【賭命夫妻】Luna阿匡住逾3千萬豪宅/Teris望100萬名牌袋瞓覺！夫妻豪宅曝光！

娛樂新聞

By Jennifer on 22 Oct 2021

Digital Editor

今晚食乜餸：小二，嚟一碟花生！

ViuTV《賭命夫妻》最近有主持人火火、陳嘉倩去幾對夫妻屋企做家訪，其中Luna阿匡家住獨立洋房豪宅，有私人泳池同巨型客廳。Teris同Dennis夫婦屋企就似示範單位，更有玻璃名牌手袋陳列櫃，相當豪華！

Photo from ViuTV

Luna阿匡住逾3千萬豪宅，設私人泳池

Luna係模特兒、而阿匡就被指係3間餐廳嘅老闆。年紀輕輕嘅Luna同阿匡家底都好豐厚，屋企空間極大，火火、陳嘉倩一行入去就睇到「嘩！嘩！」聲。一入門就係寬敞嘅長方型客飯廳，一張雲石圓枱，可坐到7人，客廳亦有按摩椅。

Photo from Luna IG

Photo from ViuTV

廚房空間都好大，呈長方型格局，火火同陳嘉倩更笑言喺廚房行catwalk都無問題，行上第二層就有3間睡房。

Photo from ViuTV

首先第一間房係Luna姐姐嘅房間、第二間係Luna媽媽嘅房間，最後一間就係Luna同阿匡嘅房。3間房都放到雙人床同設獨立浴室。

Photo from ViuTV

Luna同阿匡透露呢間屋本來係Luna同媽媽、家姐一齊住嘅，不過Luna媽媽已有約兩年唔喺香港，家姐亦出嫁，一星期會返嚟幾日，所以佢哋星期一至四會喺度住，到星期五至星期日就去阿匡媽媽嗰邊。

Photo from Luna IG

佢哋所住嘅獨立洋房更有室外花園同私人泳池，相當豪華。之後Luna就揸阿匡嘅愛車，佢坐駕係BMW 3 Series，售價為港幣$40萬起，Luna更豪言如果整花阿匡架車就送過架新嘅畀佢。

Photo from ViuTV

Teris、Dennis屋企似示範單位，每晚望$100萬名牌袋瞓覺

Teris、Dennis呢pair夫婦條件都好好！佢哋住嘅單位裝修風格簡約又現代，連火火、陳嘉倩都話似示範單位，Dennis就話因為佢哋本身都係做室內設計，客廳有超大mon電視，擺設十分簡潔。

Photo from ViuTV

Teris係活髮公司創辦人，同時又係室內工程公司嘅Director，所以喺佢屋企都有擺唔少風水陣，例如「聚寶盤」等。

Photo from ViuTV

Teris有私人嘅衣帽間，可以見到有唔少Hermès嘅橙色盒，老公Dennis都有自己嘅個人衣櫃，風格十分幹練，但佢就笑言Teris都會放佢嘅衫，所以根本唔算係佢嘅私人衣櫃。

Photo from ViuTV

主人房最搶眼嘅莫過於一個玻璃手袋櫃，節目組都話好似「米x站」咁！Teris表示自己望住會開心啲，又指全個櫃最貴嘅係一個大象灰嘅Hermès Kelly Bag，價值$14萬，但現時炒價已達$20萬，保守估計Teris每晚可能對住$100萬名牌袋瞓覺！

Photo from ViuTV

Ruby、Banson住天水圍3房單位

雖然節目未播到，但Ruby喺佢嘅個人YouTube Channel就公開咗佢哋嘅屋企。佢表示當初想有自己嘅私人空間，於是兩人就租咗位於天水圍嘅三房兩廳單位。

Photo from Ruby YouTube

客廳有一張灰色梳化，可拉出變做床，Benson就笑指客廳窗台係典型發水樓嘅窗台。飯廳陳設簡單，有一張木系飯枱。

Photo from Ruby YouTube

廚房就無門，而且無抽油煙機，Ruby就指當初睇樓完全無留意到，連經紀都無提醒佢哋。

Photo from Ruby YouTube

3個房間，第一個係Benson嘅書房，面積較細，但有紅色嘅梳化凳，同兩部電腦；Ruby嘅房間空間比Benson嘅房大，不過佢就指房間對正太陽十分熱，開冷氣又勁嘈；最後一間則係兩人嘅睡房，有超大玻璃窗，不過有「西斜」嘅問題，夏天會超熱！

Photo from Ruby YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【賭命夫妻】考驗婚姻忠誠度贏獎金！五對參加夫妻簡介、IG

13 Oct 2021

ViuTV全新真人騷節目《賭命夫妻》已於10月11日首播！節目邀請五對夫妻，以婚姻為注，通過一連串的遊戲、誘惑及考驗等，睇下邊對夫妻可以成功恩愛到最後，並贏取豐富獎金！節目第一集夫妻們不但互揭對方缺點、不滿，大爆私密事，第二集更出動193郭嘉駿、Brian陳安立等人做兼職男友誘惑人妻，火花十足，掀起網民熱議~