【十月初五的月光】傳何依婷簽20年長約獲TVB力捧？一人分飾三角 網民：演技同阿佘冇得比!
Photo from 何依婷IG
# 《十月初五的月光》最近開播！
TVB台慶劇《十月初五的月光》最近開播，由於該劇係翻拍2000年經典同名劇，而唔少網民都認為「難以超越以前嘅作品」，對呢套劇都唔抱太大嘅期望！而劇集播出後，就引起唔少網民嘅批評，認為選角、劇情、演技等都同過往嘅作品有好大差別。
Photo from 《十月初五的月光》
Photo from 《十月初五的月光》
# 女主角何依婷一人演三個角色！
其中女主角何依婷嘅演技就備受網民熱議，佢喺劇中唔單止要飾演「祝君好」一角，仲要扮演媽媽「朱莎莎」以及年輕時嘅「朱莎華」，一人分飾三角，非常有挑戰性！
Photo from 《十月初五的月光》
Photo from 《十月初五的月光》
# 開播後反應唔太好！
而第一集何依婷就有唔少需要自己同自己對戲嘅場面，網民就覺得佢嘅表情生硬，而且「好似小學生對稿讀書咁」，批評佢嘅演技令觀眾難以投入！網民亦指拍攝手法以及劇情都好有年代感，「好老土！可唔可以唔好破壞經典啊！」、「似以前啲粵語長片」等留言，似乎對呢套劇失去信心。
Photo from TVB FB
Photo from 《十月初五的月光》
# 何依婷2017年參選港姐入行
其實何依婷喺2017年參選港姐榮獲亞軍而入行，2019年先開始參與電視劇演出，而且大多數都只係飾演閒角。直到今年先開始多咗機會於電視劇中發揮，最近剛播出嘅《星空下的仁醫》佢都有份出演！
Photo from 何依婷IG
Photo from 何依婷IG
# 傳因簽下20年長約而受力捧？！
有傳，何依婷今次能夠擔正做女一，全因佢乖乖同公司簽下20年嘅長約，所以先會被成為公司最近嘅力捧對象！而聽聞佢拍攝《十月初五的月光》嘅時候，仲獲公司安排助手跟身，非常有架勢；如果傳聞屬實，咁佢完約嘅時候就已經47歲喇！
Photo from 何依婷IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
游嘉欣獲力捧上位做新一代小花！TVB開新劇3位人氣港姐榮升新寵兒！
11 Mar , 2021
上年年尾播出嘅 TVB 短編劇《香港愛情故事》故事貼地，講出時下香港年青新一代嘅艱難成功引起唔少話題，獲得觀眾大讚有共嗚。而憑電視劇《香港愛情故事》被封新一代宅男女神嘅游嘉欣，更因此而被受力捧。
近日就有一套青春劇《青春不要臉》正式開拍，話明青春劇，劇中演員當然係以年輕新一代演員為主喇！現年 21 歲嘅新一代宅男女神游嘉欣憑無綫劇《香港愛情故事》「Kelly」一角爆紅，備受視迷喜愛成功入屋。雖然劇集經已播完，但其人氣依舊有增無減，一班 fans 嚟緊又可以喺電視見到佢嘅演出喇！
而同劇演員仲有佢哋：
余德丞 31 歲
依套係余德丞第一次擔正嘅電視劇嚟！喺劇中佢將會同劉穎鏇飾演歡喜冤家，仲會有感情線添！
伍樂怡 28 歲
2017年參加香港小姐，當時因為其樣貌與藝人李若彤相似而被外界視為熱門之一。可惜最後三甲不入，因而令網民懷疑選舉係「小圏子選舉」，並獲封為「民選冠軍」。
林正峰 26 歲
林正峰憑無綫劇《香港愛情故事》中宅男廢青「邱凱傑」一角而受觀眾注視。
戴祖儀 25 歲
2019年，戴祖儀喺台慶劇《多功能老婆》中飾演幼稚園老師「呂嘉怡」一角被受注視。
徐文浩 25 歲
徐文浩同林正峰一樣，二人除咗喺節目《#後生仔傾吓偈》合作過外，亦同樣因無綫劇《香港愛情故事》中大學生「徐浩楠」一角而受到注目。
劉穎鏇 23 歲
2016 年參選香港小姐入行，主要擔任主持及拍攝劇集。2018年佢喺劇集《兄弟》中首次擔任女主角「陳鈴（Zero）」，演技獲好評。
丁子朗 23 歲
2016 年參選香港先生入行，主要擔任主持及拍過唔少電視劇。
郭柏妍 23 歲
郭柏妍被網民形容為「港版子瑜」，去年參選港姐時更被視為奪冠參賽佳麗。
9 位主演嘅演員平均年齡只得 25 歲，最大都只係得 31 歲，認真係青春無敵，絕對可以話係 TVB 近年年齡層最低嘅一套劇嚟！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
