柏寧酒店聖誕半自助餐+海鮮晚餐優惠！$358起包加一歎齊海鮮+三文魚柳及甜品

By Cheryl on 01 Dec 2021

Digital Editor

柏寧酒店同TapNow聯推兩種餐飲套票！分別有平安夜或聖誕節專用嘅半自助晚餐優惠，及逢星期一至四適用嘅豪華海鮮晚餐優惠，包保整個聖誕冬季都有好嘢食！以下即睇優惠詳情~

Photo from TapNow

聖誕半自助餐晚餐

今個聖誕，柏寧酒店 Ebb & Flow 同TapNow聯推「聖誕半自助餐晚餐」優惠套票，每位只需$628（包加一）即可在平安夜或聖誕節正日大歎2小時半自助晚餐，仲有2個時段畀你揀，分別為：6pm-8pm 或 8:30pm-10:30pm。

Photo from TapNow

任食凍海鮮、沙律、頭盤及甜品

菜式超豐富，所有方案都包自助沙律、頭盤及甜品任食，客人可盡享以下凍海鮮：熱蝦、藍青口、海螺（配雞尾汁、紅醋汁等多款醬汁）；沙律則有聖誕特色沙律、柑橘苦白莱海鮮沙律、溫室蕃茄菲達芝士沙律等；亦可任食新鮮麵包、熱湯、凍肉拼盤（聖誕紅菜頭醃三文魚、挪威煙燻三文魚）、冷切（煙燻火雞、意式肉腸等）、芝士拼盤、及甜品（70%朱古力木頭蛋糕、聖誕雜果蛋糕等）。

自選一款主菜

主菜方面，則有5款+1個兒童限定款式任選一款，包括：慢烤聖誕火雞配傳統雞肝汁 / 蜜汁火腿配蜜糖燒汁 / 慢煮鴨胸配法國鴨肝 / 香煎北海道珍寶帶子配紅菜頭意大利飯 / 煎烤挪威三文魚柳 / 【兒童限定】傳統肉丸配自家蕃茄醬、脆雞塊配蜜糖蛋黃醬，炸魚薯條，檸檬他他汁。

套餐配咖啡/茶/橙汁或汽水一杯，亦可每位另加$168享用 1.5小時無限暢飲，包任飲指定有汽葡萄酒，白及紅葡萄酒，最啱慶祝聖誕~

Photo from TapNow

4款方案

套票設有4款方案，可選平安夜或聖誕節享用，再2選1個合適時段：
方案A：【平安夜 24/12】聖誕半自助餐晚餐｜6pm-8pm（按此預訂）
方案B：【平安夜 24/12】聖誕半自助餐晚餐｜8:30pm-10:30pm（按此預訂）
方案C：【聖誕節 25/12】聖誕半自助餐晚餐｜6pm-8pm（按此預訂）
方案D：【聖誕節 25/12】聖誕半自助餐晚餐｜8:30pm-10:30pm（按此預訂）

豪華海鮮晚餐套票優惠

除咗聖誕套票，柏寧酒店亦有推出平日啱用嘅豪華海鮮晚餐優惠，低至82折，每位只需$358即可歎多款豪華海鮮+安格斯牛+三文魚柳、以及湯+甜品，以上費用更已包括服務費！

Photo from TapNow

一次食盡龍蝦+安格斯牛+三文魚柳

呢個4道菜晚餐供二人享用，頭盤 - 豪華龍蝦海鮮拼盤可以一次食盡波士頓龍蝦 (1隻)、藍青口 (4隻)、海螺 (4隻)、熟蝦 (4隻)、配雞尾酒汁，紅酒醋及檸檬。湯方面，套餐會提供濃厚嘅新英格蘭周打蜆肉忌廉濃湯。

主菜方面，套餐豪包烤美國黑安格斯肉眼牛扒，以及香煎挪威三文魚柳，兩款主菜都配有時令蔬菜及醬汁，足料又滿足！甜品方面，客人可享香濃幼滑嘅比利時朱古力慕絲~ 另加$158，更可享用每位各一杯有氣葡萄酒及紅 / 白葡萄酒。

Photo from TapNow

方案預訂

套票只有一款方案，需最少兩位或以上預訂，適用時段為：星期一至星期四 (下午6時至晚上8時30分)，優惠期由即日至2022年2月28日，套票並不適用於：2021年12月24，25，31日；2022年1月1日及2月14日。快啲約埋摯愛，預訂「豪華海鮮晚餐」套票，一次歎齊龍蝦+安格斯牛！
方案A：$358位豪華海鮮晚餐｜星期一至星期四（按此預訂）