陳苑澄晒4卡鑽戒嫁酒行太子爺閃贏張寶兒婚戒 As One成員近況逐個睇！

娛樂新聞

By Cheryl on 28 Oct 2021

Digital Editor

前女團As One成員陳苑澄（Tania）於去年9月公佈喜訊，表示其有米男友求婚成功，更大曬4卡巨鑽戒指。近日，佢向As One成員蘇皓兒、陳葦璇等閨蜜派喜帖，Tania更感動落淚，場面相當溫馨~

Photo from 陳苑澄 IG

陳苑澄去年宣佈嫁有米男友，曬4卡巨鑽婚戒

曾參選2018年港姐嘅前女團As One成員陳苑澄（Tania）去年9月宣佈成為準人妻，將嫁畀當時拍拖未夠一年嘅酒行太子爺Gary。佢曾於社交平台分享約4卡嘅求婚戒指相，獲大班好友留言祝賀。

Photo from 陳苑澄 IG

而去年同期仲有袁偉豪成功向張寶兒求婚，當時張寶兒大曬3卡求婚鑽戒，巧合之下，陳苑澄婚戒被指閃贏寶兒。

Photo from 張寶兒 FB

Photo from 陳苑澄 IG

陳苑澄派喜帖，蘇皓兒、陳葦璇等好友開心祝福

準人妻Tania以白色假髮加大紅蝴蝶結，明顯被Hello Kitty啟發嘅造型現身，興奮向一眾閨蜜大派「紅色炸彈」。其好友們都非常配合，以各種可愛卡通人物啟發嘅造型出席聚會，與Tania分享喜悅。

Photo from 陳苑澄 IG

出席朋友有As One成員蘇皓兒、陳葦璇等人，眾人都穿著可愛衣裝慶祝Tania 27歲生日。同日，蘇皓兒更分享了Tania派喜帖情況，佢相當興奮，笑容非常燦爛，唔講以為係佢自己嫁人添~。

Photo from 陳苑澄 IG

陳苑澄派帖感動落淚

於限時動態中可見，Tania親手將喜帖派到閨蜜手上，期間佢更感動落淚，要用紙巾抹去淚水，場面更有啲似在預演婚禮！

Photo from 蘇皓兒 IG

同為As One出身嘅陳葦璇亦分享了自己、陳苑澄與蘇皓兒三人合體嘅慶祝照~

Photo from 陳苑澄 IG

陳苑澄香港韻律體操隊出身，曾參選港姐

陳苑澄（Tania）在2012年以女團 As One 成員身份出道，更與其後加入嘅成員蘇皓兒、陳葦璇成為好友，但佢在2017年與舊公司解約，並於2018年轉戰香港小姐，奪得「現場至like才藝表演獎」，最後更成功晉身5強，之後簽約TVB。

Photo from TVB

Tania加入TVB後參演過不少劇集，當中包括《星空下的仁醫》、《換命真相》等，據悉，佢亦將亮相《聲夢傳奇》學員主演嘅《青春本我》。

Photo from 陳苑澄 IG

其實Tania於2004年至2010年期間擔任香港韻律體操隊代表隊成員，曾多次代表本港參與本地、內地於國際賽事，運動細胞非常強勁！到今年，佢除咗繼續發展演藝事業，Tania終於要同男友拉埋天窗，認真開心！

Photo from 陳苑澄 IG

As One成員近況

# Oli 黃佳宜

As One雖然未曾大紅大紫，但都係唔少樂迷心中嘅回憶。團體解散後，成員們都有不同發展，以上就睇咗陳苑澄嘅近況，呢家就睇下其他前成員！當中第一位離隊嘅成員Oli 黃佳宜於13年子宮生良性腫瘤而停工半年，再與14年因病退出。其後佢入讀深圳大學就讀表演系，更在內地定居。雖然佢曾簽約內地唱片公司，卻因金錢糾紛離開公司。

Photo from Oli 黃佳宜微博

# Shin 吳思佳

Shin曾參加韓國知名偶像選秀節目《PRODUCE 101》，惟最終未能進入出道組。佢於2017年轉投內地發展，次年亮相TVB劇集《飛虎之潛行極》，但之後已淡出娛樂圈。

# Elfa 邱念恩

邱念恩都係元祖成員之一，但其後因傷患而退隊。有指佢退隊後重返校園讀書，亦會在直播平台與網民互動，曾受邀出席化妝品牌活動，但已極少於幕前出現。

Photo from Elfa邱念恩 Fanclub FB

# Chloe 蘇皓兒

蘇皓兒係2015才加入嘅As One成員，佢離隊後同太陽娛樂續約，除咗繼續進行模特兒工作，仲曾出演陽光檸檬茶復刻版廣告，因造型被指似周慧敏而引起關注。佢於2020年參演TVB劇集《那些我愛過的人》，亦將出演《金宵大廈2》。

Photo from 蘇皓兒 IG

# Kira 陳葦璇（舊名：Kayan 陳嘉茵）

陳葦璇近年最為人熟悉嘅發展莫過於參加ViuTV選秀節目《全民造星III》，並取得亞軍。之後，佢出演過同台綜藝/音樂節目《囝囝女女730》，亦有於Viu節目巡禮《ViuTV 2022》亮相。佢可以話係As On解散後唯一一個繼續發展歌唱事業嘅成員~ 另外，佢將會為今年未上映嘅美國動畫電影《星夢動物園2》配音。