許紹雄複式豪宅+特大泳池曝光！財力豐厚?!新加坡都有價值2千萬豪宅

前TVB藝人許紹雄（Benz雄）近年已經鮮少出現於螢光幕前，並移居到新加坡。最近，佢就回港見證女兒接受求婚嘅人生大事，仲無意中咁曝光咗佢喺香港嘅豪宅內部！

Photo from 許紹雄IG

# 2018年移居新加坡

現年73歲嘅許紹雄（Benz雄）係十分為人熟悉嘅「綠葉演員」，參與多部電視劇以及電影，曾獲提名《第19屆香港電影金像獎》「最佳男配角」，演技實力備受肯定！直到2018年，佢同TVB約滿後離巢，但就表示有機會以「自由身」形式回巢拍攝，隨後佢就移居新加坡。

Photo from TVB

Photo from TVB

# 花大筆金錢買豪宅+幫助囡囡開咖啡店！

許紹雄只有非常疼愛獨生女許惠菁（Charmaine），仲喺新加坡豪花大約$400萬新加坡幣（逾2,300萬港幣）買下面積約4,000呎嘅3層半豪宅，有傳豪宅仲係歸囡囡名下！而佢今年初仲花費大約百萬港幣俾囡囡於新加坡開coffee shop做生意，絕對係「廿四孝爸爸」啊～

Photo from 許紹雄IG

Photo from 許紹雄IG

# 原來香港都有豪宅？！

近日，許紹雄就同囡囡Charmaine一齊返港渡過生日，期間佢仲親自見證Charmine 被男友Shane求婚嘅過程「大個女啦訂婚啦」，亦有唔少藝人朋友於IG留言表示祝福；而從佢IG上載嘅照片就唔小心曝光咗香港嘅豪宅內部！

Photo from 許紹雄IG

Photo from 許惠菁IG

# 生日邀請朋友到豪宅作客！

由於許紹雄剛剛迎來73歲生日，所以佢就邀請唔少藝人朋友喺屋企聚會，只見複式豪宅內部以白色嘅簡約設計為主。而飯廳嘅櫃就擺滿咗好多唔同嘅酒同玻璃酒杯，相信佢應該經常都邀請朋友喺屋企開party喇～

Photo from 黎芷珊IG

Photo from 許惠菁IG

# 空間超大 能同時容納多位朋友！

而廚房就設計成開放式廚房，令空間感睇落更加大，而且仲可以邀請買朋友坐喺廚房嘅bar枱享受美食，非常chill~

Photo from 許紹雄IG

# 豪宅內仲有游泳池！

不過相信許昭雄一家最鍾意嘅就係豪宅內嘅游泳池喇！因為佢哋經常都會喺嗰度影相，大時大節亦會非常用心裝飾泳池，就連囡囡Charmaine男友都選擇喺泳池邊求婚啊！

Photo from 許紹雄IG

Photo from 許紹雄IG

# Benz雄稱號嘅由來！

其實許昭雄自小家境就算唔錯，有指佢家族係當年廣州第一望族，最鼎盛嘅時期就佔據咗廣州最繁華嘅路段！而佢入行以來一直都係揸住Benz返工，所以就獲得「Benz雄」呢個稱號。

Photo from 許紹雄IG

Photo from 許紹雄IG

Photo from 許紹雄IG

相關文章：《大叔的愛》黃德斌鬍鬚婚紗look超震撼！TVB綠葉轉投ViuTV發光發亮！形象大不同

相關文章：61歲綠葉王艾威與妻結束18年婚姻！曾花光積蓄為太太做手術醫病

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「TVB御用惡人」林敬剛北上發展超成功 開設200畝柑園 成為「陳皮大王」!

28 Oct , 2021

現年51歲嘅林敬剛係TVB嘅「御用惡人」，大多飾演配角角色。近年，佢就決定北上發展拓展自己嘅事業。最近，佢就喺社交媒體上分享自己位於內地嘅柑園，佔地十分之大，一年嘅生產量足足有160萬斤咁多！

Photo from 林敬剛微博

# 入行27年！

林敬剛於1994年加入TVB，入行多年曾經參與多部電視劇拍攝，不過就大多數都係飾演閒角，而且絕大部分都係惡人角色，因此而被網民封為「TVB御用惡人」！

Photo from 林敬剛微博

Photo from 林敬剛微博

# 憑《鐵探》獲網民大讚！

直到2019年，林敬剛終於憑著電視劇《鐵探》越南幫手下「阿喱」一角有所發揮，開始令觀眾留意到佢！而唔少網民睇完該劇集後，仲表示對佢嘅演技實力另眼相看，奈何卻不受TVB重用！近呢幾年，林敬剛就開始北上發展以及定居，尋求更多嘅發展機會。

Photo from TVB

Photo from TVB

# 成為萬梓良第4位徒弟！

早前，佢就獲邀同萬梓良合作拍攝內地電影《創業大贏家》。喺開鏡儀式嘅時候，佢仲突然跪地拜對方為師，而萬梓良仲話「TVB唔用你就我用你！」，似乎非常疼愛呢位新徒弟，並幫佢賜名為「林犇」！據悉，萬梓良事後仲俾咗人民幣1萬蚊佢作為見面禮，而林敬剛已經係佢嘅第4位徒弟。

Photo from 林敬剛微博

Photo from 微博

# 內地開柑園！

除咗演藝事業上嘅發展，林敬剛開始著手於內地發展佢嘅副業。佢已經喺家鄉新會開設咗一座柑園，並另外開咗一間舖頭售賣當地嘅農產品同埋陳皮，而佢就抖音向網民們分享自己嘅果園！

Photo from 林敬剛抖音

Photo from 林敬剛抖音

# 變成「陳皮大王」！

從林敬剛嘅介紹影片中所見，柑園佔地約200畝，而一年嘅總生產量有160萬咁多，網民都稱呼佢為「陳皮大王」！而佢仲大方分享陳皮嘅收成過程，指大紅柑要等到11月先有得睇，到時候就可以立刻收割，製作成陳皮。睇嚟佢北上之後嘅事業發展十分唔錯呢～

Photo from 林敬剛抖音

Photo from 林敬剛微博

相關文章：佘詩曼御用TVB國語配音員曝光！原來是氣質美女　胡定欣、李施嬅等多個經典角色都係佢配

相關文章：《反黑路人甲》朱敏瀚入行10年！操肌變大隻仔撇甩「御用細佬」形象

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）