謝安琪開生活品牌 網站一度癱瘓 淡妝look皮膚超有光澤 被讚逆齡生長！

歌手謝安琪近日除了出席商台頒獎禮活動，更宣佈成立個人生活選物品牌，榮升老闆。佢以文青look為品牌拍攝宣傳片之餘又開直播介紹新品，非常賣力。開售一刻，網站伺服器更被「人流」癱瘓！

Photo from 謝安琪 IG

謝安琪成立唱片公司、自家生活品牌

44歲謝安琪（Kay）今年離開麥浚龍公司成為獨立歌手，自資成立唱片公司「淺白本部」，準備在歌唱事業展開新道路。近日佢亦以性感造型亮相叱咤2021記者會，無懼天冷嘅Kay相當搶鏡。

Photo from 謝安琪 IG

除咗為音樂事業打拼外，Kay更開設了個人生活選物品牌Kaytiquette，品牌網站現時有售9件以「法式浪漫」為主題嘅衣物單品。

謝安琪文青Look為自家品牌拍宣傳片

Kay為咗宣傳自家品牌，除咗推出網站外亦以自己做生招牌，以氣質文青造型拍攝了概念宣傳片，片中佢身處被曙光穿透嘅房間作畫，大曬生活品味。

Photo from Kaytiquette

謝安琪愛細味生活

其實，Kay早在2020年便開設了一個IG小帳，以細味生活風格嘅圖文與粉絲交流日常百態，風格與現時嘅生活品牌相似，睇嚟佢對自家生意早有準備！

Photo from IG @k.daybykay

Photo from IG @k.daybykay

品牌網站一度被癱瘓

日前，Kay嘅品牌網站一上架便被強勁嘅瀏覽量「衝」至癱瘓，令佢駕車趕回公司與團隊搶修網站。除此，Kay亦開直播答謝粉絲熱情支持，同時報告一下團隊搶救措施及介紹公司產品。

Photo from 謝安琪 IG

上好妝趕返公司搶救網站

雖然Kay表示佢匆忙趕返公司，但開直播時依舊妝容精緻，真係一名化妝達人！佢皮膚白裡透紅，放下一頭長直髮，穿著白色蓬袖衣，賣力向粉絲報告公司情況及介紹產品。

Photo from 謝安琪 IG

眼鏡look自拍

較早前，Kay上載了戴著文青眼鏡自拍，不少粉絲紛紛留言佢皮膚好有光澤，而Super Girls成員Yanny（陳穎欣）更留言指Kay簡直係逆齡生長，而Kay都回禮，回覆：「係咪講你自己呀大佬~」

Photo from 謝安琪 IG

Photo from Super Girls成員Yanny大讚Kay逆齡生長

相關文章：謝安琪加盟ViuTV有先兆！老公張繼聰力撐：可以自由兩邊走

相關文章：謝安琪囡囡厭世表情影相被讚有性格 搞怪李元元/ 暖男翟德彥 可愛星二代超多人Like

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）