女友想辭職做譚仔姐姐！ 港男認為冇前景 網民卻力撐女友？
Photo from 譚仔米線廣告
# 女友想做「譚仔姐姐」！
唔少情侶都會就未來嘅規劃而有唔同嘅睇法，需要透過溝通同協調先可以令關係繼續維持落去！日前，有位港男話女友居然突然同佢講想做譚仔姐姐，令佢嚇咗一跳，並以「女朋友話想做譚仔姐姐，點勸佢好？」為題目開post。
Photo from 連登討論區
# 女友一直都抱怨現有工作！
港男表示女友本身喺一間公司做文員，月薪14K，難升職又冇咩發展前景，所以經常都向佢抱怨想轉行，不過佢都會勸喻「諗到做咩先轉啦！」。另一方面，女友一直都搵緊工，不過就冇咩消息。
Photo from TVB
# 預備遞交辭職信！
有一次，女友突然同佢講「不如去做譚仔」，而港男就覺得女友只係講下，所以就一笑置之。直到兩人約會嘅時候，女友從第二個地區嚟搵佢，佢好奇詢問「去嗰度做咩？」，女友就回應「我去咗譚仔見工，係咪好驚喜！」，令佢嚇咗一跳！
Photo from TVB
# 港男不理解女友
女友隨即補充自己第二日返工就會遞辭職信，並於一個月後去譚仔返工做樓面！港男好愕然咁話「咁後生做乜譚仔姐姐啊？！」，女友聽到後好似有少少嬲，而兩人當日都冇再提及過呢個話題。返到屋企後，港男就收到女友嘅訊息「I am譚仔小姐，not姐姐」，睇嚟女友十分期待新工作！
Photo from 譚仔米線廣告
# 解釋反對原因！
港男就解釋「反對」嘅原因，認為大學畢業嘅女友值得搵到前景更加好嘅工作，而且譚仔姐姐好少有比較後生嘅女仔做，驚佢到時候會被身邊嘅人笑！
Photo from TVB
# 大部分網民力撐女友！
呢個post好快就引起網民熱議！大部分網民都表示支持女友，認為佢靠自己努力工作，非常值得欣賞；亦有網民話「其實做譚仔好好賺！」入職就有20K，仲建議港男都應該轉工！
Photo from 連登討論區
# 網民：仲有好多更加有前景嘅工作！
但有網民就同意港男嘅睇法，認為做譚仔姐姐嘅前景唔一定係好，覺得既然要轉工就要搵到能夠增值自己嘅新工作；有網民就認為港男唔需要勸喻女友，認為只要女友體驗過「譚仔姐姐」嘅工作之後可能就會有另一番領悟！
Photo from 連登討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男大呻女友好廢好懶 唔搵工反指男方打工都唔會發達！
22 Oct , 2021
Photo from 《青春，半生不熟》
港男大呻女友好廢好懶
最近，一名27歲港男到連登討論區發文，表示經朋友介紹認識，24歲嘅女友好難頂，佢形容女友每日睡到中午後便叫外賣，然後數小時都「人間蒸發」唔覆訊息，港男估計女友食完飯又立即瞓返。
Photo from 《青春，半生不熟》
港男又稱，女友成日淨係識瀏覽IG「睇埋d無腦嘢」，又send其飼養嘅寵物相畀佢。港男又不滿每次勸女友搵工都被敷衍，「叫佢搵工佢就hea我，求其send幾份CV出去。」港男指，如果自己繼續，女友就會發脾氣反指佢：「你打份工都唔會發達，唔好煩住我。」
Photo from McDonald's: 大姜的愛
港男有感同女友傾唔埋，好想飛咗佢
港男表示，佢正喺一間銀行做訓練生，有工作生活嘅佢直言平時同女友交談猶如「對牛彈琴」，更直指頂唔順女友，好想同佢分手。同時，佢認為女人無上進心都一樣咁難頂。
Photo from 香港愛情故事
Photo from 連登討論區
不少網民都同意港男嘅女友「難頂」，認為女友表現反映佢不懂為自己人生負責。
Photo from 《青春，半生不熟》
Photo from 連登討論區
網民分成2派：有手有腳憑咩要人養 vs 有錢享受人生做咩要返工？
有網民反問：「講到自己做銀行咁叻豬，連自己條女都養唔起？」、「養唔起就咪溝人啦~」 對此，港男回應：「點解要養，佢而家殘廢？」回覆獲數千正評。
Photo from 連登討論區
有網民表示，唔知點解有啲香港人好奇怪，覺得唔養女友，或養唔到女友就係廢。亦有人附和：「除非你話個女仔照顧晒你起居飲食就話姐，有手有腳點解要養？」、「我都唔明點解男奉旨要養女，咩年代？」
Photo from 連登討論區
但另一邊廂，有網民覺得女友可能係有家底嘅人，表示：「人地有家底住幾千萬豪宅又話你知咩？如果你有幾千萬既話咪又係選擇過退休生活~」對此，港男指長期唔返工會令人與社會脫節，所以唔係金錢問題，而係關乎做人態度問題。
Photo from 《螢之光》
然後，有網友指，本來認同事主，但聽到上述留言就覺得事主「奴性太重」，又言：「有錢唔洗返工有大把時間培養興趣、學嘢，返工只係浪費時間。」事主對此則表示。女友無咩興趣可言，「咪又係日日瞓到晏晝睇下啲無腦野~」
Photo from 連登討論區
有網民認為女友問題唔係唔返工，而係「無細藝」
有網民看完以上留言，就認為港男事主「錯重點」，佢不應指摘女友唔返工，而係應該批評佢無細藝。
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
