傳Mandy用昔日愛巢救洗米華!出事20日前抵押市值1.2億半山豪宅

By Stephanie on 30 Nov 2021

Digital Content Writer

澳門太陽城集團創辦人周焯華（洗米華）最近被澳門警方帶走調查，佢旗下嘅公司現時都面臨困境。日前，有傳佢嘅「舊情人」Mandy Lieu早於洗米華出事前20日就將市值約1.2億元嘅西半山豪宅單位抵押俾新濠國際旗下嘅新濠博亞（澳門），以作還錢之用。

Photo from Sublime 網站

# 洗米華被澳門警方帶走！

澳門娛樂大亨周焯華（洗米華）上星期六（27日）被澳門警察帶走調查，而佢嘅感情生活一直都備受關注。出事後，正印洗米嫂（陳慧玲）就已經立刻將自己嘅IG轉為私人帳號；而「舊情人」Mandy Lieu現時就長居於英國，管理自己370幾萬平方米嘅Ewhurst莊園，過住好寫意嘅生活。

Photo from 洗米嫂IG

Photo from Sublime 網站

# Mandy Lieu抵押豪宅幫對方？

喺洗米華出事後，唔少人都立刻擔心佢旗下嘅公司會因此而大受影響，有指太陽城集團嘅股價已經立刻急跌！有傳，Mandy Lieu原來已經喺出事20日前將佢嘅市值約1.2億嘅西半山豪宅「珒然」高層單位，抵押俾新濠博亞（澳門）公司，用作抵欠該公司嘅所有債務（to secure all sums of moneys including general credit facilities）。

Photo from Sublime 網站

# Mandy Lieu係單位嘅唯一業主！

據悉，呢個半山豪宅單位係Mandy Lieu 2014年以逾9,132萬元購入嘅，單位面積約2,182呎。由於傳媒過往曾經拍到洗米華同Mandy一齊返回單位，所以大家都認定該單位係兩人當時嘅愛巢！

Photo from Sublime 網站

# 網民反應不一

唔少網民得知後，都講笑咁話「原來係真愛」、「有情有義」等留言，認為Mandy Lieu係念在舊情，所以先會決定幫對方！另一方面，有網民就認為Mandy只係趁機向洗米華表達自己嘅心意，依然希望有機會「轉正」，不過亦有網民覺得呢間豪宅好大機會都係洗米華嘅物業，只不過係歸Mandy Lieu名下而已。

Photo from 連登討論區

# 兩人2014年爆出緋聞！

曾有「最強小三」之稱嘅Mandy Lieu 喺2014年同洗米華爆出緋聞，兩人高調出席飯局，轟動全城！喺2015年至2017年間，Mandy Lieu為洗米華誕下2女1子。然而，兩人於2019年驚傳分手，而洗米華亦公開表示洗米嫂為唯一老婆，令Mandy Lieu心淡離開，帶同子女定居英國。

Photo from 洗米嫂IG

# Mandy Lieu帶同子女長居英國！

直到2020年，Mandy Lieu接受英國傳媒訪問時，承認兩人已經分手，亦自爆再為男方誕下女兒，證實為洗米華生下4胎嘅傳聞！

Photo from Sublime 網站

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

洗米華老婆Heidi急刪兩人合照？！Mandy Lieu擁英國3億莊園或成最大贏家？！

29 Nov , 2021

澳門娛樂大亨兼太陽城集團創辦人周焯華（洗米華）被澳門警方帶走，佢與正印洗米嫂陳慧玲（Heidi）、Mandy Lieu嘅三角戀情一直都備受關注。而喺洗米華出事後洗米嫂已將IG轉為private，而已分手嘅Mandy同仔女定居英國，生活寫意。

Photo from 洗米嫂IG

洗米華周旋於洗米嫂、Mandy Lieu之間

洗米華與Heidi於2002年結婚，兩人婚後育有2名女兒，不過洗米華身邊有唔少桃花，2014年佢被爆與混血模特Mandy Lieu交往，兩人相戀5年，期間Mandy為佢誕下三女一子。

洗米華同Mandy愛得高調，2015年更世紀牽手，公開戀情！正當外界都以為Mandy會由第三者坐正之際，有指洗米華成功箍煲，與正印妻子重修舊好，更狠心斬斷5年情，同Mandy分手。

Photo from 洗米嫂IG

洗米華與Mandy斬纜，回歸家庭

之後洗米嫂亦不時喺IG大晒家庭照，洗米華回歸家庭。洗米華更為老婆慶祝40歲生日大搞party，又送上20多卡巨鑽戒指，力證夫妻感情不變！

Photo from 洗米嫂IG

喺洗米華被帶走嘅消息傳出後，唔少網友都喺洗米嫂IG下留言關心佢，佢前一日就喺IG分享咗男女關係嘅語錄：「最令人討厭的就是男人，成天說女人不講道理！女人不講道理是天經地義的，女人不講道理才是永恆不變的道理。男人這麼愛講道理可以找男人約會拍拖」，洗米嫂仲話有道理。不過喺老公出事後，洗米嫂就將IG轉做private。