年輕男同事新居入伙瘋狂曬命 激怒同事被踢爆：女友係有錢阿姨!

相信好多人都唔太鍾意愛炫富嘅人，認為佢哋非常自大。最近，有位網民就喺討論區表示同事因為新居入伙，而邀請一大班同事一齊去佢屋企BBQ，不過同事就不停「曬命」，搞到其中一位同事忍唔住大爆，係全靠「姨姨」先可以享受呢種生活？！

Photo from TVB

# 網民無意中得知男同事秘密！

打工仔返工忙碌，唔少人都經常會大呻「好希望唔使做啊！」日前，有位網民就因為參與咗同事嘅新居入伙排隊，而意外得知同事嘅秘密，搞到而家喺公司見到佢覺得好尷尬。

Photo from 香港討論區

# 年輕男同事邀請同事去佢屋企BBQ！

該網民表示呢位男同事啱啱搬咗去村屋住，租2樓至天台，所以就邀請一班同事去佢屋企BBQ。其他同事出於好奇就詢問男同事「咁樣租唔會好貴咩？」，佢就話唔會，只不過係交通上比較唔方便，所以遲啲仲想買返㗎車返工用！

Photo from TVB

# 認為男同事應該家境唔錯！

網民聽完之後，就覺得呢位男同事應該係「靠父幹」。因為佢年紀輕輕，而且入職只係得1年幾，未有升過職，所以推測佢嘅月薪一定唔過$3萬。

Photo from TVB

# 男同事有錢真正原因！

喺舉行BBQ派對期間，男同事就開始不停「曬命」，樓主就表示自己非常專注燒嘢食，所以並冇聽到大致上嘅內容，不過相信都係晒自己住屋以及日常生活為主。突然間，一位最近離婚嘅同事就好激動咁鬧佢「點解你仲可以喺度曬命？明明你都係靠啲有錢阿姨做靠山所以而家先可以過到啲比較好嘅生活！廿幾歲仔就要用呢啲手段仲覺得自己好興香？」

Photo from TVB

Photo from TVB

# 女友係一位姨姨？

原本熱鬧嘅派對氣氛頓時變得十分尷尬，大家都嚇到目瞪口呆。原來呢位剛剛離婚嘅同事曾經喺街上撞破男同事拖住「姨姨」行街，而且兩人行為非常親暱，絕對唔會係母子關係！而嗰位男同事聽到之後面紅晒，冇再同大家分享佢嘅「偉蹟」。

Photo from TVB

# 網民：炫富好討厭！

唔少網民認為年輕男同事能夠認識到一位「姨姨」係佢嘅本事，大家可能只係「各取所需」，而且兩人有可能係真愛；不過亦有網民覺得就算佢係變得有錢，都唔應該周圍曬命，好容易令身邊嘅人討厭佢！

Photo from 香港討論區

Photo from TVB

# 有網民覺得男同事慘被曝光私生活！

相反，有網民就覺得男同事其實都並非真係好有錢，明明仲有好多人經常揸名車、買名牌等，認為佢並非「曬命」！而且離咗婚嘅同事亦唔應該無緣無故將人哋嘅感情私隱曝光，係好唔無禮貌嘅行為！

Photo from 香港討論區

相關文章：女同事主動出擊追求港男 晚晚傳簡訊 網民勸喻：伏味濃!

相關文章：同事office唔戴口罩被報串！「辦公室應否戴口罩」引網友熱議！自私vs無問題

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男呻同事搞曖昧拉佢做「電燈膽」！食飯三人行感尷尬！網民揭或另有驚人真相

21 Sep , 2021

「能承認嗎？我怕了當那電燈膽」做電燈膽的確會令人十分尷尬，近日有網友喺討論區發文指喺公司有同事曖昧都要「拖佢落水」，令佢大感困擾，唔想再三人行而同網友訴苦，但就被網民指出佢忽略嘅可能性，令佢嚇一跳！

Photo from TVB

港男發現公司同事曖昧中

有網民喺連登討論區開post，佢表示本身公司嘅同事大家年紀差唔多，平時都會一齊食飯、一齊玩，而佢同其中一男一女特別好傾，所以變熟咗，由同事變朋友。

Photo from ViuTV

Photo from ViuTV

本來喺公司與同事相處得好係一件好事，但樓主近日發現嗰一男一女同事好似正在曖昧中，但仍然成日叫埋樓主一齊去食飯，令佢感到尷尬。

Photo from TVB

樓主表示佢觀察到男同事分明係對嗰位女同事有意思，有心想追求佢，成日都讚嗰位女同事好cute。

Photo from TVB

同事約3人行一齊食飯，港男自覺做「電燈膽」感尷尬

樓主都好識做，諗住畀啲空間兩位同事，由得佢哋發展，開始唔join佢哋食lunch，但點知佢哋仲係周不時會叫埋樓主一齊食飯，樓主非常無奈：「就算我遲放飯都特登等埋」

Photo from TVB

Photo from TVB

對於同曖昧中嘅同事一齊食飯，樓主覺得好不便：「大佬講真比晒位你入就去馬啦，成日預埋我做電燈膽做乜，究竟我喺呢個組合入面有咩作用」

Photo from TVB

網民指男同事其實想追求港男！現實版《大叔的愛》？！

唔少留言都叫樓主嫌煩嘅不如主動出擊，追求嗰位女同事，但樓主就指「唔想湊女，不了」，佢其後終於忍唔住問咗男同事究竟係咪鍾意個女仔，點知男同事竟然話唔係，樓主疑惑：「咁啲曖昧係做乜」

Photo from lihkg

Photo from lihkg

Photo from TVB

有網友就指可能男同事追求對象其實根本唔係女同事，而係樓主！女同事先係「電燈膽」！樓主曾提及自己「以前比人話似女人樣，近年少左」，好多留言都認同男同事係「扮溝女」，令樓主大為震驚。

Photo from ViuTV

Photo from lihkg

Photo from lihkg

Photo from lihkg

相關文章：港女放工被毒男同事追落港鐵 不滿被誤會收兵 網民：「唔係兵，係痴漢！」

相關文章：女同事經常分享食物 港男日久生情 心痛各自有伴侶 網民：以為你無錢開飯咋！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）