港男慨嘆「香港女性太幸福」！列港女10大優勢！呻男士唔做醫生/律師「唔使諗溝女」
Photo from TVB
港男直指香港女性太幸福，輕鬆搵到高薪厚職
有網民喺連登討論區以「香港女性會唔會幸福過龍？」為題開post，直指香港唔少靚女至少都有大學學歷，出路好嘅大學學科，例如醫護、社工、教師等，都係女性更易入行。
Photo from TVB
樓主指做醫護、社工、老師一畢業人工就有20k以上，感嘆香港女性：「又高學歷人工又高」，相反男士讀工程、會計等科畢業先揾10幾k，佢表示起碼要做地盤先可以搵錢多過女性。
Photo from TVB
Photo from 激戰
樓主又稱就算學歷唔高，女性都可以做化妝品sales：「是是旦都40k」，但男士學歷低就只可以做執倉，人工得12k，直言：「真係唔做醫生律師飛機師唔駛諗溝女」
Photo from TVB
Photo from TVB
網民列出「港女10大優勢」，呻香港男士苦況
唔少網友都表示同意，甚至有網民列出「港女10大優勢」，更獲樓主「置頂」，大呻香港男士嘅苦況（僅代表該網民立場），部分佢聲稱嘅女性優勢如下：
Photo from 原諒他77次
1. 有學歷搵工比起男性更有優勢、2. 女性即使低人工過男人都唔使受社會壓力、3. 生完仔，男人唔幫手係男人錯、4. 結婚男人畀錢，禮金男人畀；人情女人收、5. 買樓係男人責任、6. 男人人工唔應該低過女友。
Photo from lihkg
港男搵錢艱難仲要出錢養女友
呢個回覆正評都唔少，有同意樓主講法嘅網友就表示即使港男搵錢艱難，但同女友出街都係由男人出錢多：「d女都係要洗你錢，咩都你出」，甚至有網友直言譚仔姐姐都高人工過普通侍應：「香港地照顧晒任何年齡層既女性」
Photo from TVB
Photo from lihkg
Photo from lihkg
網民反駁好多工種根本無性別優勢，指樓主只識埋怨
但「譚仔姐姐論」之後被反駁其實男性都可以做譚仔，而樓主提過嘅工作根本就唔係得女性，男士都可以做，包括醫護、社工、教師。
Photo from 譚仔三哥
Photo from TVB
樓主不忿指：「你入醫院男護多定女護多，入譚仔男工多定女工多，見社工時係男社工定女社工招呼你?」，有網友直言：「nurse嚟講男同女就業率一樣高，男護小過女護係因為呢科本身少男人讀」，「少男人apply呢啲工就話個市場請得少男人」
Photo from lihkg
Photo from TVB
有唔同意樓主嘅網民就表示佢所講嘅完全算唔上咩優勢，啲工種男女都可以做，指樓主淨係識埋怨，亦有人建議樓主既然咁不滿女性喺社會享盡優勢，不如試下「做女人」。
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
女友想辭職做譚仔姐姐！ 港男認為冇前景 網民卻力撐女友？
5 Nov 2021
Photo from 譚仔米線廣告
# 女友想做「譚仔姐姐」！
唔少情侶都會就未來嘅規劃而有唔同嘅睇法，需要透過溝通同協調先可以令關係繼續維持落去！日前，有位港男話女友居然突然同佢講想做譚仔姐姐，令佢嚇咗一跳，並以「女朋友話想做譚仔姐姐，點勸佢好？」為題目開post。
Photo from 連登討論區
# 女友一直都抱怨現有工作！
港男表示女友本身喺一間公司做文員，月薪14K，難升職又冇咩發展前景，所以經常都向佢抱怨想轉行，不過佢都會勸喻「諗到做咩先轉啦！」。另一方面，女友一直都搵緊工，不過就冇咩消息。
Photo from TVB
# 預備遞交辭職信！
有一次，女友突然同佢講「不如去做譚仔」，而港男就覺得女友只係講下，所以就一笑置之。直到兩人約會嘅時候，女友從第二個地區嚟搵佢，佢好奇詢問「去嗰度做咩？」，女友就回應「我去咗譚仔見工，係咪好驚喜！」，令佢嚇咗一跳！
Photo from TVB
# 港男不理解女友
女友隨即補充自己第二日返工就會遞辭職信，並於一個月後去譚仔返工做樓面！港男好愕然咁話「咁後生做乜譚仔姐姐啊？！」，女友聽到後好似有少少嬲，而兩人當日都冇再提及過呢個話題。返到屋企後，港男就收到女友嘅訊息「I am譚仔小姐，not姐姐」，睇嚟女友十分期待新工作！
Photo from 譚仔米線廣告
# 解釋反對原因！
港男就解釋「反對」嘅原因，認為大學畢業嘅女友值得搵到前景更加好嘅工作，而且譚仔姐姐好少有比較後生嘅女仔做，驚佢到時候會被身邊嘅人笑！
Photo from TVB
# 大部分網民力撐女友！
呢個post好快就引起網民熱議！大部分網民都表示支持女友，認為佢靠自己努力工作，非常值得欣賞；亦有網民話「其實做譚仔好好賺！」入職就有20K，仲建議港男都應該轉工！
Photo from 連登討論區
# 網民：仲有好多更加有前景嘅工作！
但有網民就同意港男嘅睇法，認為做譚仔姐姐嘅前景唔一定係好，覺得既然要轉工就要搵到能夠增值自己嘅新工作；有網民就認為港男唔需要勸喻女友，認為只要女友體驗過「譚仔姐姐」嘅工作之後可能就會有另一番領悟！
Photo from 連登討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
