盤點8位TVB御用「小三」 位位都係當紅花旦 角色更有表現易上位？
Photo from 龔嘉欣IG
1. 李佳芯
李佳芯2014年於電視劇《名門暗戰》中飾演介入岳華以及黃浩然婚姻嘅「Ivy」，同關菊英嘅演技大鬥法成功獲得觀眾好評！其後，佢飾演嘅「小三」嘅次數足足有6次咁多，，當中包括：《倩女喜相逢》嘅九尾狐、《巨輪II》嘅鍾穎等，演技實力亦因此而受到網民肯定。
Photo from TVB
Photo from TVB
直到2016年，李佳芯終於喺《律政強人》擔任女一角色，同年獲得「飛躍進步女藝人」獎項。佢之後大多都於電視劇擔正做女主角，，並於2018年獲得「最佳女主角」，十分有觀眾緣！
Photo from TVB
2. 龔嘉欣
龔嘉欣剛剛加入TVB嘅時候，經常都飾演反派或者小三角色，其中包括：《我的如意郎君》「高爾雅」、《跨時代》「尚可欣」等，被唔少網民稱為「TVB御用小三」！其中佢喺《拳王》飾演嘅「莊寶琪」更加係深入民心，令網民直呼反感！
Photo from TVB
Photo from TVB
3. 高海寧
高海寧剛剛入行嘅時候，憑亮眼嘅外表以及魔鬼身材，成功令佢獲得多個飾演「小三」嘅機會：《讀心神探》、《愛情食物鏈》、《單戀雙城》、《不懂撒嬌的女人》等。不過亦因此而獲大眾貼上性感標籤，其後佢成功憑藉《金宵大廈》展露演技，大獲好評，成功「翻身」！
Photo from TVB
Photo from TVB
4. 鍾嘉欣
鍾嘉欣一直以來俾大家一種「乖乖女」嘅形象，不過佢曾經破天荒喺《缺宅男女》中飾演負心女，背住正印男友吳卓羲同謝天華擦出愛火，當時成功引起網民們嘅熱議！有唔少網民都大讚佢劇中嘅表現亮眼，完全擺脫到過往嘅固有形象。
Photo from TVB
Photo from TVB
5. 陳敏之
陳敏之於《溏心風暴3》中飾演「黃以愛」一角，同唐文龍由同事關係發展成婚外情。雖然當時唔少網民都對呢個角色「恨之入骨」，不過亦成功令佢嘅演技獲得肯定！
Photo from TVB
Photo from TVB
6. 劉佩玥
劉佩玥於2016年憑藉《幕後玩家》「Emma」一角，飾演黃宗澤情婦，並大膽破壞佢哋原本幸福美滿嘅家庭。精湛演技成為亮點，獲得網民們嘅關注，並獲封為「最強小三」！
Photo from TVB
Photo from TVB
7. 楊秀惠
楊秀惠大多都於劇中飾演誘惑他人嘅性感角色，其中佢喺《來自喵喵星的你》所扮演嘅「藍蒂莎（Natasha）」仲身穿抹胸黑色短裙誘惑陳豪，大晒長腿，當時成功引起熱話！隨後佢又於《大帥哥》、《鬼同你OT》等以性感服裝誘惑他人，並於2015年憑角色獲得「最佳女配角」以及「最受歡迎電視女角色」2項提名。
Photo from TVB
Photo from TVB
8. 朱慧敏
朱慧敏自入TVB以來參與唔少電視劇拍攝，當中佢都出演過好多「小三」角色：《竊聽風雲》飾演誘惑上司嘅秘書、《刑事情報科》飾演情婦、《古靈精探》等，一度被定型為「小三」常用演員！
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB「真人靚過上鏡女星」投票！李佳芯高票登榜首！第二位出人意料？林夏薇/陳自瑤無份
7 Oct , 2021
TVB《思家大戰》有獎問答遊戲《思家觀眾大戰》，搵咗100位TVB台前幕後投票選出「TVB真人靚過上鏡嘅女藝員」。日前官方公佈完整名單，李佳芯高票登頂第一位！另外觀眾緣好好嘅朱千雪都有第三位，除咗佢哋之外，其他上榜女星出人意料！
