劉嘉玲唔同梁朝偉共用廁所！自爆有潔癖，內地拍戲要求酒店換座廁/浴缸/洗手盆

影后劉嘉玲同老公梁朝偉結婚超過10年，雖然外界認為佢哋性格大為不同，但兩人一直恩愛。近日劉嘉玲早年嘅訪問再次成為話題，佢大爆自己有潔癖，喺內地橫店拍戲曾要求酒店拆咗洗手間！

Photo from 劉嘉玲微博

TVB《最佳女主角》劉嘉玲訪問再成話題

現年55歲嘅劉嘉玲同梁朝偉係影帝影后級夫妻，不過兩人性格唔同，梁朝偉較為內斂，而劉嘉玲就外向好多，有唔少圈中好友。除咗性格之外，兩人嘅生活習慣亦唔一樣。

Photo from 梁朝偉 IG

2013年TVB節目《最佳女主角》主持人黎芷珊就邀請咗劉嘉玲做嘉賓，近日佢嘅訪問再度引起網民關注，原因係佢喺節目中大爆自己有潔癖！

Photo from TVB

Photo from TVB

劉嘉玲自爆有潔癖，拍《狄仁傑》曾要求酒店拆洗手間

劉嘉玲2011年憑《狄仁傑之通天帝國》「武則天」一角奪得香港電影金像獎「最佳女主角」，原來拍呢套劇仲有啲不為人知嘅往事。

Photo from 《狄仁傑之通天帝國》

劉嘉玲表示自己返內地橫店拍戲時曾要求酒店將洗手間嘅馬桶、浴缸、洗手盆全部打爛，然後換成全新嘅衛浴設備，主持黎芷珊都大表驚訝。

Photo from TVB

佢解釋稱自己對洗手間嘅要求好高，因為佢會留好長時間喺洗手間入面，所以一定要好乾淨先得。黎芷珊問佢係咪次次都係咁（換咗洗手間），劉嘉玲坦言：「係呀！」

Photo from TVB

Photo from TVB

劉嘉玲與梁朝偉喺屋企一人一個廁所

劉嘉玲又提到佢同梁朝偉生活習慣唔同，梁朝偉個人隨性好多，一返到屋企就瞓喺張床度、啲衫褲鞋襪又周圍擺，令劉嘉玲忍唔住諗老公到底帶咗啲咩塵埃返屋企。

Photo from 梁朝偉 IG

Photo from TVB

Photo from TVB

佢指依家喺屋企同梁朝偉一人一個廁所，唔會共用洗手間，一嚟唔想浪費彼此時間，二嚟佢哋亦有條件買大啲嘅屋，索性分開兩個廁所。佢又指大家互相影響，依家梁朝偉嘅廁所愈嚟愈乾淨。

Photo from 劉嘉玲 IG

Photo from TVB

劉嘉玲讚老公係偉大演員，爆梁朝偉好依賴佢

劉嘉玲表示覺得老公除咗好有天賦，後天亦都好努力，係一個偉大嘅演員，而佢會處理好家中嘅所有嘢，令老公無後顧之憂，可以放心去追自己嘅夢，劉嘉玲笑言：「佢（梁朝偉）係幸福㗎！」

Photo from TVB

Photo from 劉嘉玲 IG

劉嘉玲大爆梁朝偉好依賴佢，屋企燈泡壞咗，梁朝偉無諗住自己換，或者叫家傭換，而係第一時間話：「劉嘉玲，個燈膽壞咗！」，劉嘉玲指：「因為佢淨係信我。」

Photo from 劉嘉玲 IG

相關文章：梁朝偉過去3段深刻情史一覽！ 與曾華倩拍拖6年/曾深陷三角戀？！

相關文章：梁朝偉拍《尚氣》片酬曝光！Marvel出道作史上第二高！坐擁9億物業半山豪宅超奢華

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李冰冰潔癖嚴重 3年內辭退20位工人 出12萬一個月都請唔到人？！

25 Aug 2021

唔少藝人都因為工作繁忙，而需要聘請家務助理為佢哋打點屋企嘅一切，不過要聘請到一位適合自己嘅工人都並非容易嘅事。近日有傳內地女星李冰冰原來有非常嚴重嘅潔癖，即使用高價$12萬都未能夠聘請到家務助理！

Photo from 李冰冰微博

金馬獎影后李冰冰憑精湛嘅演技以及有氣質嘅外表紅遍亞洲，仲進軍荷李活成為國際影星，事業發展可以話係一帆風順！唔少網民對李冰冰嘅印象都係非常平易近人，事關佢曾經以嘉賓身份上內地真人騷《嚮往的生活》時，好快就同主持人們打成一片，再加上節目於農場拍攝，就更加令網民覺得佢俾人感覺非常「貼地」～

Photo from 李冰冰微博

Photo from 《嚮往的生活》

不過李冰冰其實有非常嚴重嘅潔癖，就算用高薪$12萬聘請家務助理都未能搵到合適嘅人選。有傳佢仲曾經喺3年內換走咗20位家務助理，要求超高嘅佢仲會親自為佢哋面試進行考核，並且確保家務助理要跟足佢嘅標準去打掃先會受聘！

Photo from 李冰冰微博

據悉曾經有位女生接受考核時，單單係洗菜就已經洗咗8次咁多，洗到連菜葉都已經爛嘅程度。但李冰冰依然表示不滿，仲一下子將所有菜扔去垃圾桶入面，批評佢洗菜唔夠乾淨！

Photo from 李冰冰微博

Photo from 李冰冰微博

應徵者當時就十分困惑，詢問李冰冰「正確」嘅洗菜方法。李冰冰隨即話洗菜嘅時候，必須戴上手套否則病菌會黏係菜上面，就算點洗都係徒勞無功！而佢仲話洗完嘅菜就要盡快烹煮，因為菜長期暴露於空氣之中，就同冇洗過一樣。

Photo from 李冰冰微博

其實李冰冰對洗菜嘅執著都曾經喺節目中顯露過出嚟：拍攝節目《嚮往的生活》時，佢就多次主動話要負責洗菜，仲暴露自己用鹽水洗菜嘅習慣；而且佢認為洗菜過程太草率，將菜清洗咗好幾遍，令人不禁驚嘆佢對食物衛生嘅要求真係好高！

Photo from 《嚮往的生活》

Photo from 《嚮往的生活》

李冰冰除咗注重食物衛生之外，當然亦好注重家居嘅清潔程度啦！每個到訪佢屋企嘅朋友都必須戴上鞋套，想坐佢屋企嘅梳發之前都要舖好衛生坐墊先；而長頭髮嘅客人就一定要將頭髮綁起，以免頭髮掉落喺地墊上！睇嚟做得佢朋友都要頂得住佢嘅嚴重潔癖先得喇～

Photo from 李冰冰微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）