阿儀薛影儀IG新相表情引連登網民關注！斥公司為錢無人性：好似扯線公仔咁
Photo from 薛影儀 IG
薛影儀簽約成「ATV一姐」，深得廣告商青睞
現年37歲嘅阿儀參選2021年嘅亞洲小姐競選，面試當日阿儀因為著咗比堅尼泳衣，加上面無表情而成為全場焦點，雖然最後佢未能入圍，但仍獲ATV睇中簽約成旗下藝人。
Photo from ATV
Photo from ATV
阿儀簽約亞視後即獲安排接冾大量工作，包括出演直播、接受訪問等，曝光率極高嘅阿儀更有大批fans，唔止有yes卡，仲有攬枕等周邊商品推出。阿儀擁超高人氣，亦成為廣告商嘅新寵。
Photo from ATV
Photo from 薛影儀 IG
阿儀IG晒新相，表情掀網民關注
阿儀工作量為全台之冠，已經係「亞視一姐」。佢不時會更新IG同fans分享近況，每次都吸引數千位「影子（阿儀fans名）」讚好同留言。
Photo from 薛影儀 IG
近日阿儀同一班亞姐好友去玩，佢亦不忘將合照放上社交網站，不過阿儀嘅表情就引起網民注意。其實阿儀一向影相嘅表情都係一樣，由佢開IG第一張相到近照，表情都「從一而終」，即使係去旅行、聚會、去玩，淨係睇樣都唔會feel到開心嘅情緒。
Photo from 薛影儀 IG
Photo from 薛影儀 IG
連登網友不滿阿儀被當「扯線公仔」
喺連登討論區有網友開post替阿儀「出頭」，直斥公司玩佢：「不如放過阿儀啦，其實一啲都唔好笑」，又指阿儀每日都好似扯線公仔咁。唔少網友都同意，個post至今已超過3,000個likes。
Photo from LIHKG
有網民認為阿儀好似被人擺佈，而且表情往往一啲笑容都無。有網友就質疑ATV究竟有無出晒糧畀阿儀，因為阿儀曾表示仲未出糧，而且亦唔係月薪合約，而係分佣金。
Photo from 薛影儀 IG
Photo from LIHKG
Photo from ATV
亦有人直言喺阿儀IG下留言嘅「曲線」正面網民亦係「害緊」阿儀，又指阿儀IG每一個讚都會令人覺得佢仲有商業價值。
Photo from LIHKG
有網民認為阿儀自己都想出名，亞視係幫阿儀完夢
但亦有網民表示阿儀當初去選亞姐都係想出名，喺報名參讚亞姐之前阿儀曾報名參加TVB 2021年藝員訓練班，但可惜喺首輪面試就被淘汰，可見佢一直都有興趣加入娛樂圈。
Photo from 薛影儀 IG
網友指：「佢自己不知幾享受呢種感受，否則一早拒絕咗啦。而家求仁得仁，唔好咩？」，成為「亞視一姐」更係幫阿儀完夢，而且阿儀為人向來勁有自信：「阿儀自己都好似好enjoy咁喎 仲覺得自己真係靚」，所以根本唔存在「放過阿儀」。
Photo from LIHKG
Photo from 薛影儀 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
薛影儀仍未獲亞視出糧！自爆非月薪工作！雖然係A0但試過主動追男仔可惜最終失敗
26 Aug 2021
「ATV一姐」薛影儀近期爆紅，人氣勁高嘅佢唔止工作多多，淘寶仲有出售佢嘅攬枕。有話題有知名度嘅阿儀近日出席活動卻自爆自己未出糧，更直言佢唔係月薪工作，唔少網友大感驚訝。
Photo from ATV
亞州小姐面試當日，阿儀因為獨特嘅外型同談吐成為全場焦點。其後佢雖然未能入圍但仍獲亞視簽約成旗下藝人。
Photo from ATV
簽約後阿儀工作不斷，唔止獲安排live大開金口，獻唱歌曲吸引近8,000人收睇，又拍電影，工作量簡直好似「ATV一姐」咁多！阿儀咁多job同佢高人氣亦好有關係，網上出現「我老公娶咗薛影儀導致婚姻破裂關注組」，淘寶更有阿儀攬枕出售，其人氣之強勁可見一斑。
Photo from ATV
出道僅一星期就有份拍電影，爆紅嘅阿儀獲唔少廣告商青睞，job接job嘅佢最近出席活動時就表示現時工作唔太辛苦，不過工時就比較長。
Photo from 薛影儀IG
阿儀又指暫時仲未出糧，而佢簽嘅合約唔係月薪，而係分佣金。令唔少網友大感驚訝。阿儀話如果有工作，公司會叫佢，佢亦滿意收入。佢表示出咗糧會用嚟畀家用同做生活費。
Photo from ATV
Photo from lihkg
Photo from lihkg
Photo from lihkg
阿儀成為亞視最多job嘅藝人，佢坦言對自己嘅外型好有信心，完全無諗過要整容：「我樣唔差，整咗驚唔好睇」，阿儀雖然係A0「黃花大閨女」，但原來佢都曾有意中人！
Photo from 薛影儀IG
37歲嘅阿儀自爆從未拍過拖，亦無被人追過，但佢遇上心儀嘅男生曾主動出擊！阿儀表示對象係佢同學，當時阿儀WhatsApp同佢講話對佢有意思，點知對方無回到阿儀，仲封埋佢！首次追男仔即失敗收場，阿儀後來都未有拍拖了。
Photo from 薛影儀IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
