阿嬌上海豪宅曝光！指自己易脹易瘦，坦承有焦慮！自爆Twins曾經搶歌！

40歲嘅鍾欣潼阿嬌近年長駐內地，最近內地網紅「一枝南南」就到訪咗阿嬌位於上海嘅住所，更參觀咗佢嘅梳妝枱。雖然阿嬌唔用美容儀器保養皮膚，但佢買護膚品就一啲都唔吝嗇！佢自認自已身型易脹，又坦承有焦慮。

Photo from 阿嬌微博

阿嬌上海豪宅曝光

阿嬌北上發展多年，依家更長期喺內地工作，人氣好高。近日佢同好姊妹阿Sa蔡卓妍、容祖兒拍內地真人騷《容我Sa嬌》，被指再度發福。

Photo from 阿Sa微博

阿嬌之前就有上過內地網紅「一枝南南」嘅私人節目，當時「一枝南南」到訪咗阿嬌上海住宅，「一枝南南」更訪問阿嬌，兩人又一齊玩遊戲。

Photo from 一枝南南

阿嬌淡妝顯疲倦，上海住所裝修走北歐風

喺入門前「一枝南南」就提到呢度係阿嬌喺上海暫住嘅地方，亦係首度公開佢嘅住宅。一入門就見到阿嬌身後嘅白色圓形飯枱，枱面上擺咗花樽。

Photo from 一枝南南

Photo from 一枝南南

阿嬌住所裝修簡約走北歐風，以白色為主調，牆身、地板、門都係白色。客廳就有擺咗暖色系嘅皮質、布藝梳化，木系立燈設計具特色。阿嬌淡妝上陣，略帶倦容。

Photo from 一枝南南

Photo from 一枝南南

阿嬌睇抖音買護膚品

「一枝南南」更參觀咗阿嬌嘅梳妝枱，阿嬌嘅梳妝枱都貫徹簡約風格，白色大理石紋嘅牆身掛上北歐風橢圓形長鏡。阿嬌梳妝枱陳列嘅護膚品唔多，但品牌就各有不同。

Photo from 一枝南南

Photo from 一枝南南

阿嬌有價值$6000眼膜、超過5,000人民幣嘅護膚組合等貴婦護膚品、亦有用百幾蚊嘅平價護膚品、甚至30人民幣嘅暗瘡膏，佢指自己平時會睇抖音買護膚品。

Photo from 一枝南南

Photo from 一枝南南

Photo from 一枝南南

阿嬌身型易脹易瘦，坦言對外型有焦慮

阿嬌表示自己平時淨係搽護膚品，無用美容儀器，亦無去美容院做facial等護理，自認係天生麗質！不過佢都稱自己對外型有焦慮，因為近年白頭髮多咗好多，佢都要成日染髮，上節目前一日先染完頭髮。

Photo from 一枝南南

Photo from 一枝南南

Photo from 一枝南南

被問到有咩凍齡秘訣，阿嬌就指應該同身型變化有關，佢直認自己好似氣球咁，身型一時暴脹、一時又瘦返：「又胖又瘦又胖又瘦。」

Photo from 一枝南南

Photo from 一枝南南

阿嬌爆Twins曾經搶其他歌手嘅歌

阿嬌又大爆Twins曾經「搶歌」，就係Boy'z嘅《死性不改》，佢指當時佢同阿Sa覺得首歌太好聽，於是抱住唔好浪費嘅想法就攞咗首歌，依家首歌就好似係佢哋嘅歌咁。

Photo from 一枝南南

Photo from 一枝南南

Photo from 一枝南南

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼身材再暴脹？！與阿Sa蔡卓妍、容祖兒拍《容我Sa嬌》網民：以為佢大肚！

26 Oct 2021

容祖兒、蔡卓妍及鍾欣潼貴為英皇「龍虎豹」，近日正為內地綜藝騷《容我Sa嬌》進行拍攝工作，並到秦皇島錄製節目，有網民更野生捕獲阿嬌及阿Sa，照片可見阿嬌身材頗為豐滿~

Photo from 鍾欣潼微博

容祖兒、蔡卓妍及鍾欣潼合體拍內地真人騷《容我Sa嬌》

容祖兒、蔡卓妍（阿Sa）及鍾欣潼（阿嬌）三人合體拍攝內地真人騷《容我Sa嬌》，節目以女生旅行團為主題，一邊旅遊一邊訴說心聲，節目未播出已引起內地網民關注。最近佢哋更請來嘉賓周筆暢，一同到秦皇島錄影節目。

Photo from 蔡卓妍微博

一眾內地粉絲跟隨拍攝

佢哋一行人齊逛夜市「掃街」，親自買嘢食飲品醫肚，真係寓工作於娛樂。佢哋人氣旺盛，吸引了不少粉絲到場看偶像，有內地網民成功野生捕獲阿Sa與周筆暢同場，雖然無上前合照，但拍下了佢哋喺現場拍攝嘅情況。

Photo from 微博

在阿嬌與容祖兒同行嘅照片中可見，身穿長外套嘅阿嬌同祖兒一同買手搖杯，二人背後湧現大批民眾舉機拍攝！

Photo from 微博

Photo from 微博

Photo from 微博

偶遇照顯阿嬌身材豐滿

另一組粉絲拍攝嘅照片所見，阿Sa阿嬌以背著背包、戴上口罩造型前往某地，兩人都注意到有粉絲拍攝，並無表現不悅，雖然面帶口罩，但仍感受到阿Sa對粉絲微笑，之後佢亦有揮手打招呼。

Photo from 小紅書

Photo from 小紅書

阿嬌都有望向鏡頭，不過神情略顯呆滯疲倦，佢身穿白色長身闊身外衣，衣長長到大腿，顯得「身長腳短」，雖然佢大半身被上衣掩蓋，但仍可見其身形豐滿，疑似又發福。與一旁穿灰色上衣、身形較纖瘦嘅阿Sa一齊行剛好顯出對比。

Photo from 小紅書

網民認唔到阿嬌？！

對此，有內地網民留言稱見到阿嬌呢個身材「完全認不出」、「阿嬌目測130斤以上」，更有人認為佢似懷孕十月。

Photo from 網民評論

Photo from 網民評論

亦有網民指，粉絲拍嘅「偶遇照」同阿Sa幫眾人自拍嘅合照有好大對比，阿嬌在兩者照片裡猶如兩個人。不過，大家都知影相好講角度，不同角度拍攝確實有機會造成反差。無論如何，藝人最緊要健康就好~

Photo from 蔡卓妍微博

相關文章：阿嬌鍾欣潼零濾鏡反擊暴脹指控 網民：上鏡同真人差咁遠？鏡頭是放大鏡嗎？

相關文章：阿嬌鍾欣潼現大陸秀暴脹引熱議！疑為前夫雪卵肥20磅？網友：似盧覓雪

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）