阿嬌鍾欣潼主演電影《封神：妲己》上架兩日狂收200萬！鋪路拍續集

阿嬌鍾欣潼主演嘅網絡電影《封神：妲己》上架，雖然之前佢演絕世美人嘅造型照曝光後被嘲似太后，但近日電影上架反應卻唔錯，僅兩日就狂收200萬人民幣分帳，結尾更疑鋪路拍續集！

Photo from 《封神：妲己》

阿嬌演妲己被嘲似太后

現年40歲嘅阿嬌鍾欣潼同沈震軒主演內地網絡電影《封神：妲己》，早前預告一出即引起話題，阿嬌嘅妲己造型更被嘲似太后。

Photo from 《封神：妲己》

阿嬌喺電影中飾演傾國傾城嘅絕世美人妲己，作為成套戲嘅女主角，阿嬌原來有多個唔同嘅造型。

Photo from 《封神：妲己》

阿嬌皮草造型被指臃腫；白衣少女look獲讚重回巔峰狀態

喺預告中佢嘅數個造型都被批臃腫，尤其係披上紅色皮草嘅造型，雖然好有貴氣，但就完全展現唔到妲己嘅美艷，加上瞪大眼嘅驚訝演技，阿嬌美態盡失。

Photo from 《封神：妲己》

Photo from 《封神：妲己》

其實阿嬌飾演嘅妲己喺成為商朝王后之前嘅天真少女造型十分清純，除咗劇照中著白色戰甲嘅造型外，佢仲有一個超柔美嘅少女look，阿嬌呢個造型更獲讚重回《齊天大聖》時期紫薇仙子嘅狀態。

Photo from 《封神：妲己》

Photo from 《封神：妲己》

阿嬌濃妝艷事，電影海報被批係「照騙」

可惜少女造型出場時間唔多，阿嬌喺戲中大部分時間都係以濃妝艷抹示人，唔止喺造型上唔似係商朝服飾，更顯得阿嬌年紀太成熟。而其中一張海報阿嬌著上超艷麗紅衣，更被狠批係「照騙」。

Photo from 《封神：妲己》

Photo from 《封神：妲己》

Photo from 《封神：妲己》

何珮瑜（Jeana）演姜皇后，電影中配角獲讚靚過阿嬌嘅妲己

原來?模出身嘅何珮瑜（Jeana）都有參演呢套電影，佢飾演「姜皇后」，雖然都係戴晒金光閃閃嘅頭冠、頸鏈等，但佢明顯carry得好啲。

Photo from 何珮瑜微博

近年北上發展嘅Jeana收入大大提高，有指收入已過百萬，更晉升成女主角。佢喺《封神：妲己》雖然唔係女一，但唔少網友都大讚佢靚過妲己。

Photo from 《封神：妲己》

Photo from 何珮瑜微博

阿嬌妲己造型出事，反而飾演佢手下「玲瓏」嘅女演員饒曼元更突出，有幾分靈動，又不失妖媚。

Photo from 《封神：妲己》

《封神：妲己》劇情被踩難睇，但結尾鋪路拍續集

除咗造型唔討好外，劇情亦被網友狂批，喺豆瓣電影網站中好多觀眾睇完都只係畀一星評分：「好難看啊！！」、「阿嬌都開始接這種爛網大了嗎」

Photo from 《封神：妲己》

Photo from 豆瓣電影

不過喺《封神：妲己》結尾卻留下伏線，指阿嬌飾演嘅妲己會重生，疑鋪路開拍續集，而且電影僅上架兩日，就已經有200萬人民幣分帳，成績咁好，睇嚟阿嬌或會再演妲己。

Photo from 《封神：妲己》

Photo from 《封神：妲己》

相關文章：《怦然心動20歲》阿嬌自曝曾被閨蜜搶男友！對方更主動向阿嬌宣示主權

相關文章：?模何珮瑜Jeana北上發展榮升女一 ! 今年收入逾百萬 創下歷年新高!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼演妲己被嘲似太后！劇照與預告差勁遠？！網友：以為演緊楊貴妃

15 Nov 2021

阿嬌鍾欣潼近年身型經常成為焦點，被指暴脹不少，佢喺網絡電影《封神：妲己》中飾演絕世美人妲己，劇照佢顏值重返巔峰，但電影預告近日曝光，阿嬌妲己造型被指似太后，網民更直言：「楊貴妃嚟？」

Photo from 微博

阿嬌鍾欣潼主演網絡電影《封神：妲己》預告公開

現年40歲嘅阿嬌鍾欣潼北上發展多年，近年佢成日被指身型暴脹，變得豐滿不少。雖然阿嬌未有正面回應過，但每次出席活動佢身型都成為話題。

Photo from 《怦然心動20歲》

阿嬌最近多數出演綜藝節目，但有份主演嘅內地網絡電影《封神：妲己》即將上映，近日電影預告公開，引發網民討論。

Photo from 《封神：妲己》

阿嬌飾演妲己下巴尖尖，重回顏值巔峰

阿嬌飾演絕世美人「蘇妲己」，早喺年初電影方就已經公開咗幾張劇照，阿嬌飾演嘅妲己同飾演紂王嘅沈震軒邂逅，阿嬌面型瘦削，下巴尖尖，獲網友大讚「重返顏值巔峰」。

Photo from 《封神：妲己》

雖然佢一身造型十分清純，加上楚楚可憐嘅眼神被嫌無妲己嘅妖媚，但拍檔沈震軒仍盛讚阿嬌係「超美妲己」！

Photo from 《封神：妲己》

貴氣造型曝光被指似太后

電影即將上映，預告片亦隨即公開，預告中阿嬌有另一貴氣造型，金光閃閃嘅頭冠加上濃艷妝容，有網民就指呢個造型一啲都突顯唔到妲己傾國傾城嘅美貌，反而好有太后feel！

Photo from 《封神：妲己》

Photo from 《封神：妲己》

Photo from 《封神：妲己》

預告片阿嬌更罕有小露性感，大騷事業線！不過厚重嘅狐裘就令佢睇落十分臃腫，有網友仲直言佢嘅妲己造型令人誤會係演緊楊貴妃：「以為穿越去唐朝」

Photo from 《封神：妲己》

Photo from 《封神：妲己》

Photo from lihkg

厚重狐裘顯臃腫，網民指阿嬌似薛家燕、盧覓雪

唔少網友都認為戲中嘅兩個造型都唔似妲己，一個太清純，一個太老氣。妲己未被九尾狐附身時仍係天真少女，所以清純嘅打扮尚算合理。

Photo from 《封神：妲己》

Photo from 《封神：妲己》

Photo from 《封神：妲己》

Photo from 《封神：妲己》

但成為商朝王后嘅妲己造型有網友就指似薛家燕、盧覓雪，又表示咁多年嚟最靚嘅妲己都係溫碧霞，指20年嚟仍未有人超越。

Photo from lihkg

Photo from lihkg

Photo from lihkg

《封神：妲己》預告：

相關文章：阿嬌上海豪宅曝光！指自己易脹易瘦，坦承有焦慮！自爆Twins曾經搶歌！

相關文章：Twins合體現身街市拍節目！阿嬌秒變「路人」與阿Sa身材成強烈對比！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）