江若琳官司｜爆墊支工作人員頭痛藥/牙籤費用：「林先生話係行規」！工作10年一直負債

娛樂新聞

By Jennifer on 21 Oct 2021

Digital Editor

今晚食乜餸：小二，嚟一碟花生！

藝人江若琳（Elanne）與寰宇嘅合約糾紛案續審。江若琳激動指佢喺寰宇工作10年以嚟都係負債，更要付工作人員嘅頭痛藥、牙籤、文具等支出。而寰宇主席及董事林小明就表示係行規。

Photo from 江若琳 IG

江若琳否認收過續約通知書

續審提及江若琳再續約一事，代表寰宇嘅律師指2012年時已經向江若琳方寄出續約通知書，但江若琳否認，又表示唔同意寰宇方律師嘅講法，直言：「無收過（續約通知書）。」

Photo from 江若琳 IG

寰宇方律師就再指喺3月18日寰宇已將續約通知書寄咗畀代表江若琳嘅律師樓及東旺國際娛樂有限公司，而江若琳就稱佢嘅代表律師有通知佢，但對於東旺國際娛樂有限公司有無收到通知書，佢就指：「無印象。」

Photo from 江若琳 IG

江若琳爆要墊支工作人員嘅牙籤、頭痛藥等雜費，林小明稱係行規

江若琳指佢喺寰宇工作10年都無收入，處於負債狀態。佢激動表示喺公司10年間，電影開支、參加威尼斯影展、出席金像獎嘅8萬玩長裙，甚至連Dance啲舞衣、洗衫費、工作人員嘅牙籤、頭痛藥、文具等全部都係佢墊支。

Photo from 江若琳 IG

View this post on Instagram

A post shared by 江若琳（江伊晴）❣️Elanne? (@elannek930)

江若琳稱種種瑣碎支出形成好大筆數，佢又表示一直都有問公司墊支費用嘅事，但都無得到具體嘅解決方法：「林先生話係行規」

Photo from 江若琳 IG

江若琳2014年曾欠寰宇逾$110萬

寰宇方指出江若琳喺公司多年間，都有簽收月結單，但江若琳就稱「月結單」並非每月簽收，而係每半年簽一次，佢又指寰宇唔畀佢帶月結單返屋企。

Photo from 江若琳 IG

由於江若琳一直負債，屋企人都十分擔心，佢指寰宇主席林小明向支付$50萬：「嚟緊拍兩部劇就會正數，呢$50萬同你媽媽講係你收入。」，希望可以令江若琳家人唔再憂慮。但江若琳指佢後來先知呢$50萬原來係墊支費用，喺2014年佢一共差公司逾$110萬。

Photo from 江若琳 IG

江若琳再爆合約講到明佢唔可以懷孕

江若琳強調佢即使喺2007年娛樂事業高峰期亦無能力同公司議價，更大爆合約講到明佢唔可以懷孕。寰宇方律師又稱於2011年時江若琳同林小明嘅關係好好，但江若琳一口否認：「我唔同意。」，佢表示2010年前同林小明都無乜溝通，直至2011年後溝通雖然多咗，但亦僅限於工作事宜。

Photo from 江若琳 IG

相關文章：江若琳官司｜重提介入林小明婚姻傳聞爆喊離開法庭一度想輕生

相關文章：江若琳發千字文感激老公陪伴！ 10年朋友變夫婦曾被指介入蕭唯展感情？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

江若琳官司｜林小明批「超大洗」10年無淨收入，自覺紅愛發明星夢！

7 Oct 2021

藝人江若琳（Elanne）因合約糾紛與前經理人公司寰宇打官司，日前，寰宇主席及董事林小明爆江若琳喺簽約十年間無淨收入之餘仲好「大洗」，試過用八萬元買一條裙子卻只穿一次！

Photo from 江若琳微博

江若琳（原名：江玲）在2014年加入前經理人林小明嘅寰宇藝人管理有限公司，期間發生合約糾紛，案件鬧上法庭後需負擔龐大官司費，到昨天（6日）終上續審，原告為寰宇藝人管理有限公司，被告為江玲、東旺國際娛樂有限公司。據悉，由於江若琳一方需支付龐大官司費，同時要進行中港兩地嘅工作，導致佢壓力過大患上抑鬱症。

Photo from 江若琳微博

江若琳負擔藝人日常開支，寰宇公司作暫時墊支

林小明在庭上作供時表示，自己成立被告公司嘅初心係為咗簽藝人羅嘉良，又稱公司同藝人係以合作夥伴形式運作，所以公司負責提供資源畀藝人，藝人賺取利潤後再分帳，公司只會暫時為藝人墊支費用。

Photo from 江若琳 IG

基於以上描述嘅公司藝人關係，林小明指江若琳需自行負擔各項開支，包括服裝費及餐飲費等。佢表明公司有作暫時嘅墊支，再等藝人賺到利潤後扣回墊支費用。

Photo from 江若琳微博

林小明稱為江若琳付出十年，鬧上法庭感心痛

林小明指公司喺合約關係中為江若琳貢獻人脈，幫佢開戲，畀雜費等，佢續稱公司於十年間勞心勞力，為江若琳付出好多，對於近日要對簿公堂令佢感到心痛。

Photo from 江若琳微博

江若琳答辯方指林小明公司不合情理

對此，江若琳答辯方質疑寰宇公司與藝人建立嘅夥伴形式合作似高利貸，並比喻寰宇公司似係借錢畀後生仔做藝人，其他日常開支全要由藝人自己承擔。如此，藝人就好像跟公司借貸度日，還要被公司從利潤中抽取65%佣金，但之後仍有機會被公司追討欠款，認為根本不合情理。

Photo from 江若琳微博

對此，林小明強烈不同意以高利貸比喻公司，佢指自己無收利息，而65%分成係雙方協議，藝人唔滿意可以唔簽，如果藝人當紅確實有錢可分，但唔紅嘅話，分6成5比佢都無用。

林小明稱江若琳超大洗「8萬蚊買條裙只穿一次」

林小明續指，江若琳係個「超大洗」嘅人，佢作供提到，江若琳曾出席威尼斯電影節，此活動唔係必定要去，但江若琳仍堅持前往。所以，當時佢需自行負擔化妝師、形象設計師等開支。

Photo from 江若琳 IG

江若琳簽約十年無淨收入？！

除此，林小明稱合約十年間，江若琳都無淨收入，佢認為原因係江若琳大洗，更爆佢曾花8萬元買一條裙登台，卻只穿一次。

Photo from 江若琳 IG

林小明指江若琳曾發歌星夢，自覺好紅

另外，林小明指江若琳愛發明星夢、歌星夢。佢稱寰宇一向無推出音像產品，出唱片亦難以賺錢，故多次勸江若琳唔好發展歌唱事業，但對方仍堅持，所以林小明試過將佢推薦畀Sony、華納等試音，惟無公司有興趣，江若琳卻未想放棄，於是，林小明同意畀佢嘗試，但要江負擔所有唱片相關費用。林小明續稱，江若琳後來寧願拍電視劇，全因有真金白銀落袋。

Photo from 江若琳微博

江若琳在2014年於父母任監護人下，同寰宇公司簽下10年藝人經理人合約。寰宇公司在2014年入稟時指合約中列明公司一方有優先權跟江若琳續約 5年，寰宇亦有意同佢續約。但當公司想與江若琳續約到2020年時，江當時表示只分10%利潤予公司，林小明稱對方咁做因為自覺好紅。不過，有網民對於有藝人管理公司批評旗下藝人愛發明星夢說法表示費解：「藝人經紀公司小X人發明星夢？」