Photo from TVB
Photo from 李佳芯 IG
視后Ali李佳芯獲「TVB真人靚過上鏡女星」第一位
Ali一向觀眾緣好，即使曾被「雪藏」仍有唔少fans支持。佢今年喺《愛美麗狂想曲》、《智能愛人》嘅演出獲觀眾好評，尤其係《智能愛人》，Ali於劇中飾演機械人，有指佢出色演技令TVB高層大為讚賞，有望再奪視后！
Photo from 李佳芯 IG
其實喺競猜時已有好多網友揀咗Ali，可見佢人氣之高，仲係公認嘅美人，喺100位TVB工作人員投票中獲28票，有網民得知結果後表示Ali上鏡都已經好靚，估唔到真人仲靚！
Photo from TVB
Photo from TVB
Photo from 李佳芯 IG
麥美恩Mayanne得第二位出乎意料？
如果話Ali第一係眾望所歸，Mayanne麥美恩喺競猜初期幾乎無人估係佢。其實麥美恩係港姐出身，佢參加《2011年度香港小姐競選》獲得第四名（當屆冠軍為朱晨麗），不過之後佢主力出演綜藝節目。
Photo from 麥美恩 IG
Mayanne雖然係港姐出身但出演綜藝「零包袱」，肯放下身段，獲封為「新一代搞笑綜藝女王」。Mayanne得票數都唔低，100票中獲20票，投票嘅工作人員有五分之一都揀佢！
Photo from 麥美恩 IG
朱千雪獲第三位，「民選港姐」轉行做大律師
除咗Ali之外，朱千雪亦係TVB超有觀眾緣嘅女藝人，佢於2012年參選港姐入行，當時因網上投票系統伺服器發生問題，朱千雪只得季軍，網民亦因此封佢為「民選冠軍」，估唔到呢個投票同港姐一樣，千雪BB以16票位列第三。
Photo from 朱千雪 IG
雖然佢參演嘅電視劇唔多，但喺《EU超時任務》首度擔演女主角演技就大獲好評，不過千雪BB現時轉投法律界，主力做大律師工作，少有喺幕前出現。
Photo from 朱千雪 IG
陳凱琳憑異國風情長相奪第四位
港姐冠軍出身嘅陳凱琳比朱千雪少5票，以11票獲第四。佢入行後備受力捧，出演電視劇。同鄭嘉穎結婚之後佢就減少幕前工作，生下鄭承悅（Rafael）兩年後再誕下次子鄭承亮（Yannick），成幸福靚媽。
Photo from 陳凱琳 IG
當初參選港姐時陳凱琳因為長相具異域風情而成為話題，不過佢就指自己並非混血兒，陳凱琳不時會喺IG晒靚相，無愧港姐冠軍之名～
Photo from TVB
「最佳女配角」賴慰玲第五位，除咗演技仲有美貌
賴慰玲2020年憑《反黑路人甲》「大小姐蔣千霞」一角獲「最佳女配角」，佢係香港演藝學院表演系出身，當初獲老師羅冠蘭推薦入行，連影帝黃秋生都大讚佢演技不俗。
Photo from 賴慰玲 IG
出道以嚟佢嘅演技都獲網友認可，但佢除咗精湛演技外本身都係靚女，投票只少第四位嘅陳凱琳1票，以10票居第五。有網友喺留言表示有次喺街上見到賴慰玲感到驚訝，因為對方真人靚過上鏡好多！
Photo from TVB
Photo from 賴慰玲 IG
「大面Bella」林穎彤力壓林夏薇、蔡思貝
林穎彤童星出身，加入TVB後雖然出演過唔少劇集，但都係飾演配角，估唔到佢竟然力壓港姐亞軍兼視后嘅蔡思貝、華姐冠軍岑麗香等人，以6票奪得第六位！當時競猜有唔少人都估有林夏薇、陳自瑤，但林穎彤卻成功突圍而出！不過投票係「真人靚過上鏡」，可能其他人真人同上鏡差唔多，所以未獲投票。
Photo from 林穎彤 IG
Photo from 林穎彤 IG
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
