全民造星4｜選女團被嫌唔揀靚女！醫生咖喱被淘汰！網民：復活區啲女正過贏咗嗰啲
Photo from ViuTV
ViuTV《全民造星4》評判引網友不滿
《全民造星4》首次採用「1對1 battle」嘅形式選出入圍60強嘅參賽者，而被淘汰嘅女生就會跌入復活區，等待導師梁祖堯或許庭鏗之後再揀返佢哋入組。
Photo from ViuTV
雖然1對1對決仲未播晒，但連日嚟有唔少網友不滿評判嘅評語太溫和，唔夠直接，又指佢哋揀人嘅標準有問題，亮燈嘅參賽者都唔適合加入女團。
Photo from ViuTV
《全民造星4》唔少靚女參賽者未能入圍，連登網友批評判唔揀靚女
今季《全民造星4》有唔少靚女參加，喺節目播出前已因為美貌而成為熱話，甚至獲封「大熱」，好似年僅16歲嘅「阿妹（黃敏蕎）」，仲有Candy Wong（王家晴）同Ivy So（蘇雅琳）等。
Photo from ViuTV
但係唔少靚女最終都未能入選，令網友質疑節目組係咪忘記初心，連登討論區有網民開post「(全民造星) 其實Viutv係咪唔記得女團係要揀靚女」，呢位網友直言女團要嘅靚女全部輸哂：「復活區啲女仲正過贏咗嗰啲」
Photo from lihkg
佢表示觀眾寧願睇啲唔勁嘅靚女：「女團就係睇靚女嫁啦！要聽歌我聽欣宜、Serrini唔好？」，唔少網友都同意佢嘅睇法，個post正評已突破1,000！
Photo from ViuTV
網友質疑入圍參賽者唔符合「女團」標準
新一集Rapper Karen（余嘉熙）同獨立唱作歌手Sinnie（吳倩怡）嘅比拼中，Karen因為表演Rap，令Donald覺得未有人表演過：「無理由唔揀」，但唔少網友都認為樣子甜美啲Sinnie更適合女團。
Photo from ViuTV
Photo from ViuTV
Photo from ViuTV
Photo from lihkg
之後穎喬同Yanny嘅對決中，網民亦較中意表演跳舞嘅Yanny，但最終入圍嘅卻係穎喬。第三場由醫生「咖喱」（黃雅慧）對跳現代舞出身嘅Hannah（陳玉幸）。
Photo from ViuTV
Photo from ViuTV
Photo from ViuTV
Photo from ViuTV
醫生「咖喱」（黃雅慧）獲網民激讚但被淘汰
「咖喱」都係大熱之一，唔止幫節目組照顧唔舒服嘅參賽者，為人亦十分有義氣，喺好友爆喊嘅時候，佢為免好友感到難堪，勇敢咁阻住《全民造星4》節目組拍攝朋友落淚嘅情況，事後花姐指作為真人騷，有必要拍攝晒台前幕後所有嘅一分一秒，而影佢好朋友喊都可能會幫到對方。
Photo from ViuTV女
Photo from ViuTV
Photo from ViuTV
Photo from ViuTV
Photo from ViuTV
雖然咖喱之後都表示覺得自己阻礙到拍攝，但好多網友都力撐佢心地好好，關心朋友，係女團隊長嘅人選！佢同表演現代舞嘅Hannah係完全唔同style，咖喱準備跳唱係較似女團嘅表演，而Hannah嘅表演就感覺專業、藝術啲。
Photo from ViuTV
Photo from ViuTV
Photo from ViuTV
咖喱比現代舞Hannah更適合女團？
Hannah表示希望證明到香港女團可以行藝術路線，最終佢亦成功入圍，而咖喱則跌入復活區。網友認為咖喱先係更好嘅女團候選人，Hannah表演嘅現代舞雖然好睇，但只會睇一兩次：「擺現代舞嘅藝術家入女團，只會格格不入」
Photo from ViuTV
Photo from ViuTV
網友指：「今屆評判專門foul走適合做女團的人，一班騎呢怪就入晒」，又表示唔係話要極靚嘅女仔先入得女團，但起碼全部都要五官端正、順眼，又以Super Girls做例子：「Super Girls當年最紅都係唱歌最差、跳舞最差，但個樣最靚嘅Heidi啦」
Photo from ViuTV
Photo from ViuTV
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
全民造星4｜子涓反口再做女團！網友鬧爆梁祖堯偏幫！逼許廷鏗揀子涓
3 Nov 2021
