《西遊記》寧夏取景地現「紫霞仙子團」網民：顏值太恐怖，至尊寶都嚇跑了！
周星馳電影《西遊記第壹佰零壹回之月光寶盒》向來係大家心中嘅經典電影。最近，一條名為「寧夏一景區紫霞仙子濃度太高」影片在微博瘋傳。片中只見一堆女遊客打扮成電影中嘅「紫霞仙子」（朱茵飾演），但網民都笑指「衫可以抄，朱茵顏值就唔得了~」
Photo from 《西遊記第壹佰零壹回之月光寶盒》、微博
寧夏海量紫霞仙子出沒注意
近日，內地網上廣泛流傳一條名為「寧夏一景區紫霞仙子濃度太高」影片，更一度登上微博熱搜。影片拍攝地點正是《西遊記第壹佰零壹回之月光寶盒》（下稱《大話西遊》）嘅取景地點：寧夏銀川市鎮北堡西部影城。片中可見，黃沙滾滾嘅古城內，有大批女遊客穿上紫霞仙子嘅紅白色服裝，手拿經典紫青寶劍，又帶著有鈴鐺手鏈，頭頂亦以紅絲帶綁起高髻，一班打扮一樣嘅女生正威風「出巡」。
Photo from 微博影片截圖
Photo from 微博影片截圖
Photo from 微博影片截圖
《西遊記》取景地吸引女遊客「扮紫霞」打卡
綜合內媒報道，位於銀川市嘅鎮北堡西部影城係中國十大影視基地之一，屬國家5A級景區。影城充滿古樸、原始、民間化特色，主要景點有明城、清城、老銀川一條街等多處景觀組成。除咗《大話西遊》，內地一半以上嘅西部題材電影都會喺度取景拍攝。
Photo from 微博影片截圖
國慶假期間，就吸引咗大量遊客到鎮北堡西部影城cosplay紫霞仙子。當地職員表示，好多遊客睇準區內有《大話西遊》取景地，前往該區扮成紫霞仙子打卡。
Photo from 微博影片截圖
Photo from 微博影片截圖
紫霞仙子服裝租借店
而區內更設有租借紫霞仙子服裝店舖，讓遊客有齊「裝備」。職員指，雖然國慶假特別多人，但平日仍然有唔少女遊客到場扮仙子。職員又提醒最近天氣轉涼，如果只穿紫霞仙子套裝就會唔夠保暖，所以叫大家最好中午先去。
Photo from 微博影片截圖
Photo from 微博影片截圖
內地網民熱議：至尊寶被嚇跑了
對此，有內地網民留言問：「這麼多紫霞仙子不尷尬嗎？不是說撞衫很尷尬嗎？」，又形容情景為「三步一個紫霞」。
Photo from 微博評論
Photo from 微博評論
亦有網民指可以理解，認為畢女生扮紫霞唔會太難看，但男生要穿成至尊寶就好易變乞丐。
Photo from 微博
講起至尊寶，有網民笑言：「人家至尊寶說愛你一萬年，不是愛你一萬個」，又笑指至尊寶都被嚇跑了。
Photo from 微博評論
Photo from 微博評論
朱茵顏值無法被複製
其他網民話一個（朱茵）穿起紫霞服裝就係主角，一群人穿立即變侍衛，又講笑話當地影城變成了「紫霞批發市場」。而不少網民都認為角色服裝可以模仿，但朱茵嘅顏值就無法被複製。
Photo from 《西遊記第壹佰零壹回之月光寶盒》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
