李蘊被指「生完唔做嘢但有錢用」親自還擊：一路搵錢直至生病才停工！
30歲李蘊（Renee）於2015年與任職銀行嘅男友羅章冠結婚，育有一子一女。雖然佢已淡出娛樂圈，但仍經常在社交平台更新近況，近日佢同粉絲玩「你問我答」，卻被人指「唔做嘢但有錢用」，李蘊都親自回應為自己平反！
Photo from 李蘊 IG
李蘊一度患病
李蘊早前在十月上載了在醫院瞓病床照，並指自己經檢查後證實患上脊椎腫瘤，進行手術後情況已有所好轉，但未完全康復，現時會多留家休養。
Photo from 李蘊 IG
被網民指「生完唔做嘢但有錢用」
李蘊儘管在婚後已停止亮相幕前，但佢仍不時在社交網上載個人生活與家庭照，與粉絲交流。日前，佢在IG邀請粉絲向佢提問，大談家庭相處、買衫等日常點滴。不過，一名網民卻留言問道：「對於你生完就唔做嘢但有錢用，有咩心得」。
Photo from 李蘊 IG
李蘊澄清因病才停工
李蘊見狀隨即為自己解釋，表示：「你應該係想話我做少奶奶唔使休？okok我解答下吓你，我生完兩件，BB戒咗人奶之後我一路有工作搵錢，係直至近兩三個月先停咗工作，咁啱身體唔舒服~ 依家仲係復原當中，之後我都係會搵嘢做，所以你唔使擔心，其實唔做嘢都冇無問題嘅... 不過自己搵錢自己使可以有咩心得」。
Photo from 李蘊 IG
望康復後重新工作
喺另一條提問中，佢被問仔女讀書後會揀家庭或事業行先，李蘊指無論如何都會將家庭放第一，亦坦言自己現時失業中，但佢希望不久將來會重新找到適合自己嘅事業，可見其上進心沒有減退。
Photo from 李蘊 IG
一條問題激嬲李蘊？
除此，有另一網民對李蘊婚後性生活頗感興趣，問道：「認真想知，你同老公生嘅前後性生活有冇改變（次數上）」，李蘊有點不滿直言：「認真想知，點解你個IG名我睇唔明嘅，同埋呢條問題關你叉事」。
Photo from 李蘊 IG
李蘊回答問題時又指，正常情況下都不會生第三胎，認為現時有一對仔女已非常足夠，真係「萬一」有咗才會再生。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
