【何鴻燊遺產案】爆生前未立遺囑！長房子女稱達110億！二房何超瓊指涉約17.2億
Photo from 有線電視
賭王何鴻燊逝世後，四房就遺產事宜登記知會備忘
何鴻燊逝世，享年98歲，佢生前有4房妻室、17名子女，佢離世後嘅家產如何分配曾引起大眾關注。
Photo from 有線電視
賭王逝世後，佢4房家族成員曾就遺產事宜先後向高等法院登記知會備忘，如果有任何人要求處理何鴻燊嘅遺產，事先須先知會登記咗「知會備忘」嘅人士。
Photo from TVB
二房何超瓊稱遺產管理人安排獲15名受益人同意
而長房次女何超賢同外孫女蕭玫錚（長房何超英女兒）早前申請新增遺產管理人，但遭二房何超瓊反對，代表二房嘅資深大律師石永泰表示有15名遺產受益人，包括二房、三房及四房，都同意或不反對原來嘅遺產管理人委任安排。
Photo from TVB
Photo from TVB
代表二房嘅大律師稱法官應優先考慮大部分家族成員嘅意願，又指長房何超賢本來都同意安排但就突然改變主意。更入稟要求法院委任遺產管理人，此事未有知會何超瓊，何超瓊仲係透過傳媒報道先知。
Photo from TVB
長房子女何超賢指已作讓步，僅要求新增遺產管理人
代表長房次女何超賢嘅資深大律師藍德業則表示何超賢一直未能參與決定遺產管理人嘅討論，並已「讓步」只要求佢委任嘅人選，共同擔任遺產管理人。
長房大律師指何超賢並非唔信何超瓊，而係何家共有四房人，好難避免利益衝突，佢只係希望有佢一方嘅人出任遺產管理人。
11年前曾因股份分配出現何鴻燊家族爭產風波
其實早喺2010年12月賭王家族就曾因分配Lanceford公司股權一事掀起風波，當時澳門博彩宣布何鴻燊旗下最大股東Lanceford作股份重組，將新發股份分配畀二房以及三房。
Photo from TVB
Photo from TVB
但之後賭王就向二房女兒何超鳳寫家書，要求解釋點解未經佢同意就將股份分配畀二房、三房，賭王稱佢嘅意願係將家產平分畀四房，如果二房、三房喺48小時內唔作出回應則會採取法律行動。
Photo from 有線電視
Photo from 有線電視
二房何超鳳亦發家書，稱何鴻燊授權佢以「禮物贈送」方式轉讓有關股份。何鴻燊先後同4房子女召開家庭會議，更兩度入稟告二房何超鳳、何超瓊等人，最終「爭產事件」歷時約3個月，有指何家各房簽訂和解協議，何鴻燊喺2011年3月10日發聲明指「事件終於得到圓滿解決」。
Photo from 有線電視
Photo from 有線電視
何鴻燊生前未立遺囑，長房、二房對遺產總值評估有出入
四房兒子何猷君與超模奚夢瑤結婚後誕下一子，當時有指為何家生下長孫，家產可以分多一份，何猷君喺微博嬲爆發長文指：「生何廣燊，我一分錢沒從我爸那拿過」，又表示財產早就喺佢15歲未成年前就已經分完。
不過喺庭上長房同二房就透露何鴻燊生前未立遺囑，又揭長房同二房對於何鴻燊遺產嘅總額評估亦有出入，長房何超賢估計賭王遺產總額約$110億元，而二房何超瓊則指約$17.2億元，雖然數目有極大差距，二房何超瓊一方解釋佢無排除遺產實際價值或遠超17.2億元。
Photo from 有線電視
Photo from 有線電視
Photo from 有線電視
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【賭王何鴻燊逝世】遺產爭奪一觸即發？傳5000億身家早就分好 何猷君曾直言：錢早就分完了！
26 May 2020
賭王何鴻燊今午病逝，享年98歲。
對於賭王何鴻燊離世一事，唔少網民最想知嘅就係其高達5000億港幣遺產分配一事。
雖然喺剛剛嘅記者會中看似和諧，但其實喺2010年何家就曾經因家產分配鬧得沸沸揚揚。
Photo from 香港電台
何鴻燊坐擁5000億港幣財產，有4妻17子女，有指佢曾承諾：「曾為我生過小孩子的，都是我老婆，我都會給予名份。」
而且曾有爆料指，只要家族內增加一名成員，就會給予9位數獎金，讓各房明爭暗鬥不斷。
而事實上何鴻燊一早已經分好晒4房中各房嘅身家，以避免自己逝世後出現遺產爭奪嘅情況，不過仍喺2010年鬧出糾紛事件。
何鴻燊喺2010年12月就將Lanceford公司股權分配予何鴻燊二房、三房家庭，澳門博彩當時亦有宣布何鴻燊旗下最大股東Lanceford嘅股權變動，將其有關股份分配於二房以及三房，導致四房就家產分配引發爭議。
加上四房兒子何猷君去年與超模奚夢瑤結婚後育有一子，就因為被指「又能分一大筆遺產」一事時，何猷君嬲爆直指：「錢早就分完了！」並強調：「生了兒子，沒生兒子，我錢還是夠花的，謝謝。」
Photo from 何猷君weibo
所以何博士嘅遺產到底會點分配，會唔會令遺產爭奪一觸即發呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
