吳彥祖成為職業賽車手！加入美國賽車隊! 馮德倫協助拍攝紀綠片

吳彥祖（Daniel）同太太Lisa S、囡囡Raven暫時定居美國，因為疫情關係未能回港工作。不過就因此而令佢重新點燃對賽車嘅熱情，竟然成為咗一位職業賽車手！而好友馮德倫就提議為佢拍攝紀錄片，將佢成為賽車手嘅心路歷程同埋比賽過程一一呈現喺觀眾面前。

Photo from 《吳彥祖的速度之旅》（Journey to Speed）

# 2010年與模特兒女友結婚！

現年47歲嘅吳彥祖（Daniel）樣貌帥氣又有才華，曾榮獲金馬獎「最佳男配角」以及香港電影金像獎「新晉導演獎」，係唔少女士心目中嘅男神！佢仲十分專情，於2010年同拍拖8年嘅模特兒女友Lisa S結婚，並誕下囡囡吳斐然（Raven）。

Photo from 吳彥祖IG

Photo from 吳彥祖IG

# 因為疫情成為職業賽車手？！

近年，吳彥祖一家三口就已經搬返美國居住，但就撞正疫情導致未能返港工作。不過就為吳彥祖造就咗發展另一個事業嘅契機，佢開始重拾對賽車嘅熱誠，仲成為咗一位職業賽車手！佢表示自己其實以前就對賽車有興趣，「以前住香港冇機會接觸，，直至搬返美國，可以揸自己車去真正嘅賽車場玩。」，之後就開始參加賽車比賽。

Photo from 《吳彥祖的速度之旅》（Journey to Speed）

Photo from 《吳彥祖的速度之旅》（Journey to Speed）

# 拍攝賽車手紀錄片

由演員搖身一變成為賽車手，所有嘢都係由零開始，好友馮德倫知道之後就提議幫手拍片紀錄佢嘅轉變以及比賽過程等，仲誠邀曾擔任《林書豪 Linsanity》紀錄片導演嘅Evan Jackson Leong親自操刀，一齊拍攝《吳彥祖的速度之旅》（Journey to Speed）紀綠片！

Photo from 《吳彥祖的速度之旅》（Journey to Speed）

# 已加入美國賽車隊伍

吳彥祖因為曾經喺IG上載自己賽車嘅成績，而受到賽車隊伍嘅邀請，至今已經參加咗6場團體比賽，「暫時我哋總成績排第二位，希望可以一直保持！」佢亦透露年底將會同團隊一齊挑戰『Thunderhill Raceway』賽事，需要連續25小時持續比賽，非常考驗意志力，「希望大家睇完呢套紀錄片，可以見到另一面嘅我。」

Photo from 《吳彥祖的速度之旅》（Journey to Speed）

Photo from 《吳彥祖的速度之旅》（Journey to Speed）

# 家人並冇阻止追夢！

由於賽車屬於比較危險嘅活動，當被問到老婆Lisa S有冇因此而阻止佢嘅賽車夢時，佢就表示老婆並冇特別意見「其實賽車係快，但唔算危險。相比Lisa騎馬，得個頭盔完全冇保護，所以Lisa 無特別意見。」

Photo from Lisa S IG

Photo from 《吳彥祖的速度之旅》（Journey to Speed）

# 預計等多1年先會拍戲！

另外，佢亦話只要有戲拍就會返香港，不過因為抵受唔住21日隔離，所以可能要等多1年先會拍返戲喇；仲話自己平時冇機會講廣東話，所以講得冇以前咁流利，但由於賽車嘅對手咁啱係香港人，所以就可以趁機練習一下！

Photo from 吳彥祖IG

相關文章：吳彥祖髮線上移變甩毛男神？陳冠希/余文樂齊齊變大叔？盤點 5 位昔日高顏值男星

相關文章：吳彥祖《除暴》大方騷肌　為新戲密集特訓兼戒口！每日四餐都食雞胸肉

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

46歲吳彥祖回春再現男神樣！髮線後移但顏值依舊爆燈

16 Apr , 2021

吳彥祖（Daniel）啱啱出道時獲封「男神」，不過隨住年紀越大，男神都開始「崩壞」，髮線向上移，外貌更被指似大叔。近日有網民晒出同吳彥祖嘅合照，男神似乎回春，型佬味返晒嚟！

Photo from 吳彥祖微博

吳彥祖今年46歲，當年佢拍《美少年之戀》絕對迷倒萬千少女，一入行已經係一代男神，更係公認嘅美男子。

Photo from 《美少年之戀》

不過近年吳彥祖多次被拍到髮線後移，似有中年禿頭危機，加上外貌鬚根未剃，成個人顯得憔悴滄桑，似乎已經從男神變成大叔。

Photo from 吳彥祖IG

Photo from 吳彥祖IG

Photo from 吳彥祖IG

吳彥祖本人都曾經喺IG公開佢16歲時嘅舊照，更留言稱：「I wish I had all that hair back.（我想要返嗰陣時嘅頭髮！）」，睇嚟頭髮稀疏真係男人最痛！

Photo from 吳彥祖IG

不過近日有網友「野生捕獲」吳彥祖，並公開合照，大讚吳彥祖好nice好有禮貌！網友又指吳彥祖老婆Lisa S.都超有禮貌，身材又好、非常有氣質，戴咗口罩都感受到超模氣場。

Photo from 小紅書

吳彥祖雖然髮線都好後，但明顯個人精神好多，比起之前滄桑面容「回春」不少，就算網友用咗filter，都睇得出男神狀態唔錯～

Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）