TVB台慶2021｜表演被指欠新意 吳若希狂走音、譚俊彦跳舞被指抄襲？！
Photo from TVB 萬千星輝賀台慶2021
譚俊彦、周家洛和丁子朗跳舞開場
表演由譚俊彦及陳展鵬率領嘅藝員團進行嘅跳舞打開序幕，譚俊彦以單人姿態登場表演手部舞，而周家洛和丁子朗則以雙人團形式表演機械舞。
Photo from TVB 萬千星輝賀台慶2021
Photo from TVB 萬千星輝賀台慶2021
對於譚俊彦嘅表演，有網民發現佢嘅舞蹈疑似參考曾參加ViuTV《全民造星III》嘅「折骨Ben（趙祥誠）」。折骨Ben早前在IG上載過一條短片，片中佢示範初階入門班嘅折骨舞，有網民指譚俊彦展示嘅「手部舞」同折骨Ben嘅動作極為相似。
Photo from 折骨Ben IG
除此，一班男女藝員出場進行花式體操表演，不少女藝員被男藝員拋高，大玩啦啦隊感覺。
Photo from TVB 萬千星輝賀台慶2021
陳展鵬同一眾藝員疊羅漢
之後，一眾表演者更挑戰7層疊羅漢，陳展鵬在最後企上最高點吶喊助威。
Photo from TVB 萬千星輝賀台慶2021
Photo from TVB 萬千星輝賀台慶2021
花旦跳舞甩beat？
雖然以上表演中嘅女藝員非常賣力，不過亦有其他女藝員及其伴舞被指跳舞好hea，有網民認為佢哋嘅動作無乜力水，亦有甩beat之嫌，令人笑言佢哋可能係deadline fighter，於台慶播出當日先開始學舞。
Photo from TVB 萬千星輝賀台慶2021
Photo from TVB 萬千星輝賀台慶2021
吳若希走音
吳若希與連詩雅等女歌星一同唱歌表演，不過就有走音之嫌，可能係佢兼顧家庭事業太忙碌，導致失準。
Photo from TVB 萬千星輝賀台慶2021
Photo from TVB 萬千星輝賀台慶2021
陳柏宇、林奕匡等歌手齊獻聲
歌星隊方面則派出陳柏宇、林奕匡、馮允謙、曾比特唱出多首名曲，樂隊Supper Moment亦有現身同海俊傑合唱《狂野之城》，氣氛頗為型格。
Photo from TVB 萬千星輝賀台慶2021
Photo from TVB 萬千星輝賀台慶2021
草蜢熱舞
突然畫風一轉，經典組合草蜢突然出現於舞台，勁歌熱舞一番，唱跳多首經典歌曲如《忘情森巴舞》，令舞台充滿濃厚熱帶味。
Photo from TVB 萬千星輝賀台慶2021
Photo from TVB 萬千星輝賀台慶2021
歌手為草蜢伴舞
單係草蜢表演都未夠熱鬧，較早前獻唱嘅一班歌手都突然加入草蜢，成為佢哋身後嘅伴舞，同草蜢三人一齊大跳WouBaBomba！一班歌手都非常敬業，努力跟住草蜢節奏熱舞。
Photo from TVB 萬千星輝賀台慶2021
適逢TVB今晚舉行邁向55週年台慶騷，有網民評價表演：「齋睇畫面以為佢哋幫自己搞緊55歲生日會」，亦有人認為草蜢係全晚最有活力嘅表演嘉賓。
Photo from Holiday Smart FB
李克勤壓軸同炎明熹合唱
壓軸出場嘅除咗有草蜢，仲有歌王李克勤，佢唱出多首金曲，有：《合久必婚》、《失魂記》、《告別校園時》、及《紅日》，克勤更同《聲夢傳奇》冠軍炎明熹合唱《告別校園時》，炎明熹一身全黑打扮亮相，有網民指佢幾有黑武士味道。
Photo from TVB 萬千星輝賀台慶2021
Photo from TVB 萬千星輝賀台慶2021
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
