室內遊樂場｜何文田5萬呎賽車場體驗！18彎小型賽車/飄移車/模擬賽車電競

全港最大室內小型賽車場 - 18 Challenge Karting推出最新賽車體驗優惠！低至$100，大人細路都可玩小型賽車或飄移車，玩到餓仲可選包兒童套餐嘅方案！除此，只需$38更可玩埋模擬賽車電競體驗~ 以下即睇優惠詳情！

佔地5萬呎，全港最大室內小型賽車場

疫情下大家都要四出尋找玩樂好去處，去厭酒店Staycation又想玩刺激啲嘅，可以約埋朋友去何文田，到佔地5萬呎嘅 18 Challenge Karting 大玩小型賽車或飄移車~ 大人細路都玩得，場內會提供頭盔、護肘、頸和腳等護具，夠曬安全！

2條跑道共18個彎

貴為全港唯一室內電動高卡車場，18 Challenge Karting顧名思義有2條跑道、總共18個彎，絕對滿足到享受賽車速度與快感嘅體驗~

飄移車體驗：方案A、B

套票有4種方案，方案A可體驗飄移車，一節6分鐘收費為$100（按此預訂）。

方案B同樣玩飄移車，更包兒童套餐，玩完車即可去場內嘅餐廳區，一邊歎美食，一邊坐低睇其他人賽車嘅刺激情況，方案B共有2節共12分鐘，收費為$258（按此預訂）。對於玩飄移車嘅要求，參加者體重必須介乎0-65公斤 及 身高必須達115厘米。

小型賽車體驗：方案C

想玩小型賽車嘅朋友則可選擇方案C，一節共8分鐘，收費跟以下時段而異：星期一至四 $238、星期五六日及公眾假期 $298。另外，參加者身高必須達150厘米才可體驗小型賽車（按此預訂）。

電競體驗：方案D

除咗以上車款，場內仲有模擬賽車嘅電競體驗，低至$38即可玩！一節有10分鐘，收費跟以下時段而異：星期一至四 $38、星期五六日及公眾假期 $58（按此預訂）。

安全建議：服飾要求

去「鏈車」想玩得安心，就記得跟從場地建議，穿著輕便舒適嘅衣服（最好為易乾物料），唔好著裙、拖鞋及涼鞋。

套票優惠由即日起至下年5月31日，有得體驗賽車樂趣又有得食，場地空間又大，快啲約埋好友一齊預訂套票啦~

「18 Challenge Karting 賽車體驗套票」
優惠期：由即日起至2022年5月31日
地址：何文田愛民廣場2樓S1號
預訂網址：https://bit.ly/3oz7onf

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）