十月初五的月光｜石修74歲生日曬型仔童年照！與米雪相隔33年再合作被讚凍齡拍檔

石修有份參演剛開始播映嘅TVB台慶劇《十月初五的月光》，相隔33年再同米雪合作！近日佢上載了一幅九宮格個人照慶祝其74歲生日，當中睇勻童年、中年及現時樣貌，被網民大讚由細型到大！

Photo from 石修 IG

石修74大壽po童年對比照

石修日前迎來74歲生日，佢在IG分享了一幅黑白九宮格相片，全是其個人照，當中橫跨了童年、中年與現在嘅模樣，雖然年紀增長不少，但網民都大呼佢保養得宜，到呢家都好有魅力。

Photo from 石修 IG

石修兒子陳宇琛出溫馨慶生帖文

除此，石修兒子陳宇琛更同親友一起為爸爸舉辦慶生派對，相中佢同爸爸、媽媽黃茹麗、老婆林佑蔚嚟個四人合照好溫馨，佢亦喺帖文中形容爸爸石修為超級英雄「Happy Birthday to our superhero（祝我們的超級英雄生日快樂）」，唔只咁，佢更詳細為爸爸評分，喺以下項目都全獲十分滿分：靚仔、魅力、善良、耐性、力量、誠信，認真孝順！

Photo from 陳宇琛 IG

Photo from 陳宇琛 IG

石修一家在一個有泳池嘅豪宅花園舉行生日派對切蛋糕，環境睇落不錯，同時可觀覽夜景。

Photo from 林佑蔚 IG

石修被大讚係好老爺

陳宇琛與老婆林佑蔚結婚五年，女方多次在IG稱讚石修係超級好嘅爸爸，更大讚佢係最受人尊敬與可愛嘅爸爸，並感謝佢視如己出。睇嚟石修除咗係一個好丈夫同好父親，仲係一位好老爺！

Photo from 陳宇琛 IG

Photo from 林佑蔚 IG

石修相隔33年再同米雪合作，被指係凍齡男神女神

石修有份參演TVB台慶劇《十月初五的月光》，佢喺劇中飾演海味店老闆全海景，並與米雪飾演嘅過氣歌后朱莎嬌係知己好友，石修在米雪人生起巨變時守護對方，二人會互相關心和鼓勵。

Photo from 石修 IG

今次已係石修與米雪第三次合作，二人在1979年首次合拍劇集《絕代雙驕》，雖然佢哋無感情線但有不少對手戲；然後於1987年合演嘅《少林與詠春》中係情侶關係。二人相隔33年後在《十月初五的月光》重遇，並再次上演石修愛上米雪嘅戲份。

Photo from 石修 IG

二人同樣被不少網民指凍齡超強，係不老嘅螢幕情侶！

相關文章：由細型到大！石修 73 歲生日晒童年九宮格相　 網民留言大讚：帥到掉渣

相關文章：【十月初五的月光】傳何依婷簽20年長約獲TVB力捧？一人分飾三角 網民：演技同阿佘冇得比!

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）