41歲陳冠希零修圖近照曝光！ 網民：好似老同齡嘅謝霆鋒10歲！
陳冠希（Edison）曾經憑著俊俏嘅樣貌，贏得唔少女士嘅芳心。最近，有網民喺美國睇籃球比賽嘅時候，偶遇陳冠希並一齊合照，不過唔少網民都認為佢顏值已經不如以前，仲有少少老態！有網民就立刻將與佢同齡嘅謝霆鋒攞出嚟對比，大讚謝霆鋒keep得好好！
Photo from 陳冠希IG
# 陳冠希現時長居於美國！
現年41歲嘅陳冠希（Edison）於2000年出道成為歌手，當年憑著俊俏嘅外貌，吸引唔少粉絲，成為唔少女士心目中嘅男神！然而，現時佢已經淡出幕前，主要經營自己嘅服裝品牌，並與太太秦舒培及囡囡Alaia長居於美國，一改過往花心形象，成為好丈夫同爸爸。
Photo from 《你快樂嗎》MV
Photo from 陳冠希IG
# 網民上載於籃球比賽偶遇合照！
日前，有網民就喺美國觀看籃球球賽嘅時候，偶遇陳冠希一家三口，仲上載咗同陳冠希嘅合照。由於網民所po嘅照片並冇任何濾鏡或者美顏效果，陳冠希嘅魚尾紋清晰可見；加上籃球場嘅燈光令佢嘅頭髮睇落好似灰白色，氣色望落好似冇咁好，同過往陽光俊俏嘅形象有啲唔同！
Photo from 微博
Photo from 《頭文字D》
# 網民驚嘆：男神變老了！
而且，陳冠希當日身穿橙色唐裝，而並非好似平日咁身穿潮牌，令佢睇落較為「成熟」！雖然就咁睇佢嘅身材就應該冇太大嘅改變，不過外貌上嘅變化就令唔少網民感到十分驚訝，「男神變咗！」、「歲月真係好殘忍！」等留言。
Photo from 微博
# 網民認為同齡嘅謝霆鋒keep得好！
有網民仲竟然將陳冠希同謝霆鋒兩人攞出嚟比較，認為兩人雖然都係41歲，不過謝霆鋒就真係keep得好好多喇！網民覺得謝霆鋒依然保留到「少年感」，無論外型或者身材都同以前分別不大，大讚對方保養得宜。但亦有網民覺得陳冠希已經甚少出現幕前，冇咁嚴格管理自己嘅外型都係非常正常嘅事，認為而家嘅佢更加有魅力。
Photo from 謝霆鋒IG
Photo from 陳冠希IG
# 謝霆鋒一直都有健身！
而謝霆鋒咁多年來一直都有健身嘅習慣，早前網上就流傳咗佢做運動嘅短片。只見片中嘅佢，上半身凌空再於空中旋轉呼拉圈，高難度動作令唔少網民都驚嘆，大讚佢嘅核心肌能強！
Photo from 微博
Photo from 謝霆鋒微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳冠希帶老婆女兒搭私人飛機旅行！豪擲逾2000萬買入美國4千呎豪宅
15 Oct , 2021
「陳冠希事件」後Edison宣佈退出娛樂圈，佢近年專心打理潮牌，雖然其衣著style被嘲似水管工，但佢個人事業發展唔錯，近日佢同名模老婆秦舒培、女兒Alaia一家人坐私人飛機去夏威夷度假，生活十分寫意。
Photo from 陳冠希 IG
「陳冠希事件」後Edison退出娛樂圈
現年41歲嘅陳冠希（Edison）自2008年宣佈無限期退出香港娛樂圈後就定居於美國洛杉磯，佢2003年已創立自己嘅服裝品牌，退出娛樂圈之後佢就一心一意搞個人潮牌。
Photo from 陳冠希 IG
久未於香港露面嘅陳冠希同中國模特兒秦舒培結婚，兩人育有一女Alaia，Edison平時喺IG除咗會晒品牌照外，亦不時公開同女兒玩嘅相片，盡顯父愛。
Photo from 陳冠希 IG
Photo from 陳冠希 IG
陳冠希與老婆女兒一家三口住美國4千呎豪宅
Edison喺美國生活寫意，喺加拿大出生嘅佢喺2016年買入美國洛杉磯一幢4千呎獨立屋，同老婆秦舒塔、愛女Alaia一家三口盡享天倫之樂。
Photo from movoto
Photo from 秦舒培 IG
從曝光嘅相片中可見獨立屋設有私人泳池，而且採光度好好，客廳、房間都有落地大玻璃。全屋共有五間睡房、六間浴室，其中一間浴室係全透明，十分開放。獨立屋更有戶外按摩池可以做Spa，勁chill！
Photo from 秦舒培 IG
Photo from movoto
Photo from 陳冠希 IG
喺天台一角亦種植咗唔少植物，包括各種仙人掌，Edison太太秦舒培更會喺度曬日光浴。室內空間都極大，中意畫畫嘅Alaia可以坐喺地板上發揮創意。
Photo from 陳冠希 IG
Photo from 秦舒培 IG
Photo from 陳冠希 IG
Photo from 陳冠希 IG
家中更放咗好多咕臣，受萬千寵愛嘅Alaia亦有各種玩具，家中有一啲小型電動車，畀Alaia揸車喺屋內穿梭，可見Edison屋企有幾寬敞。
Photo from 秦舒培 IG
Photo from 陳冠希 IG
Photo from 陳冠希 IG
Photo from 陳冠希 IG
陳冠希出入搭私人飛機，生活寫意
Edison嘅潮牌有同唔同嘅品牌合作推出商品，佢出入都會搭私人飛機。最近佢同家人一齊去夏威夷度假，同行嘅仲有Edison家姐陳見飛同陳媽媽。喺Alaia旁邊嘅飛機座位上放有Hermès嘅Birkin袋同名牌帽子，出行亦大顯身價。
Photo from 陳冠希 IG
Photo from 陳冠希 IG
Photo from 陳冠希 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
