梅艷芳過去9段情史一覽！曾表示遺憾未能結婚生子！只對一個男人有虧欠

By Stephanie on 17 Nov 2021

Digital Content Writer

電影《梅艷芳》最近上映，講述梅艷芳（梅姐）生前嘅經歷，令唔少網民都表示十分懷念！當中電影裡面亦提及佢過往嘅2段情，可惜兩段情最終都分手收場。據悉，梅姐曾經有過9段感情史，情路可以稱得上係波折重重！

Photo from 《梅艷芳》預告片

梅艷芳（梅姐）於1982年參加「第一屆新秀歌唱比賽」脫穎而出，並正式入行，曾推出多首經典歌曲，包括：《女人花》、《似水流年》等，係大家耳熟能詳嘅歌曲！其後，佢亦憑電影《胭脂扣》》榮獲香港電影金像獎、金馬獎以及亞太影展嘅「最佳女主角」殊榮，才華洋溢，被大家稱為「香港的女兒」～

Photo from 「百變梅艷芳1991告別舞台演唱會」

Photo from TVB

據悉，40歲嘅梅艷芳感情生活亦非常多波折，佢曾經表示最遺憾嘅就係未能夠結婚生子，而佢生前就一共有9段感情。可惜都因為種種原因，而導致未能夠開花結果，而家就等我哋睇下梅姐嘅感情史啦！

#苗僑偉

梅艷芳於1984年首度挑戰拍攝電視劇《香江花月夜》，並於劇中男主角苗僑偉傳出戀情，可惜兩人關係僅僅維持非常短嘅時間就結束。後來，苗僑偉就喺1990年與戚美珍結婚直到而家。

Photo from 《香江花月夜》

#富二代鄒世龍

據悉，梅艷芳係透過張國榮嘅介紹而認識鄒世龍。兩人於1984年戀愛，不過關係只係維持咗1年就結束，梅艷芳曾表示兩人當時年紀輕輕，脾氣都比較硬，而導致經常吵架。後來佢哋喺1989年復合，不過只係維持咗2個月嘅時間。

Photo from 《胭脂扣》

#日本混血模特兒高橋雅宏

有傳，梅艷芳1985年於日本認識咗一位混血模特兒高橋雅宏，兩人擦出愛火。可惜兩人經常分隔兩地，難以維繫關係，最終選擇分手。

Photo from TVB

#近藤真彥

日本歌手近藤真彥同梅艷芳於1985年因為參加舞會而認識，兩人因此而一見鍾情！梅艷芳仲曾經一年到訪日本8次，並陪伴男方到北海道開演唱會。但係兩人依然敵不過異地戀，加上有傳近藤真彥同前女友中森明菜藕斷絲連，而男方亦因此而被冠上「日本第一渣男」之名！而剛剛上映嘅電影《梅艷芳》亦有紀錄呢段戀情～

Photo from TVB

Photo from 《愛・旅立ち》

#劉米高

梅艷芳喺1988年拍攝手錶廣告嘅時候，認識中澳混血兒劉米高，兩人戲假情真，並短暫交往過。兩人後來和平分手，關係依然唔錯，梅姐亦有邀請男方拍攝《夏日戀人》以及《傷心教堂》嘅MV！

Photo from 《夏日的戀人》

#圈外人Paul

1990年，傳媒爆出梅艷芳正與一名就讀劍橋大學嘅圈外人Paul熱戀中，兩人甜蜜約會嘅照片經常都被傳媒捕捉到，有指《親密愛人》係一首關於佢哋兩個嘅歌。然而，兩人嘅關係僅僅維持咗1年多，就因為性格不合，而且Paul 亦要返英國讀書而分手收場！後來，梅艷芳接受訪問嘅時候話「我畢生冇欠過男人，只欠Paul一個！」，因為佢哋曾經論及婚嫁，不過佢最終選擇逃婚！

Photo from TVB

#林國斌

梅艷芳1991年戀上武師林國斌，兩人感情甜蜜並且同居。不過兩人都因為性格不合而決定分手，戀情維持咗大約3年！而林國斌最近亦有為電影《梅艷芳》拍片送上祝福，相信兩人當時應該係和平分手。

Photo from 《梅艷芳》宣傳片

#趙文卓

1995年，傳媒拍到梅艷芳同比佢少9年嘅趙文卓喺沙巴拍拖嘅畫面，而導致戀情曝光！由於當時梅姐人氣非常高，唔少人都認為趙文卓係留用梅姐炒作，大眾都似乎唔太睇好兩人嘅關係，佢哋嘅戀情只係維持咗1年多就結束！

