「藏族男神」丁真近照曝光大走樣！爆紅後成旅遊形象大使！20歲驚變臉腫大叔？！

時事熱話娛樂新聞

By Jennifer on 20 Oct 2021

Digital Editor

今晚食乜餸：小二，嚟一碟花生！

中國四川理塘一名藏族少年丁真（丁真珍珠）因為一段抖音片而爆紅，連日本、韓國電視台都有報道。佢之後成為故鄉嘅旅遊形象大使。不過以帥氣外型走紅嘅佢近照曝光卻被指大崩壞，面型暴脹之餘亦完全唔似20歲嘅美少年。

Photo from 丁真微博

丁真替弟弟尼瑪拍片後於抖音爆紅，成旅遊大使

2020年11月一位攝影師因為未能遇到丁真嘅弟弟尼瑪，於是就改拍丁真並將片段放上抖音，影片一經公開即成為內地網絡嘅熱門話題，丁真亦因此成為網絡紅人。

Photo from 丁真微博

丁真憑清澈嘅眼神、純真嘅笑容征服無數網民，網民稱佢氣質獨特，「野性與純真並存」，封為「甜野男孩」。佢爆紅後更加入國企，成為家鄉四川嘅旅遊形象大使，為家鄉代言嘅丁真更拍攝旅遊宣傳片「丁真的世界」。

Photo from 丁真微博

「丁真珍珠」成註冊商標，影響力極高

「丁真珍珠」獲申請成註冊商標，「藏族男神」丁真帶挈故鄉理塘成為熱門嘅旅遊景點，丁真又獲邀出席各個電視台春晚，包括內地中央電視台，人氣高企嘅佢亦係獲官方認可嘅網紅。

Photo from 丁真微博

除咗喺內地名氣大增外，仲有韓國《中央日報》、日本朝日電視台都有對丁真嘅爆紅作新聞報道，可見佢嘅影響力遍及東南亞。

Photo from 丁真微博

丁真陷「抽煙風波」後出演《中餐廳》

不過爆紅後無幾耐，2021年1月丁真抽煙嘅片段就喺網上流傳，有網友表示對一直以嚟行「純真」路線嘅丁真十分失望，認為抽煙同佢形象不符。

Photo from 丁真微博

最後丁真官方工作室喺微博發文道歉，指會注意公共影響力，又呼籲大眾關愛身體健康，唔好抽煙。雖然有「抽煙風波」，但丁真人氣並未受太大影響，繼續參加中央電視台嘅中秋晚會，又獲官方頒發「四川正能量網絡達人」嘅獎項。

Photo from 丁真工作室微博

Photo from 丁真微博

爆紅之後嘅丁真曾表示唔想入娛樂圈，夢想係做「賽馬王子」，不過佢近嚟亦被安排參加唔少綜藝節目，如《中餐廳》。近日佢參加活動嘅近況就喺網上掀起熱議。

Photo from 丁真微博

丁真近照曝光被指變腫臉大叔

原來丁真帥氣臉龐突然比之前圓潤勁多，仲有明顯嘅抬頭紋，雖然佢年僅20歲，但近照被指大崩壞，同以往嘅青春陽光少年差好遠，走晒樣變大叔！

Photo from 微博

雖然丁真並未作解釋，但有網友就表示丁真臉腫係因為由高原地區落山出現「醉氧」反應，有fans就指只係角度問題。而丁真官方微博都有公開相關照片，望落無引起網友熱議嘅相片入面咁臃腫。

Photo from 微博

Photo from 丁真微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

藏族靚仔紅到去日本　被稱「藏族金城武」拒入娛樂圈想做賽馬王子

3 Dec 2020

最近內地有一個藏族美少年爆紅，被稱為「藏族金城武」，登上微博熱搜之餘，仲紅到去日本，連日本電視台都有報導，到底有幾靚仔？！

呢位藏族男孩名叫丁真，20 歲，係四川甘孜理塘縣人。某日一名攝影師無意影到走路微笑嘅丁真，片段上載到網上後，丁真瞬間爆紅，佢清澈嘅眼神，純真嘅笑容征服無數網民，網民更稱佢為「甜野男孩」，指佢野性與純真並存，實在係高度讚賞，「丁真」呢個名亦都立即登上微博熱搜，甚至連大陸外交部發言人華春瑩都發文介紹呢位藏族美少年。