聲夢+星夢28位歌手開維港演唱會！海報揭露地位！門票價格被指超級離地！
Photo from NEW TV
TVB旗下聲夢學員、星夢歌手各有發展
TVB節目《聲夢傳奇》嘅捧出唔少學員炎明熹、姚焯菲、鍾柔美等，其中炎明熹、姚焯菲都已經推出個人單曲，更連同鍾柔美、詹天文組成「After Class」，搶飲「頭啖湯」成最年輕女團！
Photo from 炎明熹IG
Photo from TVB
而星夢方面，「星夢一哥」胡鴻鈞亦喺九展連開兩場個人演唱會，而曾呻不被重用嘅谷婭溦推出嘅首張專輯《哭牆》，奪得金唱片（1.5萬張銷量）好成績。
Photo from 星夢娛樂IG
Photo from 星夢娛樂IG
28位聲夢學員、星夢歌手將於中環海濱活動空間舉辦維港演唱會
TVB乘勝追擊，宣佈將於2022年1月1號元旦日，喺香港中環海濱活動空間舉辦「聲夢維港Party Together演唱會2022」，屆時將會有一眾聲夢學員、星夢歌手表演。
Photo from TVB
而喺演唱會記者會當日，樂易玲同一班歌手，包括菊梓喬、鄭俊弘、谷婭溦、炎明熹、姚焯菲等，而演唱會嘅宣傳海報亦引起熱議。
Photo from NEW TV
聲夢學員炎明熹（Gigi）、姚焯菲（Chantel）穩企中間位
以往TVB台慶大合照嘅企位通常都代表咗其地位，而今次聲夢+星夢演唱會，基本上係聲夢學員、星夢歌手各佔一邊。
Photo from 詹天文 IG
喺聲夢學員方面，位於第一排中間位置嘅毫無疑問係《聲夢傳奇》3料冠軍炎明熹（Gigi），佢隔離就係人氣王「國民初戀」姚焯菲（Chantel），至於第三位則係鍾柔美（Yumi）。第二行中心位置則為潘靜文、詹天文；第三排中間就係林智樂、林君蓮。
Photo from 姚焯菲IG
菊梓喬重回「星夢一姐」寶座，胡鴻鈞「一哥」之位穩如泰山
至於位於海報右手邊嘅星夢歌手排位亦十分講究。首先第一排中間嘅係3奪「最受歡迎女歌星」嘅「星夢一姐」菊梓喬，雖然佢係星夢前CEO何哲圖愛將，喺何哲圖離開星夢後，菊梓喬一度被指失勢，但喺海報上佢重回「一姐寶座」，地位穩如泰山！
Photo from NEW TV
Photo from NEW TV
喺一姐菊梓喬隔離嘅係開咗個人演唱會嘅胡鴻鈞，胡鴻鈞唔止唱歌，近日更於《十月初五的月光》飾演「初哥哥」一角，地位亦係毋庸置疑。
Photo from TVB
吳若希跌落第二排？！
第一排仲有JW王灝兒、吳業坤，而曾經被指同菊梓喬爭「一姐」嘅吳若希，雖然都係第一排，但就被安排喺邊邊位，似乎與菊梓喬地位有差距，而喺「四排版」嘅海報中，吳若希更係第二排，不過就喺中心位。
Photo from 星夢娛樂IG
Photo from NEW TV
橫版海報嘅第二排「center」位置係鄭俊弘，佢旁邊係被指備受力捧嘅「星夢唱將No.1」（吳若希親封）谷婭溦，之後仲有謝東閔、譚嘉儀、林穎彤；第三排則係戴祖儀、涂毓麟、施匡翹、伍富橋。
Photo from NEW TV
Photo from 星夢娛樂IG
聲夢維港演唱會門票售價被指極離地
除咗海報排位之外，演唱會嘅門票售價亦都掀起網民討論。原來今次維港演唱會座位可容納16,000人，門票亦分為5大價格：$380、$580、我$780、$980、以及豪華VIP 6座位。
Photo from TVB
