![$1做外賣App會員真係咁抵? 小編教你慳到盡攻略](https://image.presslogic.com/holiday.presslogic.com/wp-content/uploads/2021/11/cc0679cc.jpg?auto=format&w=718)
$1做外賣App會員真係咁抵? 小編教你慳到盡攻略
「晏晝食咩好」永遠都係千古難題!萬一撞上OT高峰期,一日要諗足三餐,真係會懷疑人生!所以小編為求慳返啲腦力,就經常用外賣App,邊間著數就嗌邊間!而最近咁多瘋癲優惠之中,居然有個App聲稱只係$1月費,優惠一蘿蘿,係真唔係啊?一於等我出手,幫大家實測一下!
身為嗌外賣達人(繼續強調),小編最關心就係運費,畢竟餐餐畀多十幾蚊加埋就好襟計。今次Deliveroo Plus主打畀「1蚊」月費就可以單單免運費、每月袋袋平安$60生活百貨禮券、外賣自取9折、同一間指定餐廳第4次落單仲可以即減$85!用1蚊就買到咁多著數,聽落去的確好抵咁,但真相係點都要等小編自己用過先知,係咪嗌足全日、嗌邊間都咁抵先?出實測結果之前,先畀大家睇睇當日時間表作參考(小編每日真係面對好多疑惑同難題!)
#第一餐:喺冇任何條件之下第一餐已經免運費,仲全單8折!
今日大家要出去拍攝好忙,決定食啲最邪惡嘅美食-炸雞嚟獎勵自己!餐廳仲要有全單8折,連埋免運費,總共慳咗$63.6!
#第二餐繼續免運費,用埋$60生活百貨禮券,完美地攞盡著數
弊!拍拍下嘢先醒起,唔記得咗買聽日影嘢用嘅紅酒,好在登記做Deliveroo Plus會員時,送咗$60生活百貨禮券(買滿$150就可以當$30用呀!),即刻攞嚟入貨,再慳$60!而拍嘢期間梗係要有杯珍珠奶茶振奮下士氣啦~買晒成條team嘅同事份量,第二張單都繼續免運費,連埋商戶9折優惠同埋買props嘅生活百貨禮券,計計條數已經勁慳$87.7!
#第三餐:免運費冇quota限制,晚餐7折繼續霸氣豪嗌!
OT當然走唔甩,唯有早啲嗌定外賣,一路食一路做~晏晝食完韓國嘢,今晚就豪食日本嘢,叫個「壽喜燒牛肉烏冬」、「咖哩吉列豬扒丼」再加多碟「日式炸餃子」,叫三樣食物都唔使$150,免咗$16運費之餘,另外餐廳有7折優惠,加埋足足慳咗$71.8,超抵!
#慳錢總數大揭秘:即嗌即回本兼懶人練成大法~
實測當日由頭食到晚,都係用Deliveroo Plus嗌外賣同埋買props,幫大家round up計過,就咁用一日已經勁慳$223.1!由於小編工作繁忙,既然官方宣稱單單免運費,小編就坐等有專人餐餐送上門,超慳時間又方便,但如果用埋外賣自取9折相信會更加抵。
而用$1成功升級會員,除咗超級抵之外,最驚喜嘅係嗌戶戶嘗餐廳叫滿$150三次,第4餐就送$85。作為幫大家嗌飯嘅外賣大使,呢個會員限定功能簡直就係最強慳家攻略,小編真心強推大家試用~嚟緊任何gathering/party用嚟買小食,大家唔駛再畀運費綁手綁腳,可以盡情嗌(相信懶人就係咁練成)!
$1升級Deliveroo Plus傳送門:
最後最後,睇完覺得好抵,好想即刻升級?雖然係$1咁大把,但作為消費者都想了解下有冇咩常見問題要留意,而細心嘅小編知大家忙,所以已經幫大家整理咗個問題大集合,等大家唔使四出跪求答案!
Q1. $1升級Deliveroo Plus會籍優惠有效至幾時?
優惠有效期至2022年1月4日。$1月費只適用於首次登記Deliveroo Plus會員之客戶。訂單須滿$100 方可免運費。
Q2. Deliveroo Plus會籍可唔可以即時取消?
會籍以訂閱形式自動續會,兩個月後每月費用為$98,你可以隨時取消。優惠受條款及細則約束。
Q3. 每月$60生活百貨優惠有效至幾時?
每月$60生活百貨優惠只適用於Plus會員購買生活百貨。兩次滿$150即減$30。每月優惠碼會在App內顯示。優惠有效至31/12/21。詳細條款及細則請瀏覽 deliveroo.hk/legal。
Q4. 外賣自取有冇設最低訂購額?
外賣自取9折優惠只適用於指定商戶,更絕無最低訂購額,另可尊享多間餐廳獨家折扣!
Text: HolidaySmart Editorial
Photo from: Deliveroo Plus
Featured for: Deliveroo Plus