelly袋價值$20萬，更要VIP訂製，其後佢晒出新居嘅坐擁無敵大海景亦引起關注。
Photo from 馮盈盈 IG
Photo from 馮盈盈 IG
馮盈盈就回應指全部都係靠自己努力工作賺錢得嚟，海景豪宅係佢同家人一齊租住，爸爸喺佢18歲生日後一直都有keep住送名牌袋畀女兒。
Photo from 馮盈盈 IG
陸詩韻揸跑車出入、豪晒名牌手袋山
同樣係香港小姐出身嘅陸詩韻於2009年息影從商，生意越做越大。名下座駕為保時捷（Porsche），喺深水埗長大嘅佢歷任緋聞男友非富則貴。
Photo from 陸詩韻IG
佢IG一張晒出各種名牌手袋嘅舊照更引起關注，不過佢之後澄清相中嘅名牌手袋都係用作義賣之用。
Photo from 陸詩韻IG
何依婷揸名車落九龍塘掃貨
2017年港姐亞軍何依婷之前喺《十月初五的月光》首度擔正做女主角，備受力捧。
Photo from 何依婷 IG
細個住黃大仙公屋嘅佢係一級榮譽畢業嘅高材生，曾於會計師事務所任職。佢被指「忽然富貴」，唔止揸$50萬名車出入，更喺貴價護膚品店僅用15分鐘極速掃貨。
Photo from 何依婷 IG
蔚雨芯擁過百萬名牌手袋，住獨立豪宅
蔚雨芯入行10年星途平平，但佢似乎好有米，開展美容事業做老闆娘，有幾千呎嘅辦公室。佢曾被爆戀上大馬千億富二代，生活亦越嚟越富貴！進駐設私家泳池嘅獨立屋，家中放滿名牌手袋嘅高櫃更有Hermès、LV、Chanel、Gucci等各種名牌手袋，估計總值過百萬！
Photo from 蔚雨芯 IG
Photo from 蔚雨芯 IG
Photo from 蔚雨芯 IG
對於被指「突然富貴」，蔚雨芯表示已同大馬男友分手，自己擁有嘅都係來自屋企人。
Photo from 蔚雨芯 IG
Photo from 蔚雨芯 IG
DaDa陳靜多次入手買豪宅，名牌手袋裝滿成個櫃
DaDa曾被拍與中年富商撐枱腳，佢當時表示兩人係朋友，平時有請教對方投資上嘅問題，另外DaDa又指同內地富二代王思聰係「識咗好耐嘅朋友」，身邊有唔少富豪朋友嘅DaDa出道後生活亦越嚟越富貴，經常周遊列國，享受生活。
Photo from DaDa IG
佢21歲便以400萬買入700呎單位，之後越住越豪，再入票買3,000萬四房豪宅。DaDa住得富貴之餘，行頭都唔細，佢自拍大晒屋企嘅衣帽間，衣帽間空間超大，更放滿大量名牌手袋，似手袋店陳列櫃。
Photo from DaDa IG
Photo from DaDa IG
郭奕芯花800萬買樓，坐林寶堅民行頭遠超一線女星
?模郭奕芯出道多年，雖然出過寫真，但星途平平，不過原來佢都好富貴！佢最近榮升業主，以$800萬買入西營盤一個新樓盤。
Photo from 郭奕芯 IG
睇返佢IG，原來出門座駕係林寶堅尼，仲有Hermès mini Kelly，出門行頭已遠超唔少一線女星！
Photo from 郭奕芯 IG
「餅碎」區文詩住3000萬西半山豪宅、擁60萬鱷魚皮Hermès
「Cookies餅碎」區文詩（Angela）雖然未見有咩代表作，但佢生活富貴，唔比其他Cookie成員差！平日經常喺遊艇開party嘅區文詩收藏唔少名牌手袋，最名貴嘅Hermès 鱷魚皮Birkin估值超過$60萬！
Photo from 區文詩 IG
Photo from 區文詩 IG
投資有道嘅佢早已成為業主，更以超過$3,000萬購入西半山一個頂層連天台過千呎單位，係圈中富婆之一！
Photo from 區文詩 IG
謝芷倫升呢做老闆娘，平日常出入遊艇會
喺《愛回家之開心速遞》飾演大小姐秘書「Mandy」嘅謝芷倫平日不時出入遊艇會開party。睇佢post嘅生活照，佢住嘅應該係複式單位，屋企超大之餘仲有巨型露台。
Photo from 謝芷倫 IG
Photo from 謝芷倫 IG