ViuTV《全民造星4》新一集唔少參賽者掀熱議，除咗史上最年輕參賽者16歲嘅燒賣同阿妹對決之外，女團Bingo前成員子涓曾喺《全民造星3》大呻唔想做女團但今次再參賽引質疑，而且導師梁祖堯亦被指有偏幫。
Photo from ViuTV
《全民造星》16歲對決！燒賣與阿妹觀眾緣極佳
ViuTV皇牌節目《全民造星》系列新一季正式播出，最新一集有更多參賽者出場，今年大搞一對一對決，除咗第一集嘅港日混血兒莎莎同中大醫科生阿Wing外，今集又有搞笑出位嘅Emi同排舞師Jolin等。
Photo from ViuTV
其中最引人注目嘅就係《造星》史上最年輕參賽者燒賣（曾業喬）同阿妹（黃敏蕎）嘅對決，兩人都係得16歲，燒賣可愛外型吸引唔少幕後工作人員支持，更成立「燒賣關注組」，而靚女阿妹就憑超正package獲花姐睇好。
Photo from ViuTV
Photo from ViuTV
Photo from 阿妹 IG
雖然燒賣指父母唔支持佢參賽，但佢哋約法三章下終於成功出演！燒賣喺對決中勝出，但兩位導師都無即時撳燈，梁祖堯抱怨：「呢啲實畀我啦！」花姐即安慰：「唔好嬲，燒賣都ok啊！」，阿祖表示佢擔心燒賣要面對學業、家人會令佢分心，但最終都撳燈揀咗燒賣：「係我揀㗎，唔係你哋畀！」，不過佢都讚燒賣好有才華。
Photo from ViuTV
Photo from ViuTV
Photo from ViuTV
Photo from ViuTV
阿妹黃敏蕎樣靚身材高眺，IG大晒童年照
至於靚爆鏡阿妹表演唱歌，可惜不敵活潑嘅燒賣，落入淘汰區，但樣靚身材高眺嘅佢觀眾緣爆燈！唔少網民都希望佢最後可以復活入圍。
Photo from 阿妹 IG
年僅16歲嘅阿妹樣子甜美，獲花姐、導師大讚佢有女團潛質，阿妹IG（hsiaksueudidi）現已突破22k followers，佢嘅自拍唔算多，校服照、童年照，有部分仲係佢同可愛細佬嘅合照，睇嚟身高170cm嘅阿妹絕對係個好家姐！
Photo from 阿妹 IG
子涓參加《造星3》呻唔中意女團，再挑戰《造星4》被花姐質疑
阿妹勁好緣眾緣但可惜去咗淘汰區，而曾經參加《全民造星3》嘅子涓（夏子娟）嘅入圍就引起部分網民不滿！原來出身女團Bingo嘅子涓喺參加《造星3》時就大呻自己唔中意女團，想單飛活動，所以退出組合。
Photo from ViuTV
但《全民造星4》呢個開宗明義「選女團」嘅節目，子涓竟然再次報名！花姐喺面試時質疑佢反口又想做女團，子涓解釋佢上次出演《造星3》時同其他女參賽者合作、相處得十分愉快，佢表示發現咗原來喺香港仲有一班女仔係同佢有相同理念。
Photo from ViuTV
Photo from ViuTV
雖然花姐問佢點解又返轉頭玩女團，但子涓一表演佢即指：「佢係有資格女團出道。」，女團經理人阿Wing都表示同意。不過子涓嘅講法似乎就得唔到觀眾認同。
Photo from ViuTV
網友不滿子涓反口：佢完全無觀眾緣
新一集播出後，大批網友喺ViuTV Facebook度留言指子涓完全無觀眾緣：「以子娟嘅觀眾緣，入咗女團之後，恐怕會拖累到成團人嘅發展喎」、「子涓再參賽，對其他人公平咩？」
Photo from ViuTV
Photo from ViuTV
亦有網友表示佢自己明明話唔中意女團仲貼錢退出Bingo，依家又反口，根本就係見ViuTV推男團成功想分一杯羹：「分明以前女團時覺得自己好勁就走人，但撈唔掂，見Mirror 咁掂而家又想R番入女團」
Photo from ViuTV
Photo from ViuTV
網友直言梁祖堯逼許廷鏗揀子涓
子涓參加《造星3》係林二汶導師嗰組，當時梁祖堯同二汶自封爸爸媽媽，所以佢見到子涓再出演《造星4》即表現到十分期待，子涓未表演佢已同林二汶商量為咗畀子涓學到更多嘢就要佢加入許廷鏗嗰組。
Photo from ViuTV
Photo from ViuTV
梁祖堯又同許廷鏗講：「如果子涓入咗你唔係即刻撳嘅話，我同林二汶都會嬲你」，有網民就認為阿祖逼許廷鏗揀子涓：「Alfred麻麻地佢，又要被逼要」，質疑導師有偏私。
Photo from ViuTV
Photo from ViuTV
Photo from ViuTV
Photo from lihkg
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