Photo from TVB

Photo from 微博

#中泰混血兒Shum Shum

2001年，梅艷芳於泰國遇上26歲嘅中泰混血兒Shum Shum，兩人相戀！而Shum Shum仲為咗慶祝梅姐38歲生日而特地飛來香港，陪傳媒拍下唔少照片。不過梅姐就一直否認兩人係情侶關係，未知係咪因為想保護戀情而絕口不提～

Photo from 亞視

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

梅艷芳生前擁眾多豪宅物業梅媽獲數千萬遺產卻竭力爭取更多？！

17 Nov , 2021

梅艷芳逝世近18年，影響力未有退卻，日前其傳記電影《梅艷芳》正式上映。作為一代歌后嘅梅艷芳去世後留下不少遺產，當中有唔少豪宅物業，當中一個位於壽山村道嘅故居更在多年前以近1.5億出售予新地郭氏家族！

Photo from ATV

梅艷芳生前擁不少豪宅物業

梅艷芳嘅傳記電影於近日上映，令全城再掀起梅姐熱潮。佢生前除咗有輝煌嘅演藝事業外，亦擁有不少資產，有指梅姐在香港、日本、新加坡、甚至倫敦都持有有物業，但當中最貴嘅相信係位於壽山村道恒安閣嘅故居。

Photo from 正房屋網

壽山村道恒安閣最終出售予新地

據悉，恒安閣屬複式單位，由梅姐於1993年透過公司名義以2,000萬元買入，其面積以約4,069平方呎計，當時呎價只達大約4,915元。單位在梅姐逝世後，物業由遺產管理人托管。到2013年才以1.47億元出售予新地（0016）郭氏家族。

Photo from 中原地產

據悉，單位出售後所得嘅大部分款項，都用作支付梅艷芳母親多年以來累積嘅巨額訴訟費和律師費。

Photo from 微博

新地郭氏家族成功統一業權

其實恒安閣整個項目有12伙，面積由3,341至4,075平方呎都有，有指郭氏家族早於2007年已開始以8.1億元相繼收購了當中11個單位，只剩梅姐故居未被收購，最終購入後便成功統一業權，整個收購過程長達6年。除此，以收購價計算，單位呎價已升至36,127元。

Photo from 網上圖片

而與恆安閣相隔一馬路嘅壽山村道9至19號，則是新地洋房項目SHOUSON PEAK。根據其官網圖片，內有露天泳池，可觀清幽山景，環境愜意。

Photo from SHOUSON PEAK 官網

梅姐另一物業：跑馬地毓秀大廈頂層

梅姐在香港亦有其他遺產物業，例如跑馬地毓秀大廈頂層單位，實用面積約471平方呎嘅兩房戶，單位連90平方呎嘅露台、440平方呎天台。物業在2012年於拍賣會開價780萬元，雖獲承價至1,040萬元，但因未到底價最終被收回。之後，單位再「翻叮」拍賣，開價900萬元，最後以980萬元成交，以實用面積計，呎價超過兩萬元。

Photo from 中原地產

梅艷芳遺產豐厚，梅媽卻唔夠洗？！

憑著堅毅與輝煌嘅演藝成就，直至2003年病逝前，梅姐名下資產總值已被指達1億元，而在同年12月初，梅姐立下遺囑及成立信託基金，並將遺產委託一家信託公司管理，梅媽每月可獲得超過7萬港元生活費直至去世。

Photo from 梅艷芳告別演唱會

不過，梅媽對梅姐遺囑存有質疑，於是便在長子梅啟明陪伴下，在2004年展開多年嘅爭產官司。梅媽不滿每月只有約7萬元生活費，至於點解要月付，係因為梅艷芳擔心母親理財不善，如果一次過將遺產發給梅媽，恐怕佢會在短時間內花光金錢。

Photo from TVB

但呢筆月付款項對梅媽嚟講唔夠洗，佢之後再上法庭抗爭，經改判後，佢每月可獲嘅生活費已提升至12萬元。縱使係咁，梅媽表示每月要畀房租及水電費4萬元，再加上傭人、司機及6隻狗嘅開支，以及買補品，養兒子梅啟明夫婦等家人費用等，12萬都唔夠用。於是，梅媽喺2015年要求高等法院下令遺產管理人將15年生活費（共5500萬元）一次性發放畀自己，惟最終被駁回。

Photo from YouTube @Vanessa Wong

每月生活費分別由7萬升至12萬到20萬都不夠梅媽用

之後，梅媽又要求「遺產信託基金」加碼，法庭再判佢每月生活費可提升至20萬元，但梅媽仍不滿意，佢分別於2018年申請20萬元補辦91歲壽宴被拒絕，及於2019年成功申請25萬元舉辦95歲壽宴。除此，梅媽亦曾在2018年欠付逾110萬訟費，搞到又鬧上法庭。當時連法官都向梅媽直指：「你身體大不如前，自己保重身體，唔好再搞咁多訴訟！」