佢之前更疫市投資6位數開設花膠生意做老闆娘，生活富貴又寫意。
Photo from 謝芷倫 IG
傅嘉莉晒Hermès袋竟比張寶兒、莊思敏更富貴？
傅嘉莉做《姊妹淘》主持時曾大晒佢收藏嘅手袋，佢曾分享自己擁有嘅LV、Dior手袋，佢更有兩個Hermès：紅色鴕鳥皮Kelly、Togo拼鱷魚皮Birkin，估計兩個袋總值已有$46萬，比大馬拿督女莊思敏同富家千金張寶兒更富貴！
Photo from 《姊妹淘》
Photo from 《姊妹淘》
曾與已婚富商、富二代髮型師傳緋聞嘅傅嘉莉被指「突然富貴」，入住豪宅、揸名車，佢曾表示只係樓換樓。
Photo from 傅嘉莉 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
簡淑兒麥大力拍拖被斷正 兩人大方認愛！盤點圈中4位單身小富婆
24 Jun 2021
早前，簡淑兒就被傳媒拍到有新戀情，而對象就係前機師麥大力，兩人承認戀情並且表示希望低調處理感情事，正式對外封盤！不過圈內其實都仲有唔少「筍盤」㗎，一齊睇下有邊幾位啦～
Photo from 簡淑兒IG
現年31歲嘅簡淑兒於2012年參選《香港小姐》，雖然佢並冇獲得任何獎項，但憑住甜美嘅笑容成功吸引唔少網民，晉身娛樂圈。入行後，佢開始擔任主持工作，亦有接拍電視劇，喺幕前嘅曝光率非常高，可以話係受TVB力捧嘅其中一位～
Photo from 簡淑兒IG
而簡淑兒嘅家底其實都非常豐厚㗎，父母都經營珠寶金飾生意，據悉喺香港擁有幾間專門店，仲曾經贊助過TVB同亞視藝人鑽石首飾出席活動！雖然佢已經係富二代，不過佢就話同家人係財政獨立，努力工作由低做起！
Photo from 簡淑兒IG
Photo from 簡淑兒IG
最近，簡淑兒同麥大力就被傳媒拍到兩人行為親暱，兩人疑似熱戀中！而佢哋亦大方承認戀情，並且表示希望可以低調處理感情事。據悉，兩人係因為拍攝節目《SUPER FIVE》而認識，喺了解下發現大家都鍾意潛水而變得熟絡，再而發展成情侶關係～
Photo from 簡淑兒IG
Photo from 簡淑兒IG
今年35歲嘅麥大力曾喺國泰港龍任職機師，後來參加TVB《衝上雲霄大選》並且獲得冠軍而入行，而家亦獲得唔少幕前工作嘅機會。佢係一位亞歐混血兒，爸爸係有一半英國血統嘅愛爾蘭人，所以輪廓亦特別深邃。
Photo from 麥大力IG
Photo from 麥大力IG
相信唔少宅男粉絲聽到簡淑兒「封盤」嘅消息都會好失落，不過其實圈中依然有唔少單身，但家底豐厚嘅女藝人㗎！
陳瀅
陳瀅雖然緋聞多多，但佢就表示自己依然單身，並且正在尋覓以結婚為前提交往嘅對象。佢繼父係一位從事房地產嘅生意人，有傳喺內地擁有一座6層高嘅商場。由佢IG嘅照片所見，可以見到佢嘅屋企內部非常大，生活十分富貴～
Photo from 陳瀅IG
Photo from 陳瀅IG
王卓淇
29歲嘅王卓淇父親係護膚品生產商，據悉東莞嘅廠房有50萬呎咁大！而佢亦投資有道，自己投資服裝店生意同膠原蛋白生意，而家手持兩個物業，分別位於大角咀同埋廣州！
Photo from 王卓淇IG
Photo from 王卓淇IG
戴祖儀
現年26歲嘅戴祖儀父親從事地產生意，而佢自己亦好擅長投資藝術品，至今已經收藏咗過百件藝術品，總值過百萬港幣！佢亦係新潮藝有限公司嘅董事，負責幫手策展。
Photo from 戴祖儀IG
Photo from 戴祖儀IG
麥明詩
麥明詩嘅父親係中學副校長，媽媽就係社會福利署嘅職業治療師，全家人都可以話係非常有料！而麥明詩本身亦係劍橋大學法律高材生，當年佢選美時就被傳媒踢爆居住嘅單位價值過千萬。
Photo from 麥明詩IG
Photo from 麥明詩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
