港男想帶妹妹與女友同居　女方恐無二人世界：不如幫妹搵男友？

情侶同居無非都想享受二人世界。不過，最近就有名女網民到討論區發文，指與男友討論同居問題時，男友提議帶埋細妹入嚟住，因為怕佢無人照顧。女網民欣賞男友為家人著想，但又擔心影響與男友獨處時光而感到煩惱。

Photo from 《香港愛情故事》TVB

港男想帶妹妹同女友同居

近日，一名女網民（下稱樓主）到香港討論區發文，表示與交往一年嘅男友開始討論同居話題，樓主本來都相當樂意，直至男友問可否帶同細妹一齊住，因為男友與妹妹嘅父母已不在，而妹妹自數年前失戀後未有拍拖，所以男友唔想拋下妹妹一人。

Photo from 《因為愛》劇

女網民擔心無得二人世界

同樣做人細妹嘅樓主非常欣賞男友著緊自己妹妹，而男友亦有足夠金錢租住一個三人單位，加上樓主與其妹妹都幾啱傾。但係，樓主認為同居原意係想有更多二人世界時間，多咗男友妹妹就會受影響，但佢又唔想令情況變成「令男友唔要阿妹」，所以佢向男友表示先考慮一下才決定同居與否。

Photo from 《女神愛特工》 TVB

幫男友妹搵返個伴？

樓主亦突發奇想，係咪應該要快啲幫男友妹妹搵嘅男朋友嚟解決問題。帖文引起熱議，網民都有不同意見，有人同意樓主幫妹妹搵男友，亦有人覺得咁做唔易，又指：「如果男友一向都係同佢妹一齊住，又沒有父母，真係不太適合分開佢地，反而你（樓主）得閒去佢屋企過夜，放下啲衫或日用品試住先。」

Photo from 《香港愛情故事》TVB

Photo from 香港討論區

網民意見多元

亦有網民唔建議二人同細妹同住，「就算而家同佢個妹幾啱傾，住埋一齊有排煩，『相見好同住難』同『一山不能藏二虎』係永恆定律，唔好高估自己能力，留返喺屋企啦！」

Photo from 香港討論區

不過，有網民認為男友細妹唔係小孩，直言：「佢呀妹幾歲呀，咁大個人仲要人照顧」、「 咁唔通第日正式結婚都同阿妹一齊住咩？」

Photo from 香港討論區

更有網民勸誡樓主，叫佢諗清楚同居與否，因為：「妹控同媽寶分別唔大，要諗清楚先。」

Photo from 香港討論區

另有人表示，如果細妹唔一齊住，男友身為好哥哥應該會經常擔心，亦認為三人同住不會構成大問題。另一網民就指，男友有能力就不如租一個兩房一廳單位三人同住，而樓主都回覆：「最差情況就唯有係咁。」

Photo from 香港討論區

相關文章：妹妹畢業想繼續升學 姐姐斥逃避現實 怪由細寵慣致忘本 網民：你驚少個人供養父母?

相關文章：女生與交往5年男友共建愛巢 男友突然態度180度大轉 被揭發將與他人結婚？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）