梅艷芳電影｜內地歌手伍珂玥攜CD懷緬梅姐！楊千嬅面色尷尬疑踢爆係老翻？！
Photo from 電影梅艷芳微博
電影《梅艷芳》主演王丹妮、楊千嬅走遍內地城市宣傳新戲
為宣傳電影，主演王丹妮、楊千嬅等連日嚟走遍各大城市，而自細就中意梅姐嘅內地女歌手伍珂玥亦有同行，其中喺深圳站，伍珂玥睇電影期間更忍唔住落淚。
Photo from 電影梅艷芳微博
Photo from 電影梅艷芳微博
Photo from 電影梅艷芳微博
佢表示梅姐係佢嘅童年回憶，亦係音樂道路上嘅引路人，伍珂玥指喺成長過程中遇到困難時，梅姐給予佢唔少力量。
Photo from 電影梅艷芳微博
內地女歌手伍珂玥攜大量珍藏CD上台懷緬梅艷芳
而喺廣州站，伍珂玥更親自帶埋自己珍藏嘅梅姐唱片上台分享，佢表示梅姐係佢嘅偶像，有啲CD甚至比佢年紀更大，又稱屋企有梅姐嘅CD係一年值得引以為榮嘅事，仲話當時嘅鄰居都會借嚟聽。
Photo from 電影梅艷芳微博
Photo from 電影梅艷芳微博
楊千嬅拎住梅艷芳CD表情尷尬，疑揭伍珂玥珍藏唱片為老翻
而企喺伍珂玥旁邊嘅楊千嬅就接過佢手上嘅梅姐唱片，一開始千嬅表示：「很有歲月痕跡！」，不過睇睇下千嬅表情越嚟越尷尬，不停細看手上嘅CD，又同電影監製江志強一齊「研究」。
Photo from 電影梅艷芳微博
Photo from 電影梅艷芳微博
Photo from 電影梅艷芳微博
千嬅細細聲講：「好耐㗎喎」，千嬅之後雖然有點頭回應伍珂玥表示好中意梅姐嘅言論，但仍然難掩錯愕神情。有眼利網友懷疑有關嘅珍藏並非梅艷芳嘅正版唱片：「羅湖D老翻」
Photo from 電影梅艷芳微博
Photo from Facebook
伍珂玥係《2021中國好聲音》總冠軍，導師為李克勤
伍珂玥今年23歲，出生於廣東台山，自稱係梅艷芳忠實fans，佢參加咗《2021中國好聲音》，首輪就演唱偶像梅艷芳歌曲《蔓珠莎華》，更獲得所有導師轉身。
Photo from 伍珂玥微博
Photo from 伍珂玥微博
佢指自己自細已好中意聽粵語流行曲，之後加入導師李克勤嘅戰隊，喺總決賽合唱《月半小夜曲》同獨唱《最愛》，最終更贏埋「年度總冠軍」。
Photo from 伍珂玥微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Do姐分享當年同梅艷芳合作小事 大讚有義氣 上節目咩都答：問乜都得！
26 Jan 2021
Do姐喺電台節目《口水多過浪花》中回憶起當年同梅艷芳（梅姐）合作嘅往事，Do姐話同梅姐唔熟，但非常欣賞對方。
Photo from 鄭裕玲IG
Do姐嘅個人節目《鄭裕玲星夜傾情》請嚟梅姐做第一位嘉賓，Do姐提到同梅姐唔熟，驚問啲嘢會得罪對方，於是問梅姐有無啲咩係唔問得。
Photo from 《鄭裕玲星夜傾情》
Photo from 《鄭裕玲星夜傾情》
點知梅姐超豪爽表示任問唔嬲：「千祈唔好諗呢樣嘢DoDo！個節目你㗎嘛，我上得嚟我梗係咩都答啦，你唔洗話我聽你會問乜，問乜嘢都得！」
Photo from 《鄭裕玲星夜傾情》
Do姐指佢同梅姐係兩個世界嘅人，梅姐中意出去帶埋一大班人開心，成個大家姐咁，好有義氣。梅姐出去玩嘅時候，Do姐已經瞓咗，但唔影響Do姐對梅姐嘅欣賞：「我覺得佢係一個無得頂嘅藝人！我已經好有好感，好Respect！」
Photo from 《鄭裕玲星夜傾情》
Do姐同梅姐仲有合作拍戲《賭聖延續篇：賭霸》，Do姐提到梅姐係佢拍戲咁多年以嚟，示範做戲好過演員嘅一位！
Photo from 《賭聖延續篇：賭霸》
Photo from 《賭聖延續篇：賭霸》
Do姐盛讚梅姐「真係好好」，指對方熱愛做呢行，包括唱歌、做戲，感到好有幸同佢合作拍戲。
Photo from 《賭聖延續篇：賭霸》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
