港男失業做家庭主夫做到喊！日日做家務+湊仔，自覺老婆畀說話佢聽感壓抑

疫情下有唔少人都因為市道不佳而失業，近日有網友喺討論區發文指好友失業後靠老婆養，自己做全職家庭主夫，但咩家務都要做、又要照顧兒子令佢壓力好大，最終更因為一件事忍唔住喺朋友面前落淚。

Photo from 男人唔可以窮

港男失業，被逼做「家庭主夫」

以往「一家之主」通常都係指男士，女士多數喺家中做家庭主婦，但依家時代唔同咗，女性就算結婚做媽媽都有好多會繼續工作，而男士做「家庭主夫」嘅比例都有所上升。

Photo from 極道主夫

最近喺香港討論區有網民以「做男人做到咁冇尊嚴......」為題開post，佢表示有個朋友以前同太太都有工作，家庭收入、支出都係「公一份婆一份」，夫妻兩個有商有量。

Photo from TVB

但呢位朋友近日就失業，唯有做住家庭主夫先，由太太主力負責搵錢，但做「家庭主夫」一啲都唔容易。樓主見證朋友難處，於是發文感嘆。

Photo from 男人唔可以窮

港男一力承擔家務、湊仔重任

因為依家係老婆畀家用，但樓主朋友唔夠使，想攞儲蓄戶口啲錢出嚟，但就被佢老婆話。

Photo from TVB

另外老婆負責賺錢，樓主朋友作為「家庭主夫」自然承擔屋企家務，而且因為佢失業，家庭收入有限，原本屋企請嘅家傭都要炒。樓主朋友日日要做家務，同埋湊仔。

Photo from ViuTV

Photo from TVB

港男全職做家庭主夫感壓抑，終失控落淚

樓主朋友指老婆成日有說話畀佢聽，令佢成個人好壓仰，有次唔記得咗煮飯，老婆知道後即刻發脾氣！

Photo from TVB

Photo from ViuTV

唔知係咪做家庭主夫壓力太大，樓主朋友想搵好友出嚟飲杯嘢，但又被老婆催佢早啲返屋企，令樓主朋友忍唔住喺朋友面前喊。樓主眼見朋友咁難過，表示：「做男人做到咁無尊嚴，為咩呢.....」

Photo from TVB

Photo from ViuTV

網友批女士做家庭主婦都係咁，唔明男人點解會委屈

不過有網友就認為女士做家庭主婦都係咁，日日做家務、湊小朋友，唔明點解男士做同樣嘅嘢會覺得委屈：「一聽到男性做主婦就叫食軟飯，攞家用就有說話聽」

Photo from 香港討論區

Photo from 香港討論區

Photo from TVB

亦有網民指如果唔想做家庭主夫咪出去搵工，就算搵唔到全職都可以做下part time：「乜工都做住先啦！」

Photo from 香港討論區

相關文章：網民列4大「港男婚後生活痛苦」原因：生仔/住屋議題太軟弱，仲唔敢做呢樣嘢？！

相關文章：失業中年見FG工被拒眼濕濕 20年經驗見Marketing工「咩係KOL？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男友失業2年多自稱自修 有賭癮+拒絕見工機會 港女仍不捨放棄！

11 Oct 2021

有情真係飲水飽？最近，一名女網民到網上討論區表示，佢讀室內設計嘅男友失業兩年多，多番鼓勵佢搵工都無效，男方甚至有賭癮，但對事主好好，故令佢非常頭痕，遂向網友詢問意見。

Photo from 原諒他77次

男友失業2年多自稱自修

近日，一名港女到連登討論區發文，稱其男友畢業於室內設計系，Grad後只返過兩個多月全職，辭職理由為上司太惡頂。喺失業至今嘅兩年多期間，男方稱因為佢嘅行業需求高，「一埋位就做，唔識多啲野就會被人鬧又無人教」，故指自己不斷自修以擴闊視野。

Photo from TVB

女事主表示已經同男友傾談多次，而男方都開始感到厭煩，每次答覆都聲稱自己準備搵工，卻遲遲未開始Send CV。女事主見到咁嘅情況，曾建議對方進修，總比日日留家好，惟男方指「無嘢好再讀，要靠自己睇多啲。」

Photo from TVB

男方連兼職都唔願返，仲會賭錢

女事主坦言男友對自己好好，雖然無乜錢，但都願意花錢請下自己食嘢。女事主對此大感無力，故問網友意見。有網民講述自己經歷，話前任情況都同事主男友相似，佢有做Freelance，但一個月只有數千元收入，即使不斷被勸喻都唔肯返全職，導致最後分手。女事主則回應稱自己男友連兼職都唔願做，莫講Freelance。

Photo from 男人唔可以窮

Photo from 連登討論區 評論

之後，有網民對於事主男友可以只靠兩個月全職嘅人工支撐起往後兩年嘅生活費表示讚歎，更將佢形容為「理財大師」。對此，女事主透露其實佢男友有賭博習慣，「小賭，但都幾沉迷」，仲會向朋友借錢。有網民則無奈笑指，原來「自修」兩年係鑽研賭波。

Photo from 連登討論區 評論

Photo from 連登討論區 評論

港女為男友護航

有網民不解為何女事主仍跟對方一起，佢回應大讚男友性格好、孝順，除左賭都無乜不良嗜好，故此唔想放棄佢，又指對方辭職後遇到家人需要照顧才無返工，「但拖下拖下就2年。」

Photo from 連登討論區 評論

有朋友介紹都唔去面試

事主又指，男友嘅朋友曾借錢畀佢，再叫男方到其公司面試，可惜男方都拒絕。有網民見此便直指事主男友好「阻埞」，「工又唔返、又唔係有錢、又唔係進修、仲要係賭仔一個，仲要去到問人借錢都唔返工。」

Photo from 連登討論區 評論

網民認為要忍痛分手，激發男友上進

對此，有網民認為要事主男友發奮嘅話，事主便需要利用分手嚟刺激佢變得上進，不過咁做嘅話，男友將來好可能會嬲左當日放棄自己嘅事主。另有網民指：「除非你肯養佢一世再比錢佢賭，唔係早啲走算啦。」

Photo from 男人唔可以窮

Photo from 連登討論區 評論

Photo from 連登討論區 評論

相關文章：男友畢業4年無正職模擬學炒股！唔肯搵工港女感崩潰！網友：無本點炒

相關文章：失業中年見FG工被拒眼濕濕 20年經驗見Marketing工「咩係KOL？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）