經常用八達通嘅人要留心喇！新八達通相關措施發佈～如果3年唔用會扣錢？

經常使用八達通嘅人要注意喇！佢哋最近宣佈咗關於係2017年10月1日或之後發行嘅「租用版八達通」嘅相關措施。唔知道對大家有冇直接影響呢？

Photo from Instagram

Photo from Instagram

依家嘅八達通最高備用餘額為$35，不過於2017年10月1日或之後發行嘅租用版八達通就唔同喇，會由$35升到$50。

但係有利亦有弊，八達通公司話為咗環保，所以規定係2017年10月1日或之後發行嘅「不記名租用版成人八達通」及客戶年齡於18至59歲之間及無享有乘車優惠嘅「租用版個人八達通」，3年唔用就扣$15手續費！如果再3年後都唔用張八達通，就會變成每年扣$15。

不過不記名租用版小童及長者八達通、附有殘疾人士及學生乘車優惠嘅租用版個人八達通、客戶年齡在18歲以下和60歲或以上嘅租用版個人八達通、銷售版八達通（包括不記名及個人八達通）同埋因租用版八達通更換計劃而發行嘅新八達通就不在此限。

Photo from 八達通公司

提一提大家，由2017年10月1日開始以上嘅措施就會開始生效！

八達通公司完整新聞發佈可按此

Photo from MTR Hong Kong

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）