港女指男人著公仔T裇好唔成熟：無啲男人氣慨！不滿男友覺得無問題

所謂「人靠衣裝」，悉心打扮可以令人哋對你嘅第一印象加分，相反唔合時嘅衣著分分鐘影響人際關係。有網友喺香港討論區發文稱著公仔T裇嘅男士，畀人嘅感覺好唔成熟，亦都唔夠man。

Photo from TVB

男人著卡通T裇等於唔成熟？

Fashion唔係人人都識得欣賞，唔少人著衫、買衫首先考慮嘅係舒唔舒服，件衫靚唔靚反而係其次，但亦有人則相反，十分在乎衣服嘅剪裁、款式。

Photo from TVB

有網友喺香港討論區開post，佢表示喺街見到有啲男人著件T-Shirt，上面印咗大大個比卡超、三眼仔：「個樣起碼都30以上」。

Photo from tvn

港女稱應配合悉心打扮嘅女友，男友認為公仔T裇又平又得意

佢指呢啲男士都有女朋友，但女友都著到好靚：「好心男人都配合返女朋友啦！」，佢認為女朋友著到靚一靚同佢哋出街但佢哋竟然著件卡通T裇hea女友。

Photo from TVB

Photo from 密室大逃脫

樓主對人哋男朋友著公仔T裇十分「睇唔過眼」，於是同自己嘅男友講，令佢不滿嘅係，男友竟然都覺得無咩問題，又話呢啲公仔T裇又平又得意。

Photo from TVB

樓主反駁指如果著公仔T裇嘅係幾歳細路 佢都會覺得得意嘅：「但有啲男人都成30歳，仲著公仔衫T裇出街，望落好唔成熟」，指佢哋無啲男人氣慨！

Photo from TVB

網友認同，指接受唔到男人著卡通印花tee

有網友表示認同，指自己接受唔到男人著卡通印花tee，直言：「又cheap又易撞衫」，佢舉例自己去睇科學館嘅Pixar展覽，曾親眼睇到有男士著Pixar Logo Tee，令佢忍唔住側目，佢又稱男士去主題樂園玩可以買衫，但離開前最好除咗先走。

Photo from TVB

亦有網友稱有童心男士自有可愛之處

不過有網友就認為男人平時返工要著西裝嘅話，平時著「平民tee」都好正常，佢又指著衫唔代表男士唔成熟，唔少男人結婚做爸爸之後都仲充滿童心。

Photo from TVB

網友表示每個都有自己嘅喜好，作為另一半應該好好包容同接納對方，有童心嘅男士自有可愛之處。有網民則指「時尚嘅完成是臉」，如果係靚仔著就無問題。

Photo from 密室大逃脫

相關文章：港女不滿男友依然與前任保持朋友關係！ 揭發兩人經常傳訊息 掀起怒火

相關文章：港女放工被男同事追落港鐵 不滿被誤會收兵 網民：「唔係兵，係痴漢！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男友迷戀BLACKPINK港女大為不滿！買偶像攬枕/間房貼晒相/花費逾2萬元追星

24 Sep 2021

好多少女都有偶像，更會願意為偶像不惜花金錢、時間、精力，不過追星從來唔係女生專屬，男生都會有偶像。近日網上有女網友訴苦稱男友最近追星追到十分狂熱，更花費超過2萬元，令佢相當「勞氣」。

Photo from TVB

因為男友追星而大為苦惱

MIRROR之前就掀起全港一陣「追星」熱潮，好多女士為咗見偶像買好多周邊商品、睇演唱會等，更衍生出「前夫群組」。近日有網友就因為男友追星而大為苦惱！

Photo from TVB

一位女網民喺香港討論區開post指男友平時都有追開韓星，之前中意女子組合Gfriend，最近又迷戀上另一隊女團BLACKPINK。

Photo from GFRIEND YouTube

男友迷戀韓國女團BLACKPINK

BLACKPINK有4位成員：Jennie、Jisoo、Rosé、Lisa，佢哋出道5年已經喺亞洲、歐美等多地擁有超高人氣，樓主男友都被佢哋魅力節吸引而成為BLINK（BLACKPINK fans）。

Photo from BLACKPINK YouTube

樓主指男友近排中意BLACKPINK嘅泰國籍成員Lisa：「係咁講話Lisa長腿好正、人間芭比」，樓主表示男友間房已經轉哂做Lisa嘅相，喺床邊放咗勁大張Poster，同時亦買咗一堆Lisa周邊產品。

Photo from BLACKPINK YouTube

Photo from BLACKPINK YouTube

男友為買偶像周邊商品，豪花逾$2萬

男友仲話佢為咗買以上嘅「追星必備周邊」，已花費超過港幣$2萬，又指有部分係佢用低價買入，能夠慳住錢追星，男友問樓主：「我係唔係好叻？」，但點知樓主就非常不滿，仲直言想打佢！

Photo from TVB

Photo from TVB

樓主表示佢男友之前中意Gfriend嗰陣有買到佢哋嘅攬枕，有一次男友病咗樓主買粥上去照顧佢，但見男友一面幸福咁攬住另一個女人嘅攬枕，樓主不禁自問自己：「係唔係妒忌心太重」

Photo from GFRIEND Facebook

Photo from TVB

網友稱男生追星好正常

有網友就認為男友有個人愛好好正常，樓主應該尊重、包容男友。又指香港唔少女生都有中意MIRROR，唔通佢哋嘅男友又要嬲？有網民稱好多女生唔中意男友打機、又唔中意佢追星，但無娛樂又嫌男友悶，認為樓主既然當初選擇男友，相信佢一定有佢嘅優點。

Photo from 香港討論區

Photo from 香港討論區

亦有人認為樓主咁介意男友追星，但男友一直都有唔同嘅偶像，可見兩人性格不合，建議樓主同人分手。有網友則表示：「Lisa好過高達啦」

Photo from 香港討論區

Photo from 香港討論區

相關文章：周柏豪經歷多次被結婚/MIRROR成員垃圾袋被翻查 盤點8個瘋狂粉絲行為！

相關文章：MIRROR粉絲老公開設「控訴」大聯盟！12大鏡粉追星惹伴侶呷醋趣事

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）