而「豪華VIP 6座位」售價更高達$8,800！唔少網民直言呢個票價相當離地，更質疑究竟有無人會買近萬元嘅飛。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
菊梓喬「星夢一姐」地位不保？！出新歌零宣傳？公司轉捧師妹谷婭溦
8 Nov 2021
Photo from 菊梓喬 IG
菊梓喬3奪「最受歡迎女歌星」，穩坐「星夢一姐」寶座
現年34歲嘅菊梓喬自2017年加盟星夢娛樂後受星夢前CEO何哲圖賞識，獲安排演唱多首劇集主題曲，曾經試過一年獨唱7首劇集歌，可謂TVB劇集歌嘅「御用歌手」！
Photo from 菊梓喬 IG
除咗密密出歌之外，菊梓喬更連續三屆蟬聯《勁歌金曲頒獎典禮》「最受歡迎女歌星」大獎，平咗鄭秀文同楊千嬅嘅紀錄，穩坐「星夢一姐」之位。
Photo from 菊梓喬 IG
TVB與唱片公司破冰後，有指星夢前CEO何哲圖愛將菊梓喬地位不再
「獎門人」曾志偉上任TVB高層後就安排何麗全擔任星夢新CEO，並與3大唱片公司「破冰」。身為星夢前CEO何哲圖愛將嘅菊梓喬喺對方離巢後，有指勢力大減，
Photo from TVB
原本嘅「星夢一姐」亦被指以往影大合照中多數都企中間，但自「破冰」後就被安排企邊邊位，與以往一姐待遇大有不同，似乎地位不再！
Photo from TVB
菊梓喬工作量大減，《星空下的仁醫》劇集歌早就錄好？
最近有指菊梓喬不但工作機會大減，連劇集歌都唱少咗！佢最新嘅歌曲係《星空下的仁醫》片尾曲《我會害怕》，但原來歌曲已經係一年前錄好，仲係星夢前CEO何哲圖離巢前幫佢揀。
Photo from 菊梓喬 IG
雖然嚟緊仲有幾首劇集歌將會推出，但都係已經錄好嘅歌，菊梓喬直認跟住仲未有再錄劇集歌嘅安排，已經耐到唔記得幾耐無唱。翻睇星夢娛樂嘅官方IG，有關菊梓喬最新嘅post已經係近1個月前，正正係10月15日宣傳《星空下的仁醫》片尾曲《我會害怕》。
Photo from 星夢娛樂
不過有Hana嘅fans就不滿歌曲封面設計：「是但加幾棵草當cover張相，唔好咁劣質啦好無」、「戥Hana唔抵」，又指希望Hana轉公司。
Photo from 星夢娛樂
Photo from 星夢娛樂
谷婭溦曾呻不獲公司重用，出道6年首推個人專輯
相反除咗《聲夢傳奇》嘅學員之外，星夢呢排宣傳得最多嘅仲有Hana嘅師妹谷婭溦，谷婭溦同樣有份唱《星空下的仁醫》插曲《不敢開口》，近嚟更推出首張專輯《哭牆》。
Photo from 谷婭溦 IG
谷婭溦曾參加內地湖南衛視著名歌唱節目《快樂女聲》，亦受星夢娛樂前CEO何哲圖賞識加入公司，出道近6年先首次出唱片，谷婭溦曾坦言有少少覺得被公司忽略，又話自己唔係最受重視嗰個。
Photo from 谷婭溦 IG
吳若希大讚係「星夢No.1」，谷婭溦獲力捧
不過最近佢嘅首張專輯《哭牆》奪得金唱片（1.5萬張銷量）好成績，星夢仲為佢舉行祝捷會，除咗有星夢CEO何麗全出席，連大師姐吳若希都有現身力撐！
Photo from 星夢娛樂
Photo from TVB
谷婭溦表示佢初初入行廣東話唔好，幾乎被公司雪藏2年，直言依家終於「翻生」，而吳若希又大讚佢唱功勁：「係我心目中星夢唱將No.1～」
Photo from TVB
谷婭溦已獲星夢CEO何麗全開口應承將會安排佢開騷，又表示會為谷婭溦打入內地巿場做好準備，睇嚟谷婭溦依家係星夢力捧嘅對象！
Photo from 谷婭溦 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
