度假聖地～墨西哥坎昆超清海水超幼白沙！好想放吓假啊！

一講墨西哥，好多人都會提起坎昆（Cancún，又名康昆）。係網上見到D相，不禁覺得呢個地方靚得好吸引。特別係坎昆嘅海灘，被譽為世界上著名嘅十大海灘之一。約20公里長嘅白色沙灘，由珊瑚風化而成嘅細沙構成，踏係上面嘅感覺綿軟如絲綢。如果有機會，真係一生人點都要去一次！

Photo from Instagram

坎昆，係墨西哥東南部一個城市，位於加勒比海沿岸，係世界著名嘅度假勝地。主要嘅原因係因為呢度嘅氣候宜人，平均氣溫介乎26－36°C之間。好合適嚟呢度度假！

Photo from Instagram

1970年代，墨西哥政府主力將坎昆發展成度假勝地，依加每年有超過300萬人到坎昆旅遊，當中更包括名人明星等。

Photo from Instagram

為咗配合咁多遊客嚟呢度度假，坎昆內有超過140家酒店，提供24000房間。23公里長嘅坎昆島係度假區嘅中心，部份度假酒店十分豪華，臨近加勒比海，海水清澈到魚都清晰可見，唔少旅客係呢度潛水或乘遊艇出海。真係諗起都覺得好RELAX！

Photo from Instagram

坎昆嘅海水碧藍透綠，真係靚到令人想一頭栽入海入面。

Photo from Instagram

坎昆嘅酒店渡假區都似美國！小編覺得主要係因為同美國嘅地理位置真係相較近，每年亦有好多美國大學生嚟呢度度假。受到美國文化嘅影響，呢度嘅酒店都好AMERICA STYLE， 內有美式嘅Buffet 、 週圍都係美式餐廳、 Shopping Mall…. 仲有，呢度可用美金同講英文就得啦！

Photo from Instagram

坎昆附近都有一D歷史遺跡，如瑪雅遺址。如果你唔係一個鍾意陽光與海灘嘅人，都可以到附近嘅歷史遺跡行下影下相。了解番當地嘅文化風情。

Photo from Instagram

有部分嘅人會擔心墨西哥嘅治安，但放心，坎昆係一個好安全嘅地方。今時今日，坎昆有D似特別商業區，為咗吸引觀光客，進出都會有特別關卡，市區內四處亦有拎住自動步槍嘅軍人巡邏。遊客大可放心，係坎昆絕對可以搭乘公車同計程車。

Photo from Instagram

但係小編要提提大家，雖然好多人覺得坎昆唔係一個發達嘅地方，但同好多旅遊區一樣，坎昆嘅消費一D 都唔便。

Photo from Instagram

小編很喜歡美國，如果下次去美國旅行時，都會諗吓留個時間嚟坎昆行吓度吓假：］

Photo from Instagram

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載