download HolidaySmart 假期日常 app
毒男Whatsapp發脾氣遭女神無視 淆底扮做戲勁尷尬 網民：好肉酸！

毒男Whatsapp發脾氣遭女神無視 淆底扮做戲勁尷尬 網民：好肉酸！

生活熱話
By Cheryl on 18 Oct 2021
Digital Editor

不少人與意中人傳Whatsapp都會特別緊張，因為講錯嘢隨時會返唔到轉頭！最近，網上討論區流傳一組對話圖，圖中顯示一名毒男不滿女方拒絕邀約後發脾氣，豈料見對方無回應便轉軚「扮做戲」，加埋其誇張emoji運用，對話被網民直指尷尬！

網上流傳一組對話圖，顯示一名毒男在Whatsapp發女方脾氣卻淆底扮做戲Photo from TVB

女神拒絕應邀惹毒男不滿，發連串短訊及emoji吐苦水

近日，連登討論區上出現一個以「啲毒X溝女可唔可以唔好咁痴線」為題嘅帖文，樓主於帖文上載了數張Whatsapp對話圖，顯示一名女子表示自己需為測驗溫習而拒絕出席義工活動，對方聽罷立即以多句短訊及emoji抒發不滿。

女神拒絕出席義工活動後，毒男大感失望Photo from TVB

被拒絕嘅毒男寫道：「嬲你都無用，88（bye bye）」、「算啦，我已經無曬心情」、「其實一開始我都唔應該期望咁大」，毒男同時發多個傷心及心碎表情以表達失望之情。

女神因為要溫習要拒絕應邀，毒男因此大感失望，狂send emoji同短訊抒發情緒Photo from 連登討論區

女方見狀，問對方想自己做咩，又稱想毒男明白，人總會遇到無空餘時間嘅情況。然後，毒男又連番發訊息，表示：「都話算囉，唔想煩呀」、「咁我咪以後唔搵你做義工ok？」、「我無時間煩啲咁少嘅事」。

女方問毒男想點，毒男繼續發晦氣Photo from TVB

女神無視毒男，即稱發脾氣只係做戲

根據訊息發送時間，毒男發短訊後超過9小時都無得到女方回應。相信因此而令毒男開始「淆底」，並突然轉軚，問道：「我啲戲係咪好好，可以呃到你，其實我一早已經無嬲你喇！」結果，毒男終獲女方以一個黑面月亮表情回應：「係咩？」

毒男眼見超過9小時都無得到回應，就索性話自己早前發脾氣只係做戲，望令女神回頭Photo from 連登討論區

得到女方回應始乎令毒男放下心頭大石，所以佢繼續發訊息。除了send錄音，佢亦向女方提及咖啡店出新品，相信係想約女方一齊去試。不過，毒男發出多條圖、文、錄音訊息後都無再獲得女方回覆，令毒男開始感到無奈。之後，佢又發出多個不滿表情公仔，當中更包含三個巴西國旗emoji，表示女方「都唔理我」，對話圖就此完結，樓主未有再分享更多內容。

毒男多番以圖文與女方對話，惟不獲回應Photo from 連登討論區

網民評價：「咁多emoji好恐怖」、「咁追女好肉酸」

對此，不少網民都留意到毒男大量使用emoji，並認為咁樣好尷尬，甚至恐怖。

不少網民覺得毒男用咁多emoji好嚇人Photo from 連登討論區

同時，亦有唔少人不解毒男用巴西旗emoji嘅用意。對此，有網民解釋毒男係想諷刺女方唔理自己好「巴西閉」；另有人開玩笑指毒男打漏咗個月亮emoji，月亮同巴西旗加埋就等於「月巴西（肥）」。

有人對巴西國旗emoji嘅運用表示不解Photo from 連登討論區

有網民解釋，其實毒男係話緊女方「巴西閉」Photo from 連登討論區

網民笑言加多嘅月亮表情就有另一個意思Photo from 連登討論區

除咗針對emoji運用，網民同時對毒男追女嘅手法作出評價，一名網民認為裝作生氣嚟引女方氹嘅方法唔可行，因為無論係扮嬲定係堅嬲，對方都無時間照顧你，該網民又認為，女方可能寧願毒男生氣時安靜，咁就唔洗被對方滋擾。

有網民認為該毒男扮嬲只係浪費時間心力Photo from 連登討論區

除此，另一網民指毒男「天真到以為吊高嚟賣，條女就會著緊，點知條女根本無在乎過，唯有轉軚話自己戲好」，佢認為咁樣追求女性「好肉酸」。

有網民指毒男吊高嚟賣係無用Photo from 連登討論區

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話Whatsapp女神連登討論區網絡熱話毒男