56歲婦人下嫁30歲農村男引起熱議！ 女方擁有3座物業 渴望為男家添男丁！

唔少人都認為「愛係不受年齡限制」，只要彼此相愛就可以！最近，內地有位56歲嘅婦人同30歲男友登記結婚，仲表示為咗願意為咗對方用盡唔同嘅方法嘗試生小朋友，令唔少網民表示震驚！

Photo from 小魏家的希望@YouTube

#內地相差26歲「母子戀」

最近，56歲嘅內地婦人就表示同30歲嘅男友登記結婚，引發內地網民嘅熱烈討論！30歲嘅魏先生出生於河南嘅一個農村，自小家境就比較貧窮，父母一直以來都係依靠農地種植維生。而佢其中一隻手只有兩隻手指，導致更加難繼承父母嘅職業，所有只能擔任後備保安。而魏先生就毅然決定離鄉別井，前往成都隻身發展新事業，成為一位旅遊blogger！

Photo from 小魏家的希望@YouTube

Photo from 小魏家的希望@YouTube

#認識女方後開始收入增加？！

而魏先生初上載嘅影片都賺唔到錢，直到係因緣際會之下認識咗56歲嘅英子，佢嘅人氣先開始慢慢累積，而收入亦隨之而開始增加。英子表示自己曾經有過一段婚姻，女兒同魏先生嘅年紀相仿，所以當初都係將對方係朋友，並配合佢一齊拍攝影片，一齊賺錢！

Photo from 小魏家的希望@YouTube

Photo from 微博

#兩人日久生情！

英子本身就已經擁有3套物業，可以話下半生係衣食無憂。佢會答應同魏先生拍攝係因為覺得對方十分老實，認為佢賺錢辛苦，所以希望盡自己所能佢幫助佢。不過，隨住兩人嘅相處時間逐漸變多，佢哋就開始擦出愛火花，而魏先生仲三番四次向英子表達愛意，最終成功打動女方嘅心！

Photo from 小魏家的希望@YouTube

Photo from 小魏家的希望@YouTube

#女方家人不能接受！

由於兩人經常都以情侶名義一齊拍片，而且不時表現態度親暱，令唔少網民都只係覺得佢哋係想以相差26年嘅「母子戀」去博取點擊率。直到有次兩人光明正大於直播中正式宣佈戀人關係，網民都依然抱持住唔太相信嘅態度，而英子嘅女兒知道後就表示不能接受！

Photo from 小魏家的希望@YouTube

Photo from 小魏家的希望@YouTube

#男家渴望有男丁！

最近，呢對「母子戀」仲正式登記結婚，令唔少網民感到驚嚇！而同英子嘅女兒唔同，魏先生嘅父母非常支持兩人嘅戀情。不過由於魏先生嘅家族已經連續三代單傳，因此十分渴望佢哋兩夫婦可以為家族添一位男丁，而英子得知後亦就周圍搵醫生，希望自己能夠完成魏家嘅心願！

Photo from 微博

Photo from 小魏家的希望@YouTube

#內地網民反應兩極！

內地網民見到報導後反應兩極：部份網民認為兩人嘅感情經得起考驗，絕對係真愛；但依然有部份網民認為兩人嘅年齡真係相差太遠，令人難以接受，而且有網民強烈建議呢對夫婦唔好生小朋友，以免感情出問題時會連累小朋友！

Photo from 微博

Photo from 微博

相關文章：40歲媽媽與兒子好友墮入愛河 兩人相差18年 網民：由朋友變繼父！

相關文章：日本夫婦分享獨特婚姻生活！ 丈夫容許妻子帶同新歡一齊同住？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

28歲男戀上65歲大媽！ 曾於節目公開示愛：不想再叫她阿姨了

27 Sep , 2021

大家成日都話「愛情嘅威力十分強大」，只要兩人相戀就可以一齊衝破難關～內地有位28歲男生就愛上65歲嘅婆婆，仲表示唔介意大家嘅目光，並於節目中公開向佢表白，呢段忘年戀引起網民關注。佢仲為咗愛人而專程染咗一頭白髮，希望可以令兩人睇落更加合襯！

Photo from 《現在就告白》

#內地相差37年情侶！

現今越來越多姐弟戀嘅情侶，不過相差超過30年嘅情侶就應該比較少見喇！內地有位男生喺28歲嗰年遇上65歲嘅婦人，仲因此而墮入愛河，兩人雖然相差足足37年，但依然無阻男方追求愛人嘅決心！

Photo from 微博

#男方失戀令兩人意外結緣！

喺2018年，28歲嘅男方「柱子」就於內地綜藝節目公然向65歲嘅婦人芹大媽表白，希望挽回感情！據悉，兩人係意外相識，出生於農村嘅柱子剛剛因為未能答允前女友家人嘅巨額禮金，而決定分手。

Photo from 《現在就告白》

Photo from 《現在就告白》

#受女方溫柔性格所吸引？！

失戀後嘅柱子就遭遇人生低潮期，不過幸好獲得芹大媽嘅開解，令佢成功從低谷走返出嚟「她給了我別的同齡女生給不了的溫暖和快樂」，形容芹大媽亦係佢嘅救命恩人！後來，兩人就因為每天傳短訊而變得熟絡，繼而發展成情侶。

Photo from 《現在就告白》

Photo from 《現在就告白》

#曾於節目公開表白愛意！

而男方仲曾經上內地綜藝節目《現在就告白》公開咁同大家講述兩人嘅愛情故事，喺節目中表示希望挽回女友！當時佢喺節目表示芹大媽離家出走，所以希望借助節目嘅力量幫佢搵返女友；而節目組亦成功將芹大媽搵到，等兩人可以好好傾談下。

Photo from 《現在就告白》

Photo from 《現在就告白》

#男生專程為女生染一頭白髮！

柱子明白女友嘅擔憂，覺得兩人因為年紀差距而不適合，所以佢就專登將頭髮染成白色，希望兩人睇落更加合襯！佢哋嘅愛情路十分崎嶇，芹大媽就因為飽受壓力而4度離家出走，但每次都俾柱子成功搵返並浪漫表白「我一定要把她找回，這輩子我就認定她了！」

Photo from 《現在就告白》

Photo from 《現在就告白》

#芹大媽受男友心意打動！

不過，芹大媽於節目中表示男方嘅父母都年紀比佢細，令佢十分難堪，不過估唔到柱子嘅母親就竟然十分支持兩人嘅戀情，仲好快就將房間收拾好俾兩人用作新婚房！最終，芹大媽都係受柱子堅定嘅心意所打動，決定同男友和好並且步入婚姻。

Photo from 《現在就告白》

Photo from 《現在就告白》

#兩人近況更新！

時隔接近3年嘅時間，有內地傳媒就去打探兩人嘅近況，佢哋感情依然甜蜜，而柱子已經向芹大媽求婚！而柱子仲話唔介意冇小朋友，只想同妻子共度餘生，仲話而家好比心機賺錢養家，希望兩人嘅生活得以改善～

Photo from 微博

Photo from 微博

相關文章：49歲女CEO與27歲小鮮肉相愛！男方堅稱係真愛！遭CEO女兒反對指必有所圖

相關文章：50歲女董事長下嫁25歲打工仔引熱議！婆媳合照如姊妹！網友：阿姨我不想努力了

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）