【披荊斬棘的哥哥】獨特造型風格惹網民爆笑 內地網民都頂唔順：品味呢樣嘢唔係人人都有！

內地男團競選真人騷《披荊斬棘的哥哥》將於下星期進行總決賽，引起內地網民嘅熱議。最新一集，各位「哥哥」們就分成6組進行比賽，並一齊拍攝定裝照。然而，特別嘅拍攝風格就令部份網民表示「真係唔太識欣賞喇」！

Photo from 《披荊斬棘的哥哥》

# 《披荊斬棘的哥哥》下星期總決賽！

現時熱播中嘅內地真人騷《披荊斬棘的哥哥》下星期就將會進行總決賽，選出17位男藝人組成「全能唱演家族」，而節目就成功引起內地網民們嘅喜愛以及關注！

Photo from 《披荊斬棘的哥哥》

Photo from 《披荊斬棘的哥哥》

# 節目組風波不斷？！

不過節目開播之後，節目組就已經困難重重。繼霍尊因緋聞而中途退賽，日前李雲迪就因為爆出桃色風波，導致節目組立刻將前7集下架，並將李雲迪所有嘅單人照刪除，唔少網民都不禁講笑咁話節目應該叫「披荊斬棘的後期」！而現時所以集數都已經可以於網上觀看，有網民見到打格仔嘅「粗糙」技巧後，就話「看得出確實很暴躁！」、「從沒見過芒果TV後期這樣」等留言。

Photo from 《披荊斬棘的哥哥 》

Photo from 微博

# 海報造型震驚網民！

喺最新播出嘅一集中，「哥哥」們就被分成6組進行表演，仲一齊拍攝咗海報為自己隊伍做宣傳。然而，特別嘅造型風格就似乎唔係個個都識得欣賞，其中有3隊就以顏色為主題，全員都穿著同一色系嘅服裝大擺pose！有網民就好驚訝咁話「黃貫中同趙文卓根本就係雙胞胎！」，亦有網民講笑咁話有幾位哥哥似乎都未準備好就已經被拍！

Photo from 《披荊斬棘的哥哥》微博

Photo from 《披荊斬棘的哥哥》微博

Photo from 《披荊斬棘的哥哥》微博

# 網民：見到都尷尬！

而另外3組就主要以牛仔風、紳士風作為服裝主題，然而佢哋富有年代感嘅衣著都不禁令網民感到不解，「年過40仲搞啲咁嘅嘢，真係睇見都尷尬！」、「係忘了愛啲朋友！」等留言。有部份網民亦質疑節目組係咪有為參賽者們P圖，導致佢哋嘅樣貌睇落有啲奇怪！

Photo from 《披荊斬棘的哥哥》微博

Photo from 《披荊斬棘的哥哥》微博

Photo from 《披荊斬棘的哥哥》微博

# 梁漢文未能躋身總決賽！

該集播出後，一共有3位參賽者被淘汰，而梁漢文就因為排行尾二，成為其中一位淘汰者。而節目開播後，有唔少內地網民都表示好鍾意梁漢文溫柔嘅歌聲，認為佢嘅實力被大眾低估咗！而李雲迪其實已經成功進入總決賽，不過就因為新聞而導致退賽，現時唔少網民都表示希望佢可以補位重返節目，睇嚟梁漢文今次成功吸粉無數喇～

Photo from 《披荊斬棘的哥哥》

Photo from 微博

相關文章：【披荊斬棘的哥哥】「大灣區男團」節目狂講廣東話！節目組聽唔明將陳小春爆粗直出！

相關文章：【披荊斬棘的哥哥】黃貫中張晉節目中零交流 惹不和傳聞！ 兩人老婆情同姐妹 過往關係親密！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【披荊斬棘的哥哥】黃貫中出道36年首次挑戰跳舞！ 舞姿奇特惹網民爆笑：四肢是租來的嗎？

24 Sep , 2021

最近內地綜藝節目《披荊斬棘的哥哥》正在熱播中，節目中唔少嘅亮點都成為網民們嘅熱話！而最新嘅一集，出道30多年嘅黃貫中居然首次挑戰跳舞，雖然佢嘅舞姿比較生硬，不過佢努力練舞嘅畫面亦受到網民嘅讚賞～

Photo from 《披荊斬棘的哥哥》

#黃貫中與MC Jin等人同組

內地節目《披荊斬棘的哥哥》正在熱播中，「哥哥」們都好努力咁練習務求呈現唔同嘅舞台表演俾觀眾。最新一集，有「搖滾教父」之稱嘅黃貫中（Paul）首次於節目中挑戰跳舞，並同MC Jin、劉迦等人一齊準備表演！

Photo from 《披荊斬棘的哥哥》

#首次挑戰跳舞！

黃貫中嘅隊伍即將於節目中同趙文卓嘅隊伍對戰，佢哋將會表演《不超級的馬里奧》，並且挑戰難度頗高嘅「鬼步舞」！而黃貫中就表示想挑戰一下，盡自己最大嘅努力去練舞「好像我跟張淇不怎麼跳舞的人，也可以很努力去舞蹈」，睇得出佢嘅決心的確十分大！

Photo from 《披荊斬棘的哥哥》

Photo from 《披荊斬棘的哥哥》

#堅持動力係囡囡？！

黃貫中仲透露佢堅持嘅動力來自囡囡黃鶯，希望用自己嘅經驗去鼓勵囡囡挑戰唔同嘅新事物，「你看爸爸一把年紀都可以挑戰新的事！」，果然係出名嘅「女兒控」啊～

Photo from 《想想辦法吧！爸爸》

Photo from 《想想辦法吧！爸爸》

#舞姿極度僵硬！

喺練舞嘅過程中，身體唔協調嘅黃貫中進度明顯比其他隊員慢少少，而且舞姿睇落有啲奇怪，由佢嘅面部表情可見，跳舞對佢而言真係十分有難度！

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

#盡自己最大努力練舞！

而佢亦因為練習進度落後而感到失落，「跳舞的時候看見自己，這是誰啊？很陌生」，不過佢認為自己已經花最大嘅努力去準備，即時最終要於節目中被淘汰都冇遺憾。

Photo from 《披荊斬棘的哥哥》

Photo from 《披荊斬棘的哥哥》

#舞姿惹網民爆笑！

而呢一幕亦令唔少網民爆笑，覺得「黃貫中好像跟四肢很不熟」、「像裝了義肢一樣！」、「黃貫中學跳舞簡直就是人類與四肢的決戰畫面！」等，認為佢嘅舞步十分奇怪！不過網民亦十分欣賞佢所付出嘅努力，認為佢嘅堅持不懈嘅精神好值得學習，成功吸粉無數～

Photo from 微博

Photo from 微博

相關文章：【披荊斬棘的哥哥】黃貫中張晉節目中零交流 惹不和傳聞！ 兩人老婆情同姐妹 過往關係親密！

相關文章：【披荊斬棘的哥哥】超豪華宿舍公開！攀石場/大草坪/娛樂區！香港藝人被笑「大灣區男團」黃貫中唔埋堆

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）