周秀娜激瘦新相肋骨現形！網友心痛大嗌太瘦：還我周秀娜！

娛樂新聞

By Jennifer on 17 Nov 2021

Digital Editor

今晚食乜餸：小二，嚟一碟花生！

現年36歲嘅周秀娜「?模」出身，曾拍攝性感寫真令佢聲名大噪。近年佢專注拍戲成功轉型做演員，身材亦清減唔少，甚至瘦到見骨。近日佢IG公開咗一輯相，令網友都驚呼佢太瘦：「還我周秀娜！」

Photo from 周秀娜 IG

周秀娜由?模轉型做演員

周秀娜（娜姐）於2009年出道，擁有火辣身材嘅佢更喺書展推出個人性感寫真集，成為當年熱話，周秀娜更因此為人熟悉。

Photo from 周秀娜 IG

不過近年佢主力拍電影，務求轉型做演員。周秀娜更收起性感，打扮比以往「密實」唔少。即使盛裝打扮出席頒獎禮亦見佢上圍似有「縮水」。

Photo from 周秀娜 IG

近年收起性感，身材消瘦惹網友擔心

周秀娜有時都會喺IG大派福利，但身型明顯清減咗好多，甚至瘦至胸部見骨，而且手臂亦十分纖幼，即時引起網友關注，有fans擔心娜姐暴瘦係健康出現問題。

Photo from 周秀娜 IG

周秀娜更因而被封「周瘦娜」，佢堅稱自己身體無出現問題，但感謝大家嘅關心，表示會努力增肥。

Photo from 周秀娜 IG

周秀娜晒新相露腰驚現肋骨

最近佢喺IG公開一輯新相，佢著上運動套裝，大晒小蠻腰。雖然無露出事業線，但上圍亦見豐滿，唔係「排骨」。不過肩膀都仲係非常瘦削，而且手臂亦尤如「火柴手」，骨感明顯。

Photo from 周秀娜 IG

最後一張相周秀娜瞓喺地下，高舉手臂、抬起雙腿，表情愉快，但腰間嘅肋骨就現晒形，唔少fans大為心痛，直呼太瘦：「食多啲嘢啊！」、「長點肉會更好看」，又話：「畀返以前嘅周秀娜我呀！我唔要火柴人呀！」。

Photo from 周秀娜 IG

亦有網友mean爆直言周秀娜唔好再晒骨感相，因為唔好睇，但即被反駁：「你都唔好露樣」。

Photo from 周秀娜 IG

相關文章：周秀娜罕有晒露半球性感照被批？！網友力撐證明身材全天然！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張曼玉暴瘦照被瘋傳！由花瓶到影后+轉戰歌壇/經歷11男友2任前夫

28 Sep 2021

57歲張曼玉近年甚少露面，直到近期有外出近照曝光，身型被指係紙片人，令人擔憂。微博近日翻出其2016年活動照，當時已經「皮包骨」。雖然照片被瘋傳，但張曼玉喺事業同愛情經歷嘅一切都令現在嘅佢更在乎內在。

Photo from 微博

張曼玉近年已淡出影視圈，但傳媒粉絲仍對其近況相當好奇。近日佢被媒體拍到上街買嘢照片，雖然佢「包到實」，但仍可見其身材猶如「皮包骨」，令網民關注其身體狀況。有網民更翻出佢2016年出席活動照片，指佢當時已經暴瘦。

Photo from 微博

張曼玉暴瘦照被瘋傳

相片在微博被瘋傳，相中身穿紅裙嘅張曼玉面帶笑容，但顴骨凸出，臉部與身材都像皮包骨般，網民都形容佢瘦成紙片人，幾乎都撐不起裙子。

Photo from 微博

不少網民歎息張曼玉不復當年風采，但佢早已透露過自己對「美」嘅睇法：「美不是一切，它很浪費人生。美要加上滋味、加上開心、加上別的東西，才是人生的美滿。」

Photo from 微博

張曼玉出道被批花瓶

香港小姐亞軍兼最上鏡小姐出身嘅張曼玉參賽時只有18歲，之後便進軍影視圈。佢於1984年首次拍攝電影《青蛙王子》，之後參演多套經典作品，如：《阿飛正傳》、《甜蜜蜜》、《東邪西毒》，人氣可謂一時無兩。但貌美嘅佢同時被外界質疑實力，當時佢被批評只有外貌值得一提。

Photo from 《東邪西毒》

張曼玉屢獲影后殊榮

外間批評並無阻止張曼玉發展，佢單喺1988年就拍了12部電影，因而獲「張一打」稱號。憑著堅毅努力，張曼玉主演1988年上映嘅《旺角卡門》後終首次獲提名金像獎「最佳女主角」。至今，佢成為五屆金像獎影后、亦五獲金馬獎影后殊榮，演技備受肯定。

Photo from YouTube截圖

張曼玉討厭「應酬飯局」

張曼玉在演藝圈發展多年，都無法避免參與一啲討厭嘅活動。佢曾在內地節目《少年可期》自爆曾被娛樂圈嘅「潛規則」束縛。佢自言出席過「應酬飯局」，並感到非常討厭。佢回憶往事時亦不禁哽咽。

Photo from 《少年可期》

佢自爆18歲出道便要面對呢啲「陰暗面」，佢當時就要面對一啲強烈追求佢嘅男人，亦要喺應酬飯局中陪笑，佢更表示「最討厭假笑和出席飯局」。

Photo from 微博

張曼玉11段戀愛、兩次婚姻，情路曲折

張曼玉事業發展順利，但情路曲折。佢經歷過11段情，據悉現時單身。多位不同界別嘅男士都曾經係佢嘅緋聞對象，包括梁朝偉、韓國髮型師 Mark kim 等。佢經歷過兩段婚姻，1998年與法國導演阿薩亞斯結婚，惟兩人聚少離多導致三年多後離婚收場。其後佢與德國裔建築師 Ole Scheeren 拍拖，在2009年再婚，但終在2012年離婚。

Photo from 《花樣年華》

張曼玉之後有同年下男交往，佢曾被報道指同細15歲嘅前香港樂隊 Audiotraffic 主音、中英混血兒 Adrian 拍拖，佢亦因此受到熏陶，轉戰樂壇，但兩人最終拍拖不到一年分手。另有傳聞指張曼玉曾為某任男友投資千萬元，資金到最後卻化為烏有。

Photo from 《Look In My Eyes》MV

張曼玉對感情無悔

儘管情路砍坷，張曼玉仍對過往感情無怨無悔，佢曾講過：「以前我沒結婚時，就想到了某個年紀一定要結婚的。可是結婚後，就發現一紙婚書也代表不了什麼，名分、承諾也是如此。人生的歸宿不一定是婚姻，但一定要有愛。」

Photo from 微博

張曼玉轉戰歌壇

張曼玉今年轉投音樂發展，曾多次在內地跟樂隊演唱。不過，佢2014年在《草莓音樂節》唱《甜蜜蜜》走音一度被網民取笑。對此，張曼玉坦言佢以往過得順利，直到《甜蜜蜜》走音一事受到打擊。但佢表示，經過那次寶貴經驗後變得強大，並已看得開，唔會因為別人批評便放棄喜愛嘅事，又言：「既然我拍了80部電影是做花瓶的，為什麼不可以給我80次唱歌走音的機